ಕಲಬುರ್ಗಿ: ಬಿಜೆಪಿ ಯುವ ಮುಖಂಡ ಸೈನಿಕ ರಾಠೋಡ ಎಂಬುವವರು ಫಿಲ್ಟರ್ ಬೆಡ್ ಏರಿಯಾದಲ್ಲಿ ತಮ್ಮ ಜನ್ಮದಿನದ ಅಂಗವಾಗಿ ಹಾಲಿನ ಅಭಿಷೇಕ ಮಾಡಿಸಿಕೊಂಡಿರುವ ಹಾಗೂ ಅವರ ಅಭಿಮಾನಿಯೊಬ್ಬರು ನೋಟುಗಳನ್ನು ಎಸೆಯುತ್ತಿರುವ ವಿಡಿಯೊ ವೈರಲ್ ಆಗಿದೆ.
ವೇದಿಕೆಯಲ್ಲಿ ಕೊರಳ ತುಂಬಾ ಹಾರ ಹಾಕಿಸಿಕೊಂಡಿರುವ ಸೈನಿಕ ರಾಠೋಡ ಅವರಿಗೆ ಅವರ ಗೆಳೆಯರ ದೊಡ್ಡ ಹಾಲಿನ ಪಾತ್ರೆಯಲ್ಲಿದ್ದ ಹಾಲನ್ನು ಸುರುವುತ್ತಾರೆ. ನಂತರ ಇನ್ನೊಬ್ಬ ಅಭಿಮಾನಿ ವೇದಿಕೆಯಿಂದ ನೋಟುಗಳ ಕಂತೆಯನ್ನು ಎದುರಿಗಿದ್ದವರ ಬಳಿ ತೂರುತ್ತಾರೆ.