ಗುರುವಾರ , ಜನವರಿ 21, 2021
18 °C

ಕಲಬುರ್ಗಿಯ ಸಹಾಯಕ ಪ್ರಾಧ್ಯಾಪಕಿ ಸಂಶೋಧನೆಗೆ ಪೇಟೆಂಟ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಕಲಬುರ್ಗಿ: ಕಲಬುರ್ಗಿಯವರಾದ ಸದ್ಯ ಮುಂಬೈನ ಸೋಮಯ್ಯ ವಿದ್ಯಾವಿಹಾರ ವಿಶ್ವವಿದ್ಯಾಲಯದ ಕೆ.ಎಸ್‌. ಸೋಮಯ್ಯ ಕಾಲೇಜಿನ ಸಹಾಯಕ ಪ್ರಾಧ್ಯಾಪಕಿ ಸೀಮಾ ಅಜಯ್ ಸಾಂಬ್ರಾಣಿ ಅವರ ಸಂಶೋಧನೆಗೆ ಪೇಟೆಂಟ್ ದೊರಕಿದೆ.

ಕಾರ್ಬನ್ ಡಾಟ್ಸ್‌ (ಸಿ–ಡಾಟ್ಸ್)ಗಳನ್ನು ಬಳಸಿಕೊಂಡು ಡಿಎನ್‌ಎ ರೂಪಾಂತರ ಪತ್ತೆ ಮಾಡುವ ವಿಧಾನವನ್ನು ಆವಿಷ್ಕರಿಸಿರುವ ಸೀಮಾ ಅವರೊಂದಿಗೆ ವಿದ್ಯಾರ್ಥಿ ವಿಶಾಲ್ ಶೆಟ್ಟಿ ಅವರೂ ಸಂಶೋಧನೆಯಲ್ಲಿ ಕೈಜೋಡಿಸಿದ್ದಾರೆ.

ಸಾಂಪ್ರದಾಯಿಕ ಡಿಎನ್‌ಎ ರೂಪಾಂತರ ಪ್ರಕ್ರಿಯೆಯು ಹಲವು ನ್ಯೂನತೆಗಳನ್ನು ಹೊಂದಿತ್ತು ಮತ್ತು ಇನ್‌ಕ್ಯೂಬೇಷನ್ ಆಗಲು 24 ರಿಂದ 48 ಗಂಟೆ ಬೇಕಾಗುತ್ತಿತ್ತು. ಆದರೂ ಕೋಶ ಜೆನೋಮ್‌ಗಳನ್ನು ಪಡೆಯಲು ಹಲವು ಅಡೆತಡೆಗಳು ಎದುರಾಗಿದ್ದವು. ಅಲ್ಲದೇ, ನಕಾರಾತ್ಮಕ ಫಲಿತಾಂಶ ಕೊಡುವ ಸಾಧ್ಯೆತೆ ಇತ್ತು. ಸೀಮಾ ಅವರು ಸಂಶೋಧಿಸಿದ ಹೊಸ ವಿಧಾನದ ಪ್ರಕಾರ, ಇನ್‌ಕ್ಯುಬೇಷನ್‌ಗೆ ಕಡಿಮೆ ಅವಧಿ ಸಾಕಾಗುತ್ತದೆ.

ಸೀಮಾ ಅವರು ನಗರದ ಅಶೋಕ–ಅರುಂಧತಿ ಬೋರಗಾಂವಕರ್ ದಂಪತಿಯ ಪುತ್ರಿ. 1ನೇ ತರಗತಿಯಿಂದ ಸ್ನಾತಕೋತ್ತರ ತರಗತಿವರೆಗೆ ಅವರು ಇಲ್ಲಿಯೇ ಶಿಕ್ಷಣ ಪೂರೈಸಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು