ಶಾಶ್ವತ ನೀರು ಒದಗಿಸಿ: ಪೊನ್ನಂಪೇಟೆ ಸುತ್ತಮುತ್ತ ವರ್ಷ ಪೂರ್ತಿ ಹರಿಯುವ ಹತ್ತಾರು ತೊರೆ ತೋಡುಗಳಿವೆ. ಇವುಗಳಲ್ಲಿ ಶುದ್ಧವಾದ ನೀರು ಲಭಿಸಲಿದೆ. ದಟ್ಟ ಕಾಡು ಮತ್ತು ಕಾಫಿ ತೋಟದ ನಡುವೆ ಹಾದುಹೋಗುವ ಆಡುಗುಂಡಿ ಹೊಳೆ, ಕೊಂಗಣ ಹೊಳೆ, ಬರಪೊಳೆ, ಲಕ್ಷ್ಮಣತೀರ್ಥ ನದಿಗಳಲ್ಲಿ ಶುದ್ಧ ನೀರು ಲಭಿಸಲಿದೆ. ಇವುಗಳಿಗೆ ಪಿಕಪ್ ಮಾದರಿಯಲ್ಲಿ ಕಟ್ಟೆ ಕಟ್ಟಿ ನೀರು ಸಂಗ್ರಹಿಸಿಕೊಂಡು ಬೇಸಿಗೆಯಲ್ಲಿ ಪೊನ್ನಂಪೇಟೆ, ಗೋಣಿಕೊಪ್ಪಲು ಪಟ್ಟಣಕ್ಕೆ ಶಾಶ್ವತ ನೀರು ಒದಗಿಸಬಹುದು. ಇದರಿಂದ ಪ್ರತಿ ವರ್ಷ ಬೇಸಿಗೆಯಲ್ಲಿ ಎದುರಾಗುವ ನೀರಿನ ಸಮಸ್ಯೆ ನೀಗಿಸಬಹುದು ಎಂದು ಸಾರ್ವಜನಿಕರಾದ ಬಿದ್ದಪ್ಪ, ಸೋಮಯ್ಯ, ತಮ್ಮಯ್ಯ ತಿಳಿಸಿದರು.