ವಾರ್ಷಿಕೋತ್ಸವ ಸಂಭ್ರಮ: ನೃತ್ಯ ಸಮಾಗಮ

ಗೋಣಿಕೊಪ್ಪಲು: ‘ಗಾನಕೆ ಒಲಿಯದ ಮನಸೇ ಇಲ್ಲ. ನೃತ್ಯಕ್ಕೆ ನಲಿಯದ ಹೃದಯವೇ ಇಲ್ಲ’ ಎಂಬ ನುಡಿ ಹದಿಹರೆಯ ಮನಸುಗಳೇ ತುಂಬಿಕೊಂಡಿರುವ ಇಲ್ಲಿನ ಕಾವೇರಿ ಕಾಲೇಜಿನ ಆವರಣದಲ್ಲಿ ಈಚೆಗೆ ನಡೆದ ವಾರ್ಷಿಕೋತ್ಸವದಲ್ಲಿ ಸಾಬೀತಾಯಿತು.

‘ಹುಚ್ಚುಕೋಡಿ ಮನಸು ಅದು ಹದಿನಾರರ ವಯಸು’ ಎಂಬ ಕವಿ ಬಿ.ಆರ್. ಲಕ್ಮಣ್ರಾವ್ ಪದ್ಯದ ಸಾಲು ಅಕ್ಷರಶಃ ನಿಜವೆನಿಸಿತು. ಮೂರು ದಿನಗಳ ಹಿಂದೆಯಷ್ಟೆ ನಡೆದ ಕಾಲೇಜಿನ ವಾರ್ಷಿಕೋತ್ಸವದಲ್ಲಿ ದೇಸಿ, ಪಾಶ್ಚಿಮಾತ್ಯ ಹಾಡುಗಳ ನೃತ್ಯ ವೈಭವ ಕಣ್ಣಿಗೆ ಹಬ್ಬ ಉಂಟು ಮಾಡಿತು. ಬಣ್ಣಬಣ್ಣದ ಬಟ್ಟೆ ತೊಟ್ಟ ಯುವತಿಯರು ವಿವಿಧ ಹಾಡುಗಳಿಗೆ ಹೆಜ್ಜೆ ಹಾಕಿದರು. ಪಾಶ್ಚಿಮಾತ್ಯ ಹಾಡುಗಳಿಗೆ ಚಿಟ್ಟೆಯಂತೆ ಹಾರಾಡಿದ ಬೆಡಗಿಯರು ದೇಸಿ ಸಂಗೀತಕ್ಕೆ ನಯವಾಗಿ ನರ್ತಿಸಿದರು.

ಗ್ರಾಮೀಣ ಸೊಗಡಿನ ಜಾನಪದ ಗೀತೆಗೆ ಹೆಜ್ಜೆ ಹಾಕಿದ ಆಧುನಿಕ ಪೋಷಾಕಿನ ಬೆಡಗಿಯರು ಪಾಶ್ಚಿಮಾತ್ಯ ನೃತ್ಯದ ನಡುವೆ ಮಂದಗಮನಿಯರಂತೆ ಬಳುಕಿದರು. ಕನ್ನಡ, ಮಲೆಯಾಳ, ತಮಿಳು, ಹಿಂದಿ, ಕೊಡವ ಮುಂತಾದ ಭಾಷೆಗಳ ಹಾಡು ದೇಶದ ಐಕ್ಯತೆಯನ್ನು ಸಾರಿದವು. ಗ್ರಾಮೀಣ ಸೊಗಡಿನ ಜಾನಪಗೀತೆ ನೃತ್ಯ ನೆಲದ ಸೊಗಡನ್ನು ಎತ್ತಿಹಿಡಿಯಿತು.

ಮತ್ತೊಂದು ಕಡೆ, ಹದಿಹರೆಯದ ಯುವಕರು ಬ್ರೇಕ್ಡ್ಯಾನ್ಸ್, ಕೋಲಾಟ, ಕೊಡವ ಹಾಡುಗಳಿಗೆ ಲಯಬದ್ಧವಾಗಿ ಕುಣಿದರು. ವೇದಿಕೆಯಲ್ಲಿ ನೃತ್ಯಪಟುಗಳು ನರ್ತಿಸುತ್ತಿದ್ದರೆ ಕೆಳಗೆ ಸಭಾಂಗಣದಲ್ಲಿ ಯುವಕ ಯುವತಿಯರು ನೃತ್ಯಕ್ಕೆ ಸಾಥ್ ನೀಡಿದರು. ನೃತ್ಯದ ಮಧ್ಯದಲ್ಲಿ ಮೂಡಿಬಂದ ಹಾಸ್ಯ, ನಾಟಕ ಮೊದಲಾದವುಗಳು ಸಾಂಸ್ಕೃತಿಕ ಉತ್ಸವಕ್ಕೆ ಕಳೆತುಂಬಿದವು.

ಆರಂಭದಲ್ಲಿ ವಾರ್ಷಿಕೋತ್ಸವವನ್ನು ಅಂತರರಾಷ್ಟ್ರೀಯ ಕ್ರೀಡಾಪಟು ಅರ್ಜುನ್ ದೇವಯ್ಯ ಉದ್ಘಾಟಿಸಿದರು. ವಿರಾಜಪೇಟೆ ವೈದ್ಯ ಹಾಗೂ ಪಕ್ಷಿತಜ್ಞ ಡಾ.ನರಸಿಂಹನ್ ಮುಖ್ಯ ಅತಿಥಿಯಾಗಿದ್ದರು. ಕಾಲೇಜಿನ ಆಡಳಿತ ಮಂಡಳಿ ಅಧ್ಯಕ್ಷ ಚಿಣ್ಣಪ್ಪ, ಉಪಾಧ್ಯಕ್ಷ ಎ.ಟಿ. ಭೀಮಯ್ಯ, ಕಾರ್ಯದರ್ಶಿ ಕೆ.ಎನ್. ಉತ್ತಪ್ಪ, ಪ್ರಾಂಶುಪಾಲ ಪ್ರೊ.ಪೂವಣ್ಣ, ವಿದ್ಯಾರ್ಥಿ ಸಂಘದ ಸಂಚಾಲಕ ಪ್ರೊ.ವಾಸ್ತರ್ ಹಾಜರಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಾರ್ಷಿಕೋತ್ಸವ ಸಂಭ್ರಮ: ನೃತ್ಯ ಸಮಾಗಮ

ಚಿನಕುರುಳಿ: ಶುಕ್ರವಾರ, 07 ನವೆಂಬರ್ 2025

ಚುರುಮುರಿ | ಚಾಟ್‌ ಜಿಪಿಟಿ ಗೋ!

ದಿನ ಭವಿಷ್ಯ: ದೂರ ಸಂಚಾರದಲ್ಲಿ ಕಾರ್ಯಾನುಕೂಲ ತೋರಿಬಂದು ಮಾನಸಿಕ ನೆಮ್ಮದಿ

ಹೊರ ಗುತ್ತಿಗೆ ವ್ಯವಸ್ಥೆಗೆ ತಡೆ: ಸಮಗ್ರ ವರದಿಗೆ ಸಚಿವ ಎಚ್.ಕೆ. ಪಾಟೀಲ ಸೂಚನೆ

ಮಹಿಳಾ ಏಕದಿನ ವಿಶ್ವಕಪ್‌: ತಂಡಗಳ ಸಂಖ್ಯೆ 10ಕ್ಕೆ

ಹೆಚ್ಚಿನ ಜೀವನಾಂಶ ಕೋರಿದ ಪತ್ನಿ: ಮೊಹಮ್ಮದ್ ಶಮಿಗೆ ನೋಟಿಸ್‌

ಕರ್ನಾಟಕ ಮಿನಿ ಗೇಮ್ಸ್‌: ವಾಲಿಬಾಲ್‌ನಲ್ಲಿ ದಕ್ಷಿಣ ಕನ್ನಡ, ಗದಗ ಚಾಂಪಿಯನ್‌

ಮಹಾರಾಷ್ಟ್ರ ಸರ್ಕಾರದಿಂದ ಜೆಮಿಮಾ, ಮಂದಾನ, ರಾಧಾಗೆ ₹2.5 ಕೋಟಿ

ಒಳನೋಟ | ತೋಟಕ್ಕೆ ಕಾಡುಪ್ರಾಣಿಗಳ ದಾಳಿ: ಕೃಷಿಕರಿಗೆ ಕೋತಿ, ನವಿಲು, ಹಂದಿಗಳ ಒಳೇಟು

ಒಳನೋಟ: ಪೌಷ್ಠಿಕ ಯೋಜನೆಯಡಿ ಬುಡಕಟ್ಟು ಜನರಿಗೆ ‘ಕಳಪೆ’ ಆಹಾರ ಪೂರೈಕೆ

ಆಧುನಿಕತೆ ಮಧ್ಯೆ ನಲುಗಿದ ಕುಲಕಸುಬು: ಕತ್ತಲಲ್ಲಿ ಕುಂಬಾರರ ಬದುಕು

Firecracker Scam | ಹೆಸರಿಗೆ ಹಸಿರು: ಒಳಗೆ ‘ವಿಷ’

ಚಿನಕುರುಳಿ: ಶುಕ್ರವಾರ, 07 ನವೆಂಬರ್ 2025

ಚುರುಮುರಿ | ಚಾಟ್‌ ಜಿಪಿಟಿ ಗೋ!

ದಿನ ಭವಿಷ್ಯ: ದೂರ ಸಂಚಾರದಲ್ಲಿ ಕಾರ್ಯಾನುಕೂಲ ತೋರಿಬಂದು ಮಾನಸಿಕ ನೆಮ್ಮದಿ

ಹೊರ ಗುತ್ತಿಗೆ ವ್ಯವಸ್ಥೆಗೆ ತಡೆ: ಸಮಗ್ರ ವರದಿಗೆ ಸಚಿವ ಎಚ್.ಕೆ. ಪಾಟೀಲ ಸೂಚನೆ