ಚಿಂಚೋಳಿ: ಇಳೆಗೆ ಹಸಿರ ಹೊದಿಕೆ, ಕಾಡಿನ ಸೊಬಗು ನೋಡುವುದೇ ಖುಷಿ

ಚಿಂಚೋಳಿ: ಚಿಂಚೋಳಿ ವನ್ಯಜೀವಿ ಧಾಮವು ಮಳೆಯಿಂದ ಕಂಗೊಳಿಸುತ್ತಿದ್ದು, ಎಲ್ಲೆಡೆ ಹಸಿರು ವ್ಯಾಪಿಸಿದೆ. ಸಮೃದ್ಧ ಜೀವ ವೈವಿಧ್ಯತೆಯಿಂದ ಕೂಡಿರುವ ಈ ಕಾಡು ಏಪ್ರಿಲ್, ಮೇ ತಿಂಗಳಲ್ಲಿ ಸುರಿದ ಮಳೆಗೆ ಹಸಿರು ರಾಶಿ ಹೊದ್ದುಕೊಂಡಿದೆ.

. ಚಂದ್ರಂಪಳ್ಳಿ, ಮಾಣಿಕಪುರ, ಗೊಟ್ಟಂಗೊಟ್ಟ, ಎತ್ತಿಪೋತೆ, ಶೇರಿಭಿಕನಳ್ಳಿ, ಅಂತಾವರಂ, ಮೊಗದಂಪುರ, ಶಾದಿಪುರ, ಭೈರಂಪಳ್ಳಿ, ಸೋಮಲಿಂಗದಳ್ಳಿ, ಚಿಕ್ಕಲಿಂಗದಳ್ಳಿ ಸುತ್ತಲಿನ ಕಾಡು ಮೈದುಂಬಿಕೊಂಡಿದೆ.

. ವನ್ಯಜೀವಿ ಧಾಮದ ಕೊತ್ವಾಲ್ ನಾಲಾ, ಮಂಡಿ ಬಸವಣ್ಣ ಕ್ಯಾಂಪ ಹಿಂದಿನ ನಾಲಾ, ಮಹಿಶಮ್ಮನ ಬೆಟ್ಟ, ಬಡೆಸಾಬ್, ಎತ್ತಿಪೋತೆ ನಾಲಾ ಹಾಗ ಬುರುಗದೊಡ್ಡಿ ಮೊದಲಾದ ಕಡೆ ತೊರೆಗಳಲ್ಲಿ ನೀರು ಗೋಚರಿಸುತ್ತಿದೆ.

. ಸಮುದ್ರ ಮಟ್ಟದಿಂದ ಬುರುಗದೊಡ್ಡಿ 634 ಮೀಟರ್, ಶೇರಿಭಿಕನಳ್ಳಿ 601 ಮೀಟರ್, ಧರ್ಮಾಸಾಗರ 594 ಮೀಟರ್, ಗೊಟ್ಟಮಗೊಟ್ಟ 547 ಮೀಟರ್, ಶಾದಿಪುರ 502 ಮೀಟರ್, ಚಿಂದಾನೂರ 500 ಮೀಟರ್ ಮತ್ತು ಭೈರಂಪಳ್ಳಿ 478 ಮೀಟರ್ ಎತ್ತರದಲ್ಲಿದೆ. ಇವು ಚಾರಣಕ್ಕೆ ಹೇಳಿ ಮಾಡಿಸಿದ ತಾಣಗಳಾಗಿವೆ.

. ‘13,888 ಹೆಕ್ಟೇರ್ ವಿಸ್ತಾರದ ಈ ಕಾಡು ಬಯಲು ಸೀಮೆಯ ಪ್ರಮುಖವಾದ ಪರಿಸರ ಸೂಕ್ಷ್ಮ ವಲಯವಾಗಿದೆ. 2011ರಲ್ಲಿ ಕಾಯ್ದಿಟ್ಟ ಅರಣ್ಯವನ್ನು ವನ್ಯಜೀವಿ ಧಾಮವಾಗಿ ಮೇಲ್ದರ್ಜೆಗೇರಿಸಿದ ಮೇಲೆ ಇಲ್ಲಿ ಪರಿಸರ ಪ್ರವಾಸಕ್ಕೆ ಹೇಳಿಕೊಳ್ಳುವಂತಹ ಅಭಿವೃದ್ಧಿ ಕೆಲಸ ಆಗಿಲ್ಲ’ ಎನ್ನುತ್ತಾರೆ ಸ್ಥಳೀಯರು.

. ಜೀವ ವೈವಿಧ್ಯದ ತಾಣ: ಅಳಿವಿನ ಅಂಚಿನಲ್ಲಿರುವ ಮತ್ತು ಔಷಧಿಯ ಸಸ್ಯಗಳು ಇಲ್ಲಿ ಕಾಣಸಿಗುತ್ತವೆ. ಇದರಿಂದಾಗಿಯೇ ಇದಕ್ಕೆ ಮಹತ್ವ ಬಂದಿದೆ. ಬನ್ನಿ, ಧೂಪ, ಮುತ್ತುಗ, ಕವಳಾ, ಸಿಸೂ, ನೆಲ್ಲಿ, ಶಿವಣೆ, ಹೊನ್ನೆ, ರಕ್ತಚಂದನ, ಶ್ರೀಗಂಧ, ಸಾಗವಾನಿ, ಕರಿಮತ್ತಿ ಹಾಗೂ ಹೊಳೆ ಸಸ್ಯಗಳು ಇಲ್ಲಿವೆ.

. ಕೃಷ್ಣಮೃಗ, ಕಾಡುಬೆಕ್ಕು, ಚಿರತೆ, ಹದ್ದು, ಸುವರ್ಣ ವರ್ಣದ ಮರಕುಟಿಕ, ನಾಗರಗಾವು, ಹೆಬ್ಬಾವು, ಮಂಡಲ ಹಾವುಗಳು ಅಳಿವಿನ ಅಂಚಿನಲ್ಲಿರುವ ಸಸ್ಯ, ಪ್ರಾಣಿ ಮತ್ತು ಪಕ್ಷಿ ಹಾಗೂ ಸರಿಸೃಪಗಳಾಗಿವೆ ಎನುತ್ತಾರೆ ವನ್ಯಜೀವಿ ಧಾಮದ ವಲಯ ಅರಣ್ಯಾಧಿಕಾರಿ ಸಂಜೀವಕುಮಾರ ಚವ್ಹಾಣ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಿಂಚೋಳಿ: ಇಳೆಗೆ ಹಸಿರ ಹೊದಿಕೆ, ಕಾಡಿನ ಸೊಬಗು ನೋಡುವುದೇ ಖುಷಿ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ