ಹಾವೇರಿಯ ನಾಗೇಂದ್ರನಮಟ್ಟಿಯ ಗೀತಾ ಮಗುವನ್ನು ಅಪಹರಿಸಿದ್ದ ಮಹಿಳೆ. ಮದುವೆಯಾಗಿ ಐದು ವರ್ಷವಾದರೂ ಈಕೆಗೆ ಮಕ್ಕಳಿರಲಿಲ್ಲ. ಬೆಂಗಳೂರಿನಲ್ಲಿ ಹೋಮ್ ನರ್ಸ್ ಆಗಿ ಕೆಲಸ ಮಾಡುತ್ತಿದ್ದ ಗೀತಾ ಶನಿವಾರ ಹಾವೇರಿ ಜಿಲ್ಲಾಸ್ಪತ್ರೆಗೆ ಬಂದಿದ್ದ ವೇಳೆ ಮಗುವನ್ನು ಅಪಹರಿಸಿದ್ದರು. ಮಗು ಅಪಹರಣವಾದ ಸುದ್ದಿ ಎಲ್ಲೆಡೆ ಹಬ್ಬುತ್ತಿದ್ದಂತೆ ಭೀತಿಗೊಂಡ ಗೀತಾ ಮಗುವನ್ನು ಶಹರ ಪೊಲೀಸ್ ಠಾಣೆಗೆ ಭಾನುವಾರ ಮಧ್ಯಾಹ್ನ ನೀಡಿದ್ದಾರೆ. ಗೀತಾಳನ್ನು ಪೊಲೀಸರು ವಶಕ್ಕೆ ಪಡೆದು, ಮಗುವನ್ನು ಪೋಷಕರ ಮಡಿಲಿಗೆ ಒಪ್ಪಿಸಿದ್ದಾರೆ.