ಪಾಂಡಿಯಂಡ, ಕಾಣತಂಡಗಳಿಗೆ ಭಾರಿ ಗೆಲುವು

ಗೋಣಿಕೊಪ್ಪಲು : ಸಮೀಪದ ಬಾಳೆಲೆ ವಿಜಯಲಕ್ಷ್ಮಿ ಪದವಿಪೂರ್ವ ಕಾಲೇಜಿನ ಮೈದಾನದಲ್ಲಿ ನಡೆಯುತ್ತಿರುವ ಅರಮಣಮಾಡ ಕೊಡವ ಕೌಟುಂಬಿಕ ಕ್ರಿಕೆಟ್ ಟೂರ್ನಿಯಲ್ಲಿ ಭಾನುವಾರ ಪಾಂಡಿಯಂಡ, ಕಾಣತಂಡಗಳಿಗೆ ಹೆಚ್ಚು ರನ್ಗಳ ಅಂತರದ ಗೆಲುವು ಸಿಕ್ಕರೆ, ಮಲ್ಚೀರ, ನೆರವಂಡ ತಂಡಗಳಿಗೆ 10 ವಿಕೆಟ್ಗಳ ಗೆಲುವು ಲಭಿಸಿತು.

. ಪಾಂಡಿಯಂಡ ತಂಡವಂತೂ ಪೆಬ್ಬಟ್ಟೀರ ವಿರುದ್ಧ ಬ್ಯಾಟಿಂಗ್ ಮತ್ತು ಬೌಲಿಂಗ್ನಲ್ಲಿ ಉತ್ತಮ ಪ್ರದರ್ಶನ ನೀಡಿ ಗಮನ ಸೆಳೆಯಿತು. ನಿಗದಿತ 8 ಓವರ್ಗಳಲ್ಲಿ ಕೇವಲ 1 ವಿಕೆಟ್ ಮಾತ್ರವನ್ನೇ ಕಳೆದುಕೊಂಡು 136 ರನ್ ಗಳಿಸಿತು. ಗುರಿ ಬೆನ್ನತ್ತಿದ ಪೆಬ್ಬಟ್ಟೀರ ತಂಡವನ್ನು ಪಾಂಡಿಯಂಡ ತಂಡದ ಬೌಲರ್ಗಳು ಕೇವಲ 36 ರನ್ಗಳಿಗೆ ನಿಯಂತ್ರಿಸಿದರು. ಈ ಮೂಲಕ 100 ರನ್ಗಳ ಭಾರಿ ಅಂತರದ ಗೆಲುವನ್ನು ಪಾಂಡಿಯಂಡ ಪಡೆಯಿತು.

. ಇದೇ ಬಗೆಯಲ್ಲಿ ಉತ್ತಮ ಬ್ಯಾಟಿಂಗ್ ಮತ್ತು ಬೌಲಿಂಗ್ ಪ್ರದರ್ಶನ ನೀಡಿದ ಕಾಣತಂಡ ತಂಡಕ್ಕೆ ಕುಂಡಚ್ಚೀರ ವಿರುದ್ಧ 87 ರನ್ಗಳ ಗೆಲುವು ದಕ್ಕಿತು. ಕಾಣತಂಡ ತಂಡವು ಕೇವಲ 1 ವಿಕೆಟ್ ಕಳೆದುಕೊಂಡು ಗಳಿಸಿದ 137 ರನ್ಗಳನ್ನು ಬೆನ್ನತ್ತಿದ ಕುಂಡಚ್ಚೀರ ತಂಡವನ್ನು ಕಾಣತಂಡದ ಬೌಲರ್ಗಳು ಕೇವಲ 50 ರನ್ಗಳಿಗೆ ನಿಯಂತ್ರಿಸುವಲ್ಲಿ ಸಫಲರಾದರು.

. ಮಲ್ಚೀರ ತಂಡವು ಪುಳ್ಳಂಗಡ ವಿರುದ್ಧ 10 ವಿಕೆಟ್ಗಳ ಭರ್ಜರಿ ಜಯ ದಾಖಲಿಸಿತು. ಪುಳ್ಳಂಗಡ ನೀಡಿದ 48 ರನ್ಗಳ ಸುಲಭ ಗುರಿಯನ್ನು ಯಾವುದೇ ವಿಕೆಟ್ ಕಳೆದುಕೊಳ್ಳದೇ ಮಲ್ಚೀರ ತಲುಪಿದ್ದು ವಿಶೇಷ ಎನಿಸಿತು.

. ನೆರವಂಡ ತಂಡವೂ ಪೋರೇರ ವಿರುದ್ಧ 10 ವಿಕೆಟ್ಗಳ ಅಮೋಘ ಜಯ ಗಳಿಸಿತು. ಪೋರೇರ ನೀಡಿದ 49 ರನ್ಗಳ ಗುರಿಯನ್ನು ನೆರವಂಡ ಯಾವುದೇ ವಿಕೆಟ್ ಕಳೆದುಕೊಳ್ಳದೇ ತಲುಪಿತು.

. ಅಪ್ಪುಡ ತಂಡಕ್ಕೆ ಕೀತಿಯಂಡ ವಿರುದ್ಧ 25 ರನ್ಗಳ ಗೆಲುವು ಒಲಿಯಿತು. ಅಪ್ಪುಡ ನೀಡಿದ 94 ರನ್ಗಳ ಗುರಿಯನ್ನು ಬೆನ್ನತ್ತಿದ ಕೀತಿಯಂಡ ತಂಡವು 68 ರನ್ಗಳನ್ನು ಮಾತ್ರ ಗಳಿಸಿ ಗೆಲುವಿನ ದಡವನ್ನು ತಲುಪಲಿಲ್ಲ.

. ಚಿಯಣಮಾಡ ತಂಡವು ಪೆಮ್ಮಣಮಾಡ ತಂಡದ ವಿರುದ್ಧ 24 ರನ್ಗಳ ಜಯ ಪಡೆಯಿತು. ಚಿಯಣಮಾಡ ನೀಡಿದ 92 ರನ್ಗಳ ಗುರಿಯನ್ನು ಬೆನ್ನತ್ತಿದ ಪೆಮ್ಮಣಮಾಡ 69 ರನ್ಗಳಿಗೆ ಎಲ್ಲ ವಿಕೆಟ್ಗಳನ್ನು ಕಳೆದುಕೊಂಡು ನಿರಾಶವಾಯಿತು.

. ಚೆನಿಯಪಂಡ ತಂಡವು ಕೊಪ್ಪೀರ ವಿರುದ್ಧ 22 ರನ್ಗಳ ಗೆಲುವು ಪಡೆಯಿತು. ಚೆನಿಯಪಂಡ ನೀಡಿದ 119 ರನ್ಗಳ ಗುರಿಯನ್ನು ಬಹಳ ಉತ್ಸಾಹದಿಂದಲೇ ಬೆನ್ನತ್ತಿದ ಕೊಪ್ಪೀರ 97 ರನ್ಗಳಿಸಿ ಗೆಲುವಿನ ಹೊಸ್ತಿಲಲ್ಲಿ ಎಡವಿತು.

. ಪೆಮ್ಮಣಮಾಡ ತಂಡವು ಪೂನ್ನಕಚ್ಚೀರ ತಂಡದ ವಿರುದ್ಧ 16 ರನ್ಗಳ ಗೆಲುವು ಪಡೆಯಿತು. ಪೆಮ್ಮ ಣಮಾಡ ನೀಡಿದ 120 ರನ್ಗಳ ಗುರಿಯನ್ನು ಬೆನ್ನತ್ತಿದ ಪೂನ್ನಕಚ್ಚೀರ ತಂಡವು 103 ರನ್ಗಳಿಸಿ ಗೆಲುವಿನ ಗುರಿ ತಲುಪಲಾಗದೇ ಸೋಲು ಕಂಡಿತು.

. ಮೇಕೆರಿರ ತಂಡವು ಕೊಡಂದೇರ ವಿರುದ್ಧ 26 ರನ್ಗಳ ಅಂತರದಿಂದ ಗೆಲುವು ಸಾಧಿಸಿತು. ಮೇಕೆರಿರ ನೀಡಿದ 108 ರನ್ಗಳ ಗುರಿಯನ್ನು ಬೆನ್ನತ್ತಿದ ಕೊಡಂದೇರ 82 ರನ್ಗಳನ್ನು ಗಳಿಸುವಷ್ಟರಲ್ಲಿ ಎಲ್ಲ ವಿಕೆಟ್ಗಳನ್ನು ಪಡೆಯುವಲ್ಲಿ ಮೇಕೆರಿರ ತಂಡದ ಬೌಲರ್ಗಳು ಸಫಲರಾದರು.

. ಉಳಿದಂತೆ, ಬೊಳ್ಳೇರ ಮತ್ತು ಕುಂದ್ರಂಡ ತಂಡಗಳು ವಾಕ್ ಓವರ್ ಪಡೆದವು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಾಂಡಿಯಂಡ, ಕಾಣತಂಡಗಳಿಗೆ ಭಾರಿ ಗೆಲುವು

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌