ಕಲಬುರಗಿ: ದುಬಾರಿ ಶುಲ್ಕ; ಸೀಟು ರದ್ದತಿಗೆ ಅಭ್ಯರ್ಥಿಗಳಿಂದ ಪತ್ರ

ಕಲಬುರಗಿ : ಬಿ.ಇಡಿ ಪದವಿ ಮುಗಿಸಿ ಉತ್ತಮ ಶಿಕ್ಷಕರಾಗಬೇಕು ಎಂಬ ಕನಸು ಹೊತ್ತಿದ್ದ ಅಭ್ಯರ್ಥಿಗಳಿಗೆ ಖಾಸಗಿ ಹಾಗೂ ಅನುದಾನಿತ ಕಾಲೇಜುಗಳಲ್ಲಿ ವಿಧಿಸುತ್ತಿರುವ ‘ಹೆಚ್ಚುವರಿ ಶುಲ್ಕ’ವು ಬರೆ ಎಳೆಯುತ್ತಿದೆ.

. ಸರ್ಕಾರಿ ಕೋಟಾದಡಿ ಸೀಟು ಲಭಿಸಿದ್ದರೂ ಖಾಸಗಿ ಹಾಗೂ ಅನುದಾನಿತ ಕಾಲೇಜುಗಳಲ್ಲಿ ಪ್ರಸಕ್ತ ಸಾಲಿನಲ್ಲಿ ಬಿ.ಇಡಿ ಪ್ರವೇಶ ಪಡೆಯಲು ಬಂದ ಅಭ್ಯರ್ಥಿಯಿಂದ ನಿಗದಿತ ಶುಲ್ಕದ ಜೊತೆಗೆ ಹೆಚ್ಚುವರಿಯಾಗಿ ₹25,000ರಿಂದ ₹ 35,000 ಹಣ ಕಟ್ಟಿಸಿಕೊಳ್ಳಲಾಗುತ್ತಿದೆ. ಹೀಗಾಗಿ ಹಣ ಕಟ್ಟಲಾಗದ ಕೆಲವು ಅಭ್ಯರ್ಥಿಗಳು, ತಮಗೆ ಹಂಚಿಕೆಯಾಗಿರುವ ಬಿ.ಇಡಿ ಸೀಟನ್ನು ರದ್ದುಗೊಳಿಸಿ, ಕಟ್ಟಿರುವ ಪ್ರವೇಶ ಶುಲ್ಕವನ್ನು ವಾಪಸ್ ಕೊಡಿ ಎಂದು ಡಯಟ್ಗೆ ಪತ್ರ ಬರೆದಿದ್ದಾರೆ. ‘ಪ್ರಜಾವಾಣಿ’ಗೆ ಈ ಪತ್ರಗಳು ಲಭಿಸಿದೆ.

. ಸರ್ಕಾರಿ ಕೋಟಾದಡಿ ಆಯ್ಕೆಯಾದ ಅಭ್ಯರ್ಥಿಗಳು ಸರ್ಕಾರಿ ಕಾಲೇಜಿಗೆ ₹ 5,125, ಅನುದಾನಿತ ಕಾಲೇಜಿಗೆ ₹6,175 ಹಾಗೂ ಖಾಸಗಿ (ಅನುದಾನ ರಹಿತ) ಕಾಲೇಜಿಗೆ ₹ 10,175 ಶುಲ್ಕ ಪಾವತಿಸಬೇಕು. ಆದರೆ, ಖಾಸಗಿ ಮತ್ತು ಅನುದಾನಿತ ಕಾಲೇಜುಗಳು ಅಭ್ಯರ್ಥಿಗಳಿಂದ ಪ್ರತಿ ಸೆಮಿಸ್ಟರ್ಗೆ ಕಾಲೇಜು ಅಭಿವೃದ್ಧಿ, ಪ್ರವಾಸ, ನೋಂದಣಿ ಶುಲ್ಕ ಸೇರಿದಂತೆ ₹ 25,000ರಿಂದ ₹35,000ವರೆಗೆ ಹಣ ಕೇಳುತ್ತಿವೆ. ಜೊತೆಗೆ ವಿಶ್ವವಿದ್ಯಾಲಯಕ್ಕೆ ತಾವು ಕಟ್ಟಬೇಕಿರುವ ಸಮಗ್ರ ವಿಶ್ವವಿದ್ಯಾಲಯ ಮತ್ತು ಕಾಲೇಜು ಅಭಿವೃದ್ಧಿ ವ್ಯವಸ್ಥೆ(ಯುಯುಸಿಎಂಎಸ್) ನಿರ್ವಹಣೆಯ ₹1,000 ಶುಲ್ಕದ ಬದಲಿಗೆ, ಅಭ್ಯರ್ಥಿಗಳಿಂದ ₹ 10,000 ಕಟ್ಟಿಸಿಕೊಳ್ಳುತ್ತಿವೆ.

. ಇವೆಲ್ಲವೂ ಸೇರಿದರೆ ಸರ್ಕಾರಿ ಕೋಟಾದಡಿ ಸೀಟು ಸಿಕ್ಕರೂ ಒಬ್ಬ ಅಭ್ಯರ್ಥಿ ಒಂದು ಸೆಮಿಸ್ಟರ್ಗೆ ಸುಮಾರು ₹55,000ರಿಂದ ₹65,000ವರೆಗೆ ತಕ್ಷಣ ಕಾಲೇಜಿಗೆ ಕಟ್ಟಬೇಕಾಗಿದೆ. ನಾಲ್ಕು ಸೆಮಿಸ್ಟರ್ಗಳಿಗೆ ₹1.5 ಲಕ್ಷದಿಂದ ₹ 2 ಲಕ್ಷದವರೆಗೆ ಕಟ್ಟಬೇಕಾಗಿರುವುದರಿಂದ ತಮಗೆ ಪ್ರವೇಶವೇ ಬೇಡ ಎಂದು ಕೆಲವು ಅಭ್ಯರ್ಥಿಗಳು ಡಯಟ್ಗೆ ಪತ್ರ ಬರೆದು ಅಳಲು ತೋಡಿಕೊಂಡಿದ್ದಾರೆ.

. ಮೆರಿಟ್ ಲಿಸ್ಟ್ನಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳ ದಾಖಲಾತಿ ಪರಿಶೀಲಿಸಿ ಕಾಲೇಜುಗಳ ಆಯ್ಕೆಗೆ ಅವಕಾಶ ನೀಡಲಾಗುತ್ತದೆ. ಬಳಿಕ ತಾವು ಆಯ್ಕೆ ಮಾಡಿಕೊಂಡ ಕಾಲೇಜುಗಳಿಗೆ ತೆರಳಿ ಪ್ರವೇಶ ಪಡೆಯಬೇಕು. ಒಂದು ವೇಳೆ ಅಭ್ಯರ್ಥಿಯು ಕಾಲೇಜು ಬದಲಾಯಿಸಿಕೊಳ್ಳಬೇಕಾದರೆ, 2ನೇ ಸುತ್ತಿನ ಮೆರಿಟ್ ಲಿಸ್ಟ್ ಬಿಡುಗಡೆ ಆಗುವವರೆಗೂ ಕಾಯಬೇಕು. ಆ ನಂತರ ಕಾಲೇಜನ್ನು ಬದಲಿಸಿಕೊಳ್ಳಬೇಕು. ಹೀಗೆ ಬದಲಿಸಿಕೊಂಡರೆ ಹೆಚ್ಚುವರಿಯಾಗಿ ಪಾವತಿಸಿದ ಹಣವೂ ವಾಪಸ್ ಬರುವುದಿಲ್ಲ. ಹೀಗಾಗಿ ಅಭ್ಯರ್ಥಿಗಳು ಕಾಲೇಜಿಗೆ ಪ್ರವೇಶ ಪಡೆಯುವ ಮುನ್ನವೇ ತಮಗೆ ಹಂಚಿಕೆಯಾಗಿದ್ದ ಸೀಟನ್ನು ರದ್ದುಗೊಳಿಸಬೇಕು ಎಂದು ಡಯಟ್ಗೆ ಪತ್ರ ಬರೆಯುತ್ತಿದ್ದಾರೆ.

. ಸರ್ಕಾರಿ ಕೋಟಾದ ಅಭ್ಯರ್ಥಿಗಳಿಗೆ ನಿಗದಿಪಡಿಸಿದ ಶುಲ್ಕ ಮಾತ್ರ ಪಡೆಯಬೇಕು. ಹೆಚ್ಚುವರಿ ಶುಲ್ಕ ಪಡೆಯುತ್ತಿರುವ ಕಾಲೇಜುಗಳ ವಿರುದ್ಧ ಕ್ರಮಕೈಗೊಳ್ಳಲಾಗುವುದು ಬಿ.ಎಂ. ಪಾಟೀಲ, ಹಂಗಾಮಿ ಕುಲಪತಿ, ಕರ್ನಾಟಕ ವಿಶ್ವವಿದ್ಯಾಲಯ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಲಬುರಗಿ: ದುಬಾರಿ ಶುಲ್ಕ; ಸೀಟು ರದ್ದತಿಗೆ ಅಭ್ಯರ್ಥಿಗಳಿಂದ ಪತ್ರ

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 24 ಭಾನುವಾರ 2025

ಹೈಕೋರ್ಟ್: ಗಣೇಶ ಹಬ್ಬ, ಈದ್ ಮಿಲಾದ್ ವೇಳೆ DJ ನಿರ್ಬಂಧ ಪ್ರಶ್ನಿಸಲಾದ ಅರ್ಜಿ ವಜಾ

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 23 ಶನಿವಾರ 2025

ಧರ್ಮಸ್ಥಳ ಪ್ರಕರಣ | ಮುಸುಕುಧಾರಿ ಬಂಧನ: ಹುಟ್ಟೂರಿನಲ್ಲಿ ಜನರ ಸಂತಸ

Cheteshwar Pujara Retirement: ಪೂಜಾರ ಸಾಧನೆ ಕೊಂಡಾಡಿದ ಭಾರತದ ಮಾಜಿ ತಾರೆಯರು

Aus Vs SA | ಬ್ಯಾಟರ್‌ಗಳ ಅಬ್ಬರ: ದಶಕದ ನಂತರ 400 ರನ್‌ ಗಡಿ ದಾಟಿದ ಆಸೀಸ್‌

Cheteshwar Pujara: ಎಲ್ಲ ಮಾದರಿಯ ಕ್ರಿಕೆಟ್‌ಗೆ ಚೇತೇಶ್ವರ ಪೂಜಾರ ವಿದಾಯ

‘ಮಹಾರಾಜ ಟ್ರೋಫಿ’ ಟ್ವೆಂಟಿ20 ಟೂರ್ನಿ: ಬೆಳಗುತ್ತಿವೆ ಮೈಸೂರು ಪ್ರತಿಭೆಗಳು!

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಒಳನೋಟ: ಬಿಆರ್‌ಟಿಗೆ ಒತ್ತುವರಿ ಸಂಕಟ

ಒಳನೋಟ: ಮಹದೇವಪುರದ ‘ಮತ’ ಮಹಾತ್ಮೆ

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 24 ಭಾನುವಾರ 2025

ಹೈಕೋರ್ಟ್: ಗಣೇಶ ಹಬ್ಬ, ಈದ್ ಮಿಲಾದ್ ವೇಳೆ DJ ನಿರ್ಬಂಧ ಪ್ರಶ್ನಿಸಲಾದ ಅರ್ಜಿ ವಜಾ

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 23 ಶನಿವಾರ 2025

ಧರ್ಮಸ್ಥಳ ಪ್ರಕರಣ | ಮುಸುಕುಧಾರಿ ಬಂಧನ: ಹುಟ್ಟೂರಿನಲ್ಲಿ ಜನರ ಸಂತಸ