ಕಲಬುರ್ಗಿ: ಗುರು ಪೂರ್ಣಿಮಾ ಸರಳ ಆಚರಣೆ

ಕಲಬುರ್ಗಿ: ರಾಜ್ಯ ಸರ್ಕಾರ ಭಾನುವಾರ ಲಾಕ್ಡೌನ್ ಘೋಷಿಸಿರುವ ಮತ್ತು ಕೊರೊನಾ ಸೋಂಕು ಹರಡುವ ಭೀತಿ ಇರುವ ಕಾರಣ ಬಹುತೇಕ ದೇಗುಲಗಳಲ್ಲಿ ಗುರುಪೂರ್ಣಿಮಾ ಸರಳವಾಗಿ ಆಚರಿಸಲಾಗುವುದು. ಕೆಲ ಕಡೆ ವಿಶೇಷ ಪೂಜೆಗಳು ನಡೆದರೆ, ಕೆಲ ದೇವಾಲಯಗಳಲ್ಲಿ ದೇವರ ದರ್ಶನಕ್ಕೆ ಅವಕಾಶ ಇರುವುದಿಲ್ಲ.

. ಅಫಜಲಪುರ ತಾಲ್ಲೂಕಿನ ದೇವಲಗಾಣಗಪುರದ ದತ್ತ ಮಂದಿರ ಮತ್ತು ಘತ್ತರಗಿಯ ಭಾಗ್ಯವಂತಿ ದೇವಸ್ಥಾನ ಬಂದ್ ಇರುತ್ತವೆ. ಕಲಬುರ್ಗಿ ಬುದ್ಧ ವಿಹಾರ ಸಹ ಬಂದ್ ಇರಲಿದ್ದು, ಬುದ್ಧ ದರ್ಶನಕ್ಕೆ ಅವಕಾಶ ಇರುವುದಿಲ್ಲ.

. ನಗರದ ಶರಣಬಸವೇಶ್ವರ ದೇವಸ್ಥಾನದಲ್ಲಿ ಭಕ್ತರಿಗೆ ಬೆಳಿಗ್ಗೆ 7 ರಿಂದ 10ರವರೆಗೆ ಮಾತ್ರ ದೇವರ ದರ್ಶನ ಪಡೆಯಲು ಅವಕಾಶವಿರುತ್ತದೆ ಎಂದು ದೇವಸ್ಥಾನದ ಪ್ರಮುಖರು ತಿಳಿಸಿದ್ದಾರೆ.

. ವ್ಯಾಸ ಪೂರ್ಣಿಮಾ: ನಗರದ ಬಿದ್ದಾಪುರದ ನಂಜನಗೂಡು ರಾಯರ ಮಠ ಮತ್ತು ವಿದ್ಯಾನಗರ ಕಾಲೊನಿಯ ಕೃಷ್ಣ ಮಠದಲ್ಲಿ ವ್ಯಾಸ ಪೂರ್ಣಿಮಾ ನಡೆಯಲಿದೆ. ಬೆಳಿಗ್ಗೆ 9 ರಿಂದ ಮಧ್ಯಾಹ್ನ 12ರವರೆಗೆ ವಿಶೇಷ ಪೂಜೆ ಜರುಗಲಿದ್ದು, ಭಕ್ತರು ದೇವರ ದರ್ಶನ ಪಡೆಯಬಹುದು ಎಂದು ರಾಯರ ಮಠದ ವ್ಯವಸ್ಥಾಪಕ ನವಲೆ ಕೃಷ್ಣಾಚಾರ ತಿಳಿಸಿದರು.

. ಸರಳ ಆಚರಣೆ: ರಾಮಮಂದಿರ ಸರ್ಕಲ್ ಬಳಿಯಶಿರಡಿ ಸಾಯಿಬಾಬಾ ಮಂದಿರದಲ್ಲಿ ಬೆಳಿಗ್ಗೆ 6.30 ರಿಂದ 8ರವರೆಗೆ ಗುರುಪೂರ್ಣಿಮಾ ಸರಳವಾಗಿ ಆಚರಿಸಲಾಗುವುದು. ಈ ಅವಧಿಯಲ್ಲಿ ಮಾತ್ರ ಭಕ್ತರಿಗೆ ದರ್ಶನ ಮಾಡಲು ಅವಕಾಶವಿರುತ್ತದೆ ಎಂದು ಮಂದಿರದ ಪ್ರತಿನಿಧಿ ಡಾ. ಎನ್.ಜಿ.ಗಚ್ಚಿನಮನಿ ತಿಳಿಸಿದರು.

. ‘ಮನೆಯಲ್ಲೇ ಮಾತೆಯ ಜನ್ಮದಿನ ಆಚರಿಸಿ’

. ತಾಲ್ಲೂಕಿನ ಮಾಣಿಕ್ಯಗಿರಿಯ ಲಿಂ.ಮಾತಾಮಾಣಿಕೇಶ್ವರಿಯವರ 87ನೇ ಜನ್ಮದಿನವನ್ನು ಭಕ್ತರು ಭಾನುವಾರ (ಜುಲೈ 5) ತಮ್ಮ ಮನೆಯಲ್ಲೇ ಆಚರಿಸುವಂತೆ ರೂಪರಹಿತ ಅಹಿಂಸಾ ಯೋಗೀಶ್ವರ ವೀರಧರ್ಮಜಾ ಮಾತಾ ಟ್ರಸ್ಟ್ನ ಟ್ರಸ್ಟಿ ಸಿದ್ರಾಮಪ್ಪ ಸಣ್ಣೂರ ಮನವಿ ಮಾಡಿದ್ದಾರೆ.

. ‘ಭಾನುವಾರ ಬೆಳಿಗ್ಗೆ 7.30ಕ್ಕೆ ಮಾತೆ ಮಾಣಿಕೇಶ್ವರಿಯವರ ಜನ್ಮದಿನ ಮಾಣಿಕ್ಯಗಿರಿಯಲ್ಲಿ ಆಚರಿಸಲಾಗುವುದು. ಕೊರೊನಾ ಸೋಂಕು ಎಲ್ಲೆಡೆ ವ್ಯಾಪಿಸುತ್ತಿರುವ ಕಾರಣ ಭಕ್ತಾದಿಗಳು ಮಾಣಿಕ್ಯಗಿರಿಗೆ ಬಾರದೇ ತಮ್ಮ ಮನೆಗಳಲ್ಲಿ ಜನ್ಮದಿನ ಆಚರಿಸಬೇಕು’ ಎಂದು ಅವರು ಕೋರಿದ್ದಾರೆ.

. ಲಾಕ್ಡೌನ್ ಮಧ್ಯೆಯೂ ಕೆಲ ಭಕ್ತರು ಮಾಣಿಕ್ಯಗಿರಿಗೆ ಬರುವ ಸಾಧ್ಯತೆಯಿದ್ದು ಈ ಕಾರಣ ಡಿವೈಎಸ್ಪಿ ಈ.ಎಸ್.ವೀರಭದ್ರಯ್ಯ ನೇತೃತ್ವದಲ್ಲಿ ಪೊಲೀಸ್ ಬಿಗಿ ಬಂದೋಬಸ್ತ್ ಮಾಡಲಾಗಿದೆ.

. ಡಿವೈಎಸ್ಪಿ–1, ಸಿಪಿಐ 3, ಪಿಎಸ್ಐ 8, ಎಎಸ್ಐ 15, ಎಚ್ಸಿ 30, ಪಿಸಿ 100,ಹೋಂಗಾರ್ಡ್ 20 ಅಲ್ಲದೆ ಸಶಸ್ತ್ರ ಮೀಸಲು ಪಡೆಯ 2 ತುಕಡಿ ಈಗಾಗಲೇ ಮಾಣಿಕ್ಯಗಿರಿಯಲ್ಲಿ ಮೊಕ್ಕಾಂ ಹೂಡಿವೆ. ಮಾಣಕ್ಯಗಿರಿಯ ಮುಖ್ಯದ್ವಾರದ ಬಳಿ ಬ್ಯಾರಿಕೇಡ್ ಹಾಕಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಲಬುರ್ಗಿ: ಗುರು ಪೂರ್ಣಿಮಾ ಸರಳ ಆಚರಣೆ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಚುರುಮುರಿ | ಗ್ರಾಮಾಭಿವೃದ್ಧಿ...

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಚುರುಮುರಿ | ಗ್ರಾಮಾಭಿವೃದ್ಧಿ...