ಕನಸು ಸಾಕಾರದ ನಿರೀಕ್ಷೆಯಲ್ಲಿ ಟೆನಿಸ್‌ ಆಟಗಾರ ಶ್ರೀಕಾರ

ಕಲಬುರಗಿ : ಶ್ರೀಕಾರ ಡೋಣಿ ಟೆನಿಸ್ನಲ್ಲಿ ಬಹು ಎತ್ತರಕ್ಕೇರುವ ಕನಸು ಕಟ್ಟಿಕೊಂಡಿರುವ ಹುಡುಗ. ಜಿಲ್ಲೆಯ ಆಳಂದ ತಾಲ್ಲೂಕಿನ ಕಡಗಂಚಿ ಗ್ರಾಮದ ಈ ಪ್ರತಿಭೆ, ಅಂತರರಾಷ್ಟ್ರೀಯ, ರಾಷ್ಟ್ರ, ರಾಜ್ಯಮಟ್ಟದ ಹಲವು ಟೂರ್ನಿಗಳಲ್ಲಿ ಈಗಾಗಲೇ ತನ್ನ ಆಟದ ಹೊಳಪು ಮೂಡಿಸಿದೆ.

. ಮೂಲತಃ ಕಡಗಂಚಿಯವರಾದ ಶ್ರೀಕಾರ ಅವರ ತಂದೆ ಶಿವಕುಮಾರ ಡೋಣಿ ಬೆಂಗಳೂರಿನಲ್ಲಿ ಕಂದಾಯ ಇಲಾಖೆಯ ‘ಸಿ’ ಗ್ರೂಪ್ ನೌಕರರಾಗಿದ್ದು, ಮಧ್ಯಮ ವರ್ಗದ ಕುಟುಂಬದ ಹಿನ್ನೆಲೆಯುಳ್ಳವರು. ತಾಯಿ ನಿಂಗಮ್ಮ ಪ್ರೋತ್ಸಾಹವೂ ಶ್ರೀಕಾರ ಬೆನ್ನಿಗಿದೆ.

. ಆರು ವರ್ಷದವರಿದ್ದಾಗಲೇ ಕಲಬುರಗಿಯಲ್ಲಿ ಟೆನಿಸ್ನ ಪ್ರಾಥಮಿಕ ತರಬೇತಿ ಪಡೆದಿರುವ ಶ್ರೀಕಾರ, 11ನೇ ವಯಸ್ಸಿನಲ್ಲಿ ಹೆಚ್ಚಿನ ತರಬೇತಿಗಾಗಿ ಕುಟುಂಬದೊಂದಿಗೆ ಬೆಂಗಳೂರಿಗೆ ತೆರಳಿದರು.

. ಸದ್ಯ ಬೆಂಗಳೂರಿನ ‘ದಿ ಸ್ಪೋರ್ಟ್ಸ್ ಸ್ಕೂಲ್’ ಆರ್ಬಿಟಿಎಯಲ್ಲಿ (ಜೈನ್ ಶಾಲೆ ಆಶ್ರಯದಲ್ಲಿ ನಡೆಯುತ್ತಿರುವ ಅಕಾಡೆಮಿ) ನಾಲ್ಕು ವರ್ಷಗಳಿಂದ ಜೂನಿಯರ್ ಪ್ರೊ ಟೆನಿಸ್ ತರಬೇತಿ ಪಡೆಯುತ್ತಿದ್ದು, ಉದಯೋನ್ಮುಖ ಆಟಗಾರನಾಗಿ ಹೊರಹೊಮ್ಮುತ್ತಿದ್ದಾರೆ. ಜೈನ್ ಶಾಲೆಯಲ್ಲಿ 10ನೇ ತರಗತಿ ಓದುತ್ತಿದ್ದಾರೆ.

. ಮೂರು ವರ್ಷಗಳಿಂದ ಸ್ಪರ್ಧಾತ್ಮಕ ಟೆನಿಸ್ ಕಣದಲ್ಲಿರುವ ಶ್ರೀಕಾರ ಅವರಿಗೆ ಹಲವು ಪ್ರಶಸ್ತಿಗಳು ಒಲಿದಿವೆ. ಅಖಿಲ ಭಾರತ ಟೆನಿಸ್ ಸಂಸ್ಥೆಯ (ಎಐಟಿಎ) 16 ವರ್ಷದೊಳಗಿನವರ ವಿಭಾಗದ ರ್ಯಾಂಕಿಂಗ್ನಲ್ಲಿ ಅವರು 11ನೇ ಸ್ಥಾನದಲ್ಲಿದ್ದಾರೆ. ಈ ಹಿಂದೆ ಗರಿಷ್ಠ 7ನೇ ರ್ಯಾಂಕಿಂಗ್ವರೆಗೂ ಅವರು ತಲುಪಿದ್ದರು.

. 16 ವರ್ಷದೊಳಗಿನವರ ಡಬಲ್ಸ್ ವಿಭಾಗದಲ್ಲಿ ಏಷ್ಯಾಮಟ್ಟದಲ್ಲಿ ಎರಡು ಬಾರಿ ಚಾಂಪಿಯನ್ ಆಗಿದ್ದಾರೆ. 18 ಎಐಟಿಎ ಟೂರ್ನಿಗಳಲ್ಲಿ (12, 14 ಮತ್ತು 16 ವರ್ಷದೊಳಗಿನವರ ಸಿಂಗಲ್ಸ್, ಡಬಲ್ಸ್ ವಿಭಾಗಗಳು ಸೇರಿ) ಅವರಿಗೆ ಮೊದಲ ಸ್ಥಾನ ಲಭಿಸಿದೆ.

. ಎಐಟಿಎನ 13 ಟೂರ್ನಿಗಳಲ್ಲಿ (ಸಿಂಗಲ್ಸ್, ಡಬಲ್ಸ್ ಸೇರಿ) ರನ್ನರ್ ಅಪ್ ಸ್ಥಾನದ ಹೆಗ್ಗಳಿಕೆ ಅವರದು. ಇದಲ್ಲದೇ ರಾಜ್ಯ ರ್ಯಾಂಕಿಂಗ್, ಸ್ಥಳೀಯ ಟೂರ್ನಿಗಳಲ್ಲಿ ಹಲವು ಪದಕಗಳು ಅವರ ಮುಡಿಗೇರಿವೆ.

. ನೊವಾಕ್ ಜೊಕೊವಿಚ್ ನನ್ನ ನೆಚ್ಚಿನ ಆಟಗಾರ. ಆತನ ಹಾದಿಯಲ್ಲೇ ಸಾಗುವ ಕನಸು ನನ್ನದು. ಶ್ರೀಕಾರ, ಟೆನಿಸ್ ಆಟಗಾರ . ‘ಬೆಳಿಗ್ಗೆ ಮೂರು ಹಾಗೂ ಸಂಜೆ ನಾಲ್ಕು ತಾಸು ಅಭ್ಯಾಸ ಮಾಡುವೆ. ಶಾಲೆಯಿಂದ ಅಭ್ಯಾಸಕ್ಕಾಗಿ ಸಮಯವನ್ನೂ ನೀಡುತ್ತಾರೆ. ಟೆನಿಸ್ನಲ್ಲಿ ಮಹತ್ವದ ಮೈಲಿಗಲ್ಲು ಮುಟ್ಟುವ ತವಕವಿದೆ’ ಎಂದು ಶ್ರೀಕಾರ ಹೇಳುತ್ತಾರೆ.

. ಬೋಪಣ್ಣ ಪ್ರೋತ್ಸಾಹ : ಶ್ರೀಕಾರ ಅವರ ಆಟವನ್ನು ಗಮನಿಸಿದ ಭಾರತದ ಖ್ಯಾತ ಆಟಗಾರ ರೋಹನ್ ಬೋಪಣ್ಣ ತಾವು ತರಬೇತಿ ನೀಡುವ ದಿ ಸ್ಪೋರ್ಟ್ಸ್ ಸ್ಕೂಲ್’ ಆರ್ಬಿಟಿಎಗೆ (ರೋಹನ್ ಬೋಪಣ್ಣ ಟೆನಿಸ್ ಅಕಾಡೆಮಿ) ಸೇರಿಸಿಕೊಂಡರು. ಶ್ರೀಕಾರ ಆಟಕ್ಕೆ ಮೆಚ್ಚುಗೆಯನ್ನೂ ವ್ಯಕ್ತಪಡಿಸಿದ್ದರು.

. ಪ್ರಾಯೋಜಕತ್ವಕ್ಕೆ ಮನವಿ

‘ಶ್ರೀಕಾರ ಅತ್ಯಂತ ಭರವಸೆಯ ಆಟಗಾರನಾಗಿದ್ದು ಈಗ ಆತನಿಗೆ ನಿರ್ಣಾಯಕ ಘಟ್ಟ. ಆತನ ಅಂತರರಾಷ್ಟ್ರೀಯ ಟೆನಿಸ್ ಟೂರ್ನಿಗಳ ಖರ್ಚು– ವೆಚ್ಚಗಳನ್ನು ನಿಭಾಯಿಸಲು ಹಣಕಾಸಿನ ಅವಶ್ಯಕತೆಯಿದೆ. ಈ ಕುರಿತು ಸಿಎಸ್ಆರ್ ಅನುದಾನಕ್ಕೆ ಮನವಿ ಮಾಡಿಕೊಂಡಿದ್ದು ಓರಿಯಂಟಲ್ ಸಿಮೆಂಟ್ ಕಂಪನಿಯವರು ಕಲಬುರಗಿ ಜಿಲ್ಲಾಧಿಕಾರಿ ಮೂಲಕ ₹ 5 ಲಕ್ಷ ನೀಡಿದ್ದಾರೆ. ಇನ್ನೂ ಸುಮಾರು ₹18 ಲಕ್ಷ ಬೇಕಾಗಿದೆ. ಪ್ರಾಯೋಜಕರು ಮುಂದೆ ಬಂದರೆ ಅನುಕೂಲವಾಗಲಿದೆ’ ಎಂದು ಶ್ರೀಕಾರ ಅವರ ತಂದೆ ಶಿವಕುಮಾರ ಡೋಣಿ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕನಸು ಸಾಕಾರದ ನಿರೀಕ್ಷೆಯಲ್ಲಿ ಟೆನಿಸ್‌ ಆಟಗಾರ ಶ್ರೀಕಾರ

ಚಿನಕುರುಳಿ | ಮಂಗಳವಾರ, 22 ಅಕ್ಟೋಬರ್ 2024

ಚುರುಮುರಿ | ಕುಸಿತದ್ದೇ ಕಥೆ

ದಿನ ಭವಿಷ್ಯ: ಮನಸ್ಸು ಉಲ್ಲಾಸಿತವಾಗಿರುವುದು

ಚನ್ನ‍ಪಟ್ಟಣ ಉಪಚುನಾವಣೆ | ಜೆಡಿಎಸ್‌–ಯೋಗೇಶ್ವರ್‌ ಕಿತ್ತಾಟ

ರಣಜಿ | ಫಿಟ್‌ನೆಸ್ ಕೊರತೆ, ಅಶಿಸ್ತು: ಮುಂಬೈ ತಂಡದಿಂದ ಪೃಥ್ವಿ ಶಾಗೆ ಕೊಕ್

BAN vs SA ಮೊದಲ ಟೆಸ್ಟ್: ಸೋಲು ತಪ್ಪಿಸಲು ಬಾಂಗ್ಲಾ ಹೋರಾಟ

26ರ ಕಾಮನ್‌ವೆಲ್ತ್ ಗೇಮ್ಸ್: ಬ್ಯಾಡ್ಮಿಂಟನ್, ಶೂಟಿಂಗ್, ಹಾಕಿ, ಕ್ರಿಕೆಟ್‌ಗೆ ಕೊಕ್

ಭಾರತ ವಿರುದ್ಧದ 2ನೇ ಟೆಸ್ಟ್‌ಗೂ ನ್ಯೂಜಿಲೆಂಡ್ ಬ್ಯಾಟರ್ ಕೇನ್ ವಿಲಿಯಮ್ಸನ್ ಅಲಭ್ಯ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಚಿನಕುರುಳಿ | ಮಂಗಳವಾರ, 22 ಅಕ್ಟೋಬರ್ 2024

ಚುರುಮುರಿ | ಕುಸಿತದ್ದೇ ಕಥೆ

ದಿನ ಭವಿಷ್ಯ: ಮನಸ್ಸು ಉಲ್ಲಾಸಿತವಾಗಿರುವುದು

ಚನ್ನ‍ಪಟ್ಟಣ ಉಪಚುನಾವಣೆ | ಜೆಡಿಎಸ್‌–ಯೋಗೇಶ್ವರ್‌ ಕಿತ್ತಾಟ