ಕರ್ನಾಟಕ ಪ್ರಾಂತ ರೈತ ಸಂಘಟನೆಯ ಜಿಲ್ಲಾ ಘಟಕದ ಅಧ್ಯಕ್ಷ ಶರಣಬಸಪ್ಪ ಮಮಶೆಟ್ಟಿ ಮಾತನಾಡಿ, ‘ಕಲಬುರಗಿ ಜಿಲ್ಲೆಯ 4 ಲಕ್ಷ ಜನರು ನರೇಗಾ ಉದ್ಯೋಗ ಚೀಟಿಗಳನ್ನು ಹೊಂದಿದ್ದರೂ, ಕೇವಲ 500ಕ್ಕೂ ಕಡಿಮೆ ಜನರಿಗೆ ಪೂರ್ಣ ಪ್ರಮಾಣದ ಮಾನವದಿನಗಳ ಉದ್ಯೋಗ ನೀಡಲಾಗಿದೆ. ಜಿಲ್ಲೆಯಲ್ಲಿ 2023ರ ಡಿ.1ರಿಂದ ಈ ತನಕ ನರೇಗಾ ಕೂಲಿ ಹಣ ಪಾವತಿಯಾಗಿಲ್ಲ. ಒಟ್ಟು ₹16.54 ಕೋಟಿ ಕೂಲಿ ಪಾವತಿ ಬಾಕಿಯಿದ್ದು, ಇದರ ಬಿಡುಗಡೆಗೆ ಸಂಸದರು ಕೇಂದ್ರ ಸರ್ಕಾರದ ಮೇಲೆ ಒತ್ತಡ ಹೇರಬೇಕು’ ಎಂದು ಆಗ್ರಹಿಸಿದರು.