ದೇವಲಗಾಣಗಾಪುರ: ಹಾಸಿಗೆ ತೊಳೆಯಲು ಹೋಗಿದ್ದವ ನೀರು ಪಾಲು

ದೇವಲಗಾಣಗಾಪುರದ ನಿವಾಸಿಗಳಾದ ಶಶಿಕುಮಾರ ಹಾಗೂ ಶರಣು ಅರ್ಜುನಗಿ ಇಬ್ಬರೂ ಸೇರಿ ನದಿಯಲ್ಲಿ ಹಾಸಿಗೆ–ಹೊದಿಕೆಗಳನ್ನು ತೊಳೆಯುತ್ತಿದ್ದರು. ಈ ವೇಳೆ ಶಶಿಕುಮಾರ ಕಾಲು ಜಾರಿ ನದಿಯಲ್ಲಿ ಮುಳುಗಿದ್ದಾರೆ. ಅವರನ್ನು ರಕ್ಷಿಸಲು ಶರಣು ಕೂಡ ನದಿಗೆ ದುಮುಕಿದ್ದಾರೆ. ಈ ವೇಳೆ ಅಲ್ಲಿಗೆ ಧಾವಿಸಿದ್ದ ಅಗ್ನಿಶಾಮಕ ದಳದವರು, ಶರಣು ಅವರನ್ನು ರಕ್ಷಿಸಿದ್ದಾರೆ. 

ಶಶಿಕುಮಾರ ಡಾಂಗೆ ದೇಹ ಇನ್ನೂ ಪತ್ತೆಯಾಗಿಲ್ಲ. ಪತ್ತೆ ಕಾರ್ಯಚರಣೆ ಮುಂದುವರಿದಿದೆ ಎಂದು ದೇವಲ ಗಾಣಗಾಪುರ ಠಾಣೆ ಪೊಲೀಸರು ತಿಳಿಸಿದ್ದಾರೆ.