ಕಲಬುರಗಿ: ಧಗೆಯಿಂದ ಪಾರಾಗಲು ಈಜು ಮೊರೆ

‘ಜೀವರಕ್ಷಕರು ಸೇರಿದಂತೆ ಈಜುಕೊಳ ನಿರ್ವಹಣಾ ಸಿಬ್ಬಂದಿಗೆ ಆರು ತಿಂಗಳಿನಿಂದ ಸಂಬಳ ನೀಡಿಲ್ಲ. ಕೊಡುವ ₹5000ರಿಂದ ₹6000 ಸಂಬಳ ಪೆಟ್ರೋಲ್‌ಗೂ ಸಾಕಾಗುವುದಿಲ್ಲ. ಇದೇ ಕೆಲಸದ ಮೇಲೆ ಅವಲಂಬನೆಯಾಗಿರುವ ನಮಗೆ ಮನೆ ನಿರ್ವಹಣೆಯೂ ಕಷ್ಟವಾಗಿದೆ. ಎಲ್ಲರಿಗೂ ಸಮಾನ ವೇತನ ನೀಡಬೇಕು’ ಎಂದು ಹೆಸರು ಬಹಿರಂಗಪಡಿಸಲು ಇಚ್ಛಿಸದ ಸಿಬ್ಬಂದಿಯೊಬ್ಬರು ಅಳಲು ತೋಡಿಕೊಂಡರು. ‘ಮತ್ತೊಂದು ಈಜುಕೊಳ: ಪ್ರಸ್ತಾವ ಇಲ್ಲ’ ‘ಮತ್ತೊಂದು ಈಜುಕೊಳ ನಿರ್ಮಿಸುವ ಪ್ರಸ್ತಾವ ಇಲ್ಲ. ಈಜುಕೊಳವನ್ನು ನಿರ್ವಹಣೆ ಮಾಡಲು ಕಾರ್ಮಿಕರ ಸಮಸ್ಯೆಯಿದೆ. ಸ್ಥಳೀಯವಾಗಿ ಹೊರಗುತ್ತಿಗೆ ನೌಕರರನ್ನು ನೇಮಿಸಿಕೊಳ್ಳುವ ಅವಕಾಶ ಇಲ್ಲ. ಈಗಿರುವ ಸಿಬ್ಬಂದಿಗೆ ಆರು ತಿಂಗಳಿಂದ ಸಂಬಳ ಇಲ್ಲ ಎಂಬುದು ನಿಜ. ಕಾರ್ಮಿಕ ಕಾಯ್ದೆ ಪ್ರಕಾರ ಅವರಿಗೆ ಹೆಚ್ಚಿನ ಸಂಬಳ ಕೊಡಬೇಕಾಗಿದೆ. ಅದಕ್ಕಾಗಿ ಫೈನಾನ್ಸ್ ಬಿಡ್‌ ಓಪನ್ ಆಗಬೇಕಿದೆ. ಸಂಬಳದ ಕುರಿತು ಲೆಕ್ಕಾಧಿಕಾರಿಗೆ ಕಡತವನ್ನು ಕಳುಹಿಸಲಾಗಿದೆ’ ಎಂದು ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯ ಸಹಾಯಕ ನಿರ್ದೇಶಕ ಅಮೃತ ಅಷ್ಟಗಿ ತಿಳಿಸಿದರು.