<p><strong>ಗುಲ್ಬರ್ಗ</strong>: ಜಿಲ್ಲಾ ವ್ಯಾಪ್ತಿಯಲ್ಲಿರುವ ಯಾವುದೇ ಸರ್ಕಾರಿ ಕಚೇರಿ, ಬ್ಯಾಂಕು, ವಿವಿಧ ಸಂಘ-ಸಂಸ್ಥೆಗಳನ್ನು ಸಂಪರ್ಕಿಸಲು ದೂರವಾಣಿ ಕರೆ ಮಾಡಿದರೆ, ಈ ಸುಸ್ವರ ನಿಮಗೆ ಕೇಳಿಸುತ್ತದೆ. ಗುಲ್ಬರ್ಗ ಜಿಲ್ಲಾಡಳಿತವು ತನ್ನ ಅಂತರ್ಜಾಲ ತಾಣ (ವೆಬ್ಸೈಟ್)ದಲ್ಲಿ ನೀಡಿರುವ ದೂರವಾಣಿ ಸಂಖ್ಯೆಗಳನ್ನು ನಂಬಿಕೊಂಡವರು ಈ ತಾಪತ್ರಯ ಅನುಭವಿಸುತ್ತಿದ್ದಾರೆ.<br /> <br /> ಗುಲ್ಬರ್ಗದಲ್ಲಿರುವ ಜನರಿಗೆ ಇದರಿಂದಾಗುವ ತೊಂದರೆ ಕಡಿಮೆ. ಆದರೆ ಜಿಲ್ಲೆಯ ಹೊರಭಾಗದಿಂದ ಅಥವಾ ಗುಲ್ಬರ್ಗ ಗ್ರಾಮೀಣ ಭಾಗದಿಂದ ಸರ್ಕಾರಿ ಕಚೇರಿಗಳನ್ನು ಸಂಪರ್ಕಿಸುವ ಅಗತ್ಯವಿದ್ದವರು ಪೇಚಿಗೆ ಸಿಲುಕಿಕೊಳ್ಳುವ ಸ್ಥಿತಿ ಇದೆ.<br /> <br /> ಮೊಬೈಲ್, ಕಂಪ್ಯೂಟರ್ ಬಳಕೆ ವ್ಯಾಪಕವಾಗಿರುವುದರಿಂದ ಸಾಕಷ್ಟು ಜನರು ಇಂಟರ್ನೆಟ್ ಮೂಲಕವೇ ವಿವಿಧ ಇಲಾಖೆ, ಸಂಘ-ಸಂಸ್ಥೆಗಳ ದೂರವಾಣಿ ಸಂಖ್ಯೆ ಸಂಗ್ರಹಿಸುತ್ತಾರೆ. ಗುಲ್ಬರ್ಗ ಜಿಲ್ಲಾಡಳಿತ ಎಷ್ಟು ಚೆನ್ನಾಗಿ ದೂರವಾಣಿ ಸಂಖ್ಯೆಗಳ ಪಟ್ಟಿ ನೀಡಿದೆ ಎಂದುಕೊಂಡು ಮುದ್ರಿಸಿಕೊಂಡು ಸಂಗ್ರಹಿಸಿಕೊಳ್ಳುವವರು ಇದ್ದಾರೆ.<br /> <br /> ಅದರಲ್ಲಿನ ಸಂಖ್ಯೆಗಳನ್ನು ಬಳಸುತ್ತಾ ಹೋದಂತೆ ಅವು ಕೆಲಸಕ್ಕೆ ಬಾರದ ಸಂಖ್ಯೆಗಳು ಎಂಬುದು ಮನದಟ್ಟಾಗಿ ಜನರು ಶಾಪ ಇಡಲಾರಂಭಿಸುತ್ತಾರೆ.<br /> <br /> 2008ರಿಂದ ಇಲ್ಲಿಯವರೆಗೂ ಜಿಲ್ಲೆಯಲ್ಲಿ ಎಷ್ಟೊಂದು ಬದಲಾವಣೆಯಾಗಿದೆ. ಕನಿಷ್ಠ ದೂರವಾಣಿ ಸಂಖ್ಯೆಗಳಾದರೂ ಬದಲಾಗಿವೆ ಎಂಬುದರ ಅರಿವು ಜಿಲ್ಲಾಡಳಿತದ ಅಂತರ್ಜಾಲ ತಾಣ ನಿರ್ವಹಿಸುತ್ತಿರುವ ಮಹಾಶಯರಿಗೆ ಗೊತ್ತಿದ್ದಂತಿಲ್ಲ.<br /> <br /> ಮಿನಿ ವಿಧಾನಸೌಧದಲ್ಲಿನ ಇಲಾಖೆಗಳ ದೂರವಾಣಿ ಸಂಖ್ಯೆಗಳನ್ನು ಬಹುತೇಕ ಸರಿಯಾಗಿ ಹಾಕಲಾಗಿದೆ. ಇನ್ನುಳಿದಂತೆ ಶೇ. 80ರಷ್ಟು ದೂರವಾಣಿ ಸಂಖ್ಯೆಗಳು ಚಾಲ್ತಿಯಲ್ಲಿ ಇಲ್ಲ. `ಸರ್ಕಾರಿ ಅಧಿಕಾರಿಗಳು ತಮ್ಮ ಜವಾಬ್ದಾರಿಯನ್ನು ಯಾರೂ ಪ್ರಶ್ನಿಸಬಾರದು. <br /> <br /> ಜನರಿಗೆ ಅನುಕೂಲ ಮಾಡಿಕೊಡುವ ಬಗ್ಗೆ ಯೋಚಿಸದ ಅಧಿಕಾರಿಗಳು, ತಮ್ಮ ಅನುಕೂಲವೊಂದನ್ನೇ ನೋಡಿಕೊಳ್ಳುತ್ತಾರೆ. ಹೀಗಾಗಿ ಸರ್ಕಾರಿ ಕಚೇರಿಯ ದೂರವಾಣಿ ಸಂಖ್ಯೆಗಳನ್ನು ಸರಿಯಾಗಿ ನೀಡುವುದಿಲ್ಲ~ ಎನ್ನುತ್ತಾರೆ ಶಹಾಪುರದ ಎ.ಎಂ. ಪಟೇಲ್.<br /> <br /> ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಯಲ್ಲಪ್ಪ!: ಜಿಲ್ಲಾಡಳಿತದ ಅಂತರ್ಜಾಲ ತಾಣದಲ್ಲಿರುವ ಪ್ರಕಾರ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಯಲ್ಲಪ್ಪ ಭೀಮಣ್ಣ ಕುರಕುಂದಿ. ಅಂತರ್ಜಾಲ ತಾಣದ ಸೌಲಭ್ಯವಿರುವ ಹೊರದೇಶ ಅಥವಾ ಹೊರರಾಜ್ಯಗಳಲ್ಲಿ ವಾಸಿಸುತ್ತಿರುವ ಜನರಿಗೆ ಇದುವೇ ಸತ್ಯ. ಗುಲ್ಬರ್ಗ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಶಿವಪ್ರಭು ಪಾಟೀಲ ಎಂಬುದು ವಾಸ್ತವ ಸತ್ಯ. <br /> <br /> ಸಾಯಿಬಣ್ಣ ನಂತರ ಆಗಿರುವ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷರಿಗೆ ಜಿಲ್ಲಾಡಳಿತದ ಅಂತರ್ಜಾಲ ತಾಣದಲ್ಲಿ ಹೆಸರು ಹೊಂದುವ ಸೌಭಾಗ್ಯವಂತು ಮುಗಿದುಹೋಗಿದೆ. ಈಗಿರುವ ಜಿಪಂ ಅಧ್ಯಕ್ಷರು ಈ ಬಗ್ಗೆ ಗಮನಹರಿಸಿ ಪ್ರಶ್ನಿಸಿದರೆ ಮಾತ್ರ ಅಂತರ್ಜಾಲ ತಾಣಕ್ಕೆ ಅವರ ಹೆಸರು ಸೇರ್ಪಡೆಯಾಗಬಹುದು ಎಂದು ನಿರೀಕ್ಷಿಸಬಹುದು. ಇದರಿಂದ ಹೊರಗಿನ ಜನರಿಗೂ ಒಂದಿಷ್ಟು ನಿಜ ಮಾಹಿತಿ ದೊರಕಿದಂತಾಗುತ್ತದೆ.<br /> <br /> <strong>ಇ-ಗವರ್ನಮೆಂಟ್ ಆಗುವುದ್ಯಾವಾಗ?: </strong>ರಾಜ್ಯ ಸರ್ಕಾರ ವಿವಿಧ ಇಲಾಖೆಗಳನ್ನು `ಇ-ಗವರ್ನಮೆಂಟ್~ ಅನುಷ್ಠಾನಗೊಳಿಸುವ ಮೂಲಕ ಕಾಗದ ಬಳಕೆಯನ್ನು ಕಡಿಮೆ ಮಾಡುತ್ತಿದೆ. ಅಲ್ಲದೆ ಖಾಸಗಿ ಸಂಘ-ಸಂಸ್ಥೆಗಳು ತಮ್ಮ ಕಚೇರಿಗಳ ಪ್ರತಿಯೊಂದು ಆಗುಹೋಗುಗಳನ್ನು ಅಂತರ್ಜಾಲ ತಾಣಗಳ ಮೂಲಕ ಅಳವಡಿಸಿ ಜನರ ವಿಶ್ವಾಸ ಗಳಿಸಲು ಯತ್ನಿಸುತ್ತಿವೆ. <br /> <br /> ತಂತ್ರಜ್ಞಾನ ಇಷ್ಟೊಂದು ಹತ್ತಿರಕ್ಕೆ ಬಂದಿದೆ. ಕ್ಷಣಾರ್ಧದಲ್ಲಿ ಮಾಡಿ ಮುಗಿಸುವ ಕೆಲಸಗಳನ್ನೆ ಗುಲ್ಬರ್ಗ ಜಿಲ್ಲಾಡಳಿತ ಮಾಡುತ್ತಿಲ್ಲ. ಮಾಹಿತಿ `ಅಪಡೇಟ್~ ಮಾಡಲು ಪ್ರತ್ಯೇಕ ವಿಭಾಗಗಳು ಇವೆ.<br /> <br /> ಹೀಗಿದ್ದರೂ ಹಳಸಿದ ಮಾಹಿತಿ, ಕೆಲಸಕ್ಕೆ ಬಾರದ ದೂರವಾಣಿ ಸಂಖ್ಯೆಗಳನ್ನೆ ಜಿಲ್ಲಾಡಳಿತದ ಅಂತರ್ಜಾಲ ತಾಣ ಹೇರಿಕೊಂಡು ನಿಂತಿದೆ. <br /> <br /> ಈಗಾಲಾದರೂ ಪರಿಸ್ಥಿತಿ ಸುಧಾರಿಸಿ ನಿಜ ಮಾಹಿತಿ ಹಾಗೂ ಸರಿಯಾದ ದೂರವಾಣಿ ಸಂಖ್ಯೆಗಳನ್ನು ಒದಗಿಸಲು ಸಂಬಂಧಿಸಿದ ಅಧಿಕಾರಿಗಳು ಮುಂದಾಗಬೇಕೆಂಬ ಆಶಯ ನಾಗರಿಕರದು.<br /> ಜಿಲ್ಲಾಡಳಿತ ವೆಬ್ಸೈಟ್: <a href="http://www.gulbarga.nic.in">www.gulbarga.nic.in</a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗುಲ್ಬರ್ಗ</strong>: ಜಿಲ್ಲಾ ವ್ಯಾಪ್ತಿಯಲ್ಲಿರುವ ಯಾವುದೇ ಸರ್ಕಾರಿ ಕಚೇರಿ, ಬ್ಯಾಂಕು, ವಿವಿಧ ಸಂಘ-ಸಂಸ್ಥೆಗಳನ್ನು ಸಂಪರ್ಕಿಸಲು ದೂರವಾಣಿ ಕರೆ ಮಾಡಿದರೆ, ಈ ಸುಸ್ವರ ನಿಮಗೆ ಕೇಳಿಸುತ್ತದೆ. ಗುಲ್ಬರ್ಗ ಜಿಲ್ಲಾಡಳಿತವು ತನ್ನ ಅಂತರ್ಜಾಲ ತಾಣ (ವೆಬ್ಸೈಟ್)ದಲ್ಲಿ ನೀಡಿರುವ ದೂರವಾಣಿ ಸಂಖ್ಯೆಗಳನ್ನು ನಂಬಿಕೊಂಡವರು ಈ ತಾಪತ್ರಯ ಅನುಭವಿಸುತ್ತಿದ್ದಾರೆ.<br /> <br /> ಗುಲ್ಬರ್ಗದಲ್ಲಿರುವ ಜನರಿಗೆ ಇದರಿಂದಾಗುವ ತೊಂದರೆ ಕಡಿಮೆ. ಆದರೆ ಜಿಲ್ಲೆಯ ಹೊರಭಾಗದಿಂದ ಅಥವಾ ಗುಲ್ಬರ್ಗ ಗ್ರಾಮೀಣ ಭಾಗದಿಂದ ಸರ್ಕಾರಿ ಕಚೇರಿಗಳನ್ನು ಸಂಪರ್ಕಿಸುವ ಅಗತ್ಯವಿದ್ದವರು ಪೇಚಿಗೆ ಸಿಲುಕಿಕೊಳ್ಳುವ ಸ್ಥಿತಿ ಇದೆ.<br /> <br /> ಮೊಬೈಲ್, ಕಂಪ್ಯೂಟರ್ ಬಳಕೆ ವ್ಯಾಪಕವಾಗಿರುವುದರಿಂದ ಸಾಕಷ್ಟು ಜನರು ಇಂಟರ್ನೆಟ್ ಮೂಲಕವೇ ವಿವಿಧ ಇಲಾಖೆ, ಸಂಘ-ಸಂಸ್ಥೆಗಳ ದೂರವಾಣಿ ಸಂಖ್ಯೆ ಸಂಗ್ರಹಿಸುತ್ತಾರೆ. ಗುಲ್ಬರ್ಗ ಜಿಲ್ಲಾಡಳಿತ ಎಷ್ಟು ಚೆನ್ನಾಗಿ ದೂರವಾಣಿ ಸಂಖ್ಯೆಗಳ ಪಟ್ಟಿ ನೀಡಿದೆ ಎಂದುಕೊಂಡು ಮುದ್ರಿಸಿಕೊಂಡು ಸಂಗ್ರಹಿಸಿಕೊಳ್ಳುವವರು ಇದ್ದಾರೆ.<br /> <br /> ಅದರಲ್ಲಿನ ಸಂಖ್ಯೆಗಳನ್ನು ಬಳಸುತ್ತಾ ಹೋದಂತೆ ಅವು ಕೆಲಸಕ್ಕೆ ಬಾರದ ಸಂಖ್ಯೆಗಳು ಎಂಬುದು ಮನದಟ್ಟಾಗಿ ಜನರು ಶಾಪ ಇಡಲಾರಂಭಿಸುತ್ತಾರೆ.<br /> <br /> 2008ರಿಂದ ಇಲ್ಲಿಯವರೆಗೂ ಜಿಲ್ಲೆಯಲ್ಲಿ ಎಷ್ಟೊಂದು ಬದಲಾವಣೆಯಾಗಿದೆ. ಕನಿಷ್ಠ ದೂರವಾಣಿ ಸಂಖ್ಯೆಗಳಾದರೂ ಬದಲಾಗಿವೆ ಎಂಬುದರ ಅರಿವು ಜಿಲ್ಲಾಡಳಿತದ ಅಂತರ್ಜಾಲ ತಾಣ ನಿರ್ವಹಿಸುತ್ತಿರುವ ಮಹಾಶಯರಿಗೆ ಗೊತ್ತಿದ್ದಂತಿಲ್ಲ.<br /> <br /> ಮಿನಿ ವಿಧಾನಸೌಧದಲ್ಲಿನ ಇಲಾಖೆಗಳ ದೂರವಾಣಿ ಸಂಖ್ಯೆಗಳನ್ನು ಬಹುತೇಕ ಸರಿಯಾಗಿ ಹಾಕಲಾಗಿದೆ. ಇನ್ನುಳಿದಂತೆ ಶೇ. 80ರಷ್ಟು ದೂರವಾಣಿ ಸಂಖ್ಯೆಗಳು ಚಾಲ್ತಿಯಲ್ಲಿ ಇಲ್ಲ. `ಸರ್ಕಾರಿ ಅಧಿಕಾರಿಗಳು ತಮ್ಮ ಜವಾಬ್ದಾರಿಯನ್ನು ಯಾರೂ ಪ್ರಶ್ನಿಸಬಾರದು. <br /> <br /> ಜನರಿಗೆ ಅನುಕೂಲ ಮಾಡಿಕೊಡುವ ಬಗ್ಗೆ ಯೋಚಿಸದ ಅಧಿಕಾರಿಗಳು, ತಮ್ಮ ಅನುಕೂಲವೊಂದನ್ನೇ ನೋಡಿಕೊಳ್ಳುತ್ತಾರೆ. ಹೀಗಾಗಿ ಸರ್ಕಾರಿ ಕಚೇರಿಯ ದೂರವಾಣಿ ಸಂಖ್ಯೆಗಳನ್ನು ಸರಿಯಾಗಿ ನೀಡುವುದಿಲ್ಲ~ ಎನ್ನುತ್ತಾರೆ ಶಹಾಪುರದ ಎ.ಎಂ. ಪಟೇಲ್.<br /> <br /> ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಯಲ್ಲಪ್ಪ!: ಜಿಲ್ಲಾಡಳಿತದ ಅಂತರ್ಜಾಲ ತಾಣದಲ್ಲಿರುವ ಪ್ರಕಾರ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಯಲ್ಲಪ್ಪ ಭೀಮಣ್ಣ ಕುರಕುಂದಿ. ಅಂತರ್ಜಾಲ ತಾಣದ ಸೌಲಭ್ಯವಿರುವ ಹೊರದೇಶ ಅಥವಾ ಹೊರರಾಜ್ಯಗಳಲ್ಲಿ ವಾಸಿಸುತ್ತಿರುವ ಜನರಿಗೆ ಇದುವೇ ಸತ್ಯ. ಗುಲ್ಬರ್ಗ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಶಿವಪ್ರಭು ಪಾಟೀಲ ಎಂಬುದು ವಾಸ್ತವ ಸತ್ಯ. <br /> <br /> ಸಾಯಿಬಣ್ಣ ನಂತರ ಆಗಿರುವ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷರಿಗೆ ಜಿಲ್ಲಾಡಳಿತದ ಅಂತರ್ಜಾಲ ತಾಣದಲ್ಲಿ ಹೆಸರು ಹೊಂದುವ ಸೌಭಾಗ್ಯವಂತು ಮುಗಿದುಹೋಗಿದೆ. ಈಗಿರುವ ಜಿಪಂ ಅಧ್ಯಕ್ಷರು ಈ ಬಗ್ಗೆ ಗಮನಹರಿಸಿ ಪ್ರಶ್ನಿಸಿದರೆ ಮಾತ್ರ ಅಂತರ್ಜಾಲ ತಾಣಕ್ಕೆ ಅವರ ಹೆಸರು ಸೇರ್ಪಡೆಯಾಗಬಹುದು ಎಂದು ನಿರೀಕ್ಷಿಸಬಹುದು. ಇದರಿಂದ ಹೊರಗಿನ ಜನರಿಗೂ ಒಂದಿಷ್ಟು ನಿಜ ಮಾಹಿತಿ ದೊರಕಿದಂತಾಗುತ್ತದೆ.<br /> <br /> <strong>ಇ-ಗವರ್ನಮೆಂಟ್ ಆಗುವುದ್ಯಾವಾಗ?: </strong>ರಾಜ್ಯ ಸರ್ಕಾರ ವಿವಿಧ ಇಲಾಖೆಗಳನ್ನು `ಇ-ಗವರ್ನಮೆಂಟ್~ ಅನುಷ್ಠಾನಗೊಳಿಸುವ ಮೂಲಕ ಕಾಗದ ಬಳಕೆಯನ್ನು ಕಡಿಮೆ ಮಾಡುತ್ತಿದೆ. ಅಲ್ಲದೆ ಖಾಸಗಿ ಸಂಘ-ಸಂಸ್ಥೆಗಳು ತಮ್ಮ ಕಚೇರಿಗಳ ಪ್ರತಿಯೊಂದು ಆಗುಹೋಗುಗಳನ್ನು ಅಂತರ್ಜಾಲ ತಾಣಗಳ ಮೂಲಕ ಅಳವಡಿಸಿ ಜನರ ವಿಶ್ವಾಸ ಗಳಿಸಲು ಯತ್ನಿಸುತ್ತಿವೆ. <br /> <br /> ತಂತ್ರಜ್ಞಾನ ಇಷ್ಟೊಂದು ಹತ್ತಿರಕ್ಕೆ ಬಂದಿದೆ. ಕ್ಷಣಾರ್ಧದಲ್ಲಿ ಮಾಡಿ ಮುಗಿಸುವ ಕೆಲಸಗಳನ್ನೆ ಗುಲ್ಬರ್ಗ ಜಿಲ್ಲಾಡಳಿತ ಮಾಡುತ್ತಿಲ್ಲ. ಮಾಹಿತಿ `ಅಪಡೇಟ್~ ಮಾಡಲು ಪ್ರತ್ಯೇಕ ವಿಭಾಗಗಳು ಇವೆ.<br /> <br /> ಹೀಗಿದ್ದರೂ ಹಳಸಿದ ಮಾಹಿತಿ, ಕೆಲಸಕ್ಕೆ ಬಾರದ ದೂರವಾಣಿ ಸಂಖ್ಯೆಗಳನ್ನೆ ಜಿಲ್ಲಾಡಳಿತದ ಅಂತರ್ಜಾಲ ತಾಣ ಹೇರಿಕೊಂಡು ನಿಂತಿದೆ. <br /> <br /> ಈಗಾಲಾದರೂ ಪರಿಸ್ಥಿತಿ ಸುಧಾರಿಸಿ ನಿಜ ಮಾಹಿತಿ ಹಾಗೂ ಸರಿಯಾದ ದೂರವಾಣಿ ಸಂಖ್ಯೆಗಳನ್ನು ಒದಗಿಸಲು ಸಂಬಂಧಿಸಿದ ಅಧಿಕಾರಿಗಳು ಮುಂದಾಗಬೇಕೆಂಬ ಆಶಯ ನಾಗರಿಕರದು.<br /> ಜಿಲ್ಲಾಡಳಿತ ವೆಬ್ಸೈಟ್: <a href="http://www.gulbarga.nic.in">www.gulbarga.nic.in</a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
