ಸೋಮವಾರಪೇಟೆ: ಕೋವಿಡ್-19 ವೈರಸ್ ಗ್ರಾಮೀಣ ಭಾಗಕ್ಕೂ ಕಾಲಿಡಬಾರದೆಂಬ ಉದ್ದೇಶದಿಂದ ತಾಲ್ಲೂಕಿನಲ್ಲಿ ಮತ್ತೆರಡು ಗ್ರಾಮಗಳು ಹೊರಗಿನವರ ಪ್ರವೇಶವನ್ನು ನಿಷೇಧಿಸಿವೆ.
ಈಗಾಗಲೇ ಮಸಗೋಡು ಹಾಗೂ ಕುಸುಬೂರು ಗ್ರಾಮಗಳು ಸಾರ್ವಜನಿಕರ ಪ್ರವೇಶವನ್ನು ತಡೆದಿದ್ದು, ಈಗ ಚೌಡ್ಲು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಚೌಡ್ಲು, ಕಿಬ್ಬೆಟ್ಟ ಗ್ರಾಮಗಳ ಪ್ರಮುಖರು ಸೇರಿ ಶುಕ್ರವಾರ ಈ ನಿರ್ಧಾರವನ್ನು ತೆಗೆದುಕೊಂಡಿವೆ.
ಗ್ರಾಮದ ಪ್ರವೇಶ ದ್ವಾರದಲ್ಲಿ ಬ್ಯಾನರ್ ಹಾಕುವ ಮೂಲಕ ಹೊರಗಿನ ಯಾರೂ ಪ್ರವೇಶಿಸಬಾರೆಂದು ಮನವಿ ಮಾಡಿವೆ.
