ಕಲಬುರ್ಗಿ: ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಬರುವ ವಿವಿಧ ಆಸ್ತಿಗಳ ತೆರಿಗೆಯನ್ನು ಪರಿಷ್ಕರಣೆ ಮಾಡಲಾಗಿದ್ದು, ಶೇ 15ರಷ್ಟು ಹೆಚ್ಚಳ ಮಾಡಲಾಗಿದೆ. ಪರಿಷ್ಕೃತ ತೆರಿಗೆಯು 2021ರ ಏಪ್ರಿಲ್ 1ರಿಂದಲೇ ಜಾರಿಗೆ ಬರಲಿದೆ ಎಂದು ಪಾಲಿಕೆ ಪ್ರಕಟಣೆ ತಿಳಿಸಿದೆ.
ವಸತಿ ಉಪಯೋಗಕ್ಕಾಗಿರುವ ಕಟ್ಟಡಗಳು,ವಾಣಿಜ್ಯ ಉಪಯೋಗಕ್ಕಾಗಿರುವ ಕಟ್ಟಡಗಳು, ಖಾಲಿ ನಿವೇಶನಗಳು,ವಸತಿ ಉಪಯೋಗದ ಅಪಾರ್ಟಮೆಂಟ್‌ಗಳು, ವಾಣಿಜ್ಯ ಉಪಯೋಗದ ಅಪಾರ್ಟಮೆಂಟ್‌ಗಳು,ಕೈಗಾರಿಕೆಗೆ ಉಪಯೋಗದ ಕಟ್ಟಡಗಳ ತೆರಿಗೆಯನ್ನು ಪರಿಷ್ಕರಣೆ ಮಾಡಲಾಗಿದೆ.
