ಕೋಲಾರ | ಹುಣ್ಣಿಮೆ ಹಾಡಿಗೆ ‘ಊರುಭಂಗ’ದ ಹೂರಣ: ಆದಿಮದಲ್ಲಿ ನಾಟಕ ಪ್ರದರ್ಶನ

ಕೋಲಾರ : ತಾಲ್ಲೂಕಿನ ತೇರಹಳ್ಳಿ ಬೆಟ್ಟದ ಶಿವಗಂಗೆಯ ಆದಿಮ ಸಾಂಸ್ಕೃತಿಕ ಕಲಾ ಕೇಂದ್ರದಲ್ಲಿ ಭಾನುವಾರ ರಾತ್ರಿ ಹಮ್ಮಿಕೊಂಡಿದ್ದ 221ನೇ ಹುಣ್ಣಿಮೆ ಹಾಡು ಕಾರ್ಯಕ್ರಮದಲ್ಲಿ ‘ಊರುಭಂಗ’ ನಾಟಕ ಪ್ರೇಕ್ಷಕರನ್ನು ಮೋಡಿ ಮಾಡಿತು.

. ಜಿಲ್ಲಾ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿಗೆ ಭಾಜನರಾದ ಸಿ.ಮಂಜುನಾಥ್ ಅವರನ್ನು ಗೌರವಿಸಲಾಯಿತು. ನಾಟಕದ ಜೊತೆಗೆ ಅತಿಥಿಗಳ ಮಾತಿನ ಹೂರಣವೂ ಇತ್ತು.

. ಕೋಲಾರ ನಗರಸಭೆ ಆಯುಕ್ತ ಜಿ.ನವೀನ್ ಚಂದ್ರ ಮಾತನಾಡಿ, ‘ಆದಿಮದ ಸಮಾಜಮುಖಿ ಕಾರ್ಯ ಚಟುವಟಿಕೆ ಕೇಳಿ ಖುಷಿಯಾಯಿತು. ಬೆಟ್ಟದಲ್ಲಿ ಇಂತಹ ಕೇಂದ್ರ ಆರಂಭಿಸಿ, ಇಷ್ಟು ಬೆಳೆಯಲು ಕಾರಣರಾದ ಪ್ರತಿಯೊಬ್ಬರಿಗೂ ಅಭಿನಂದನೆಗಳು’ ಎಂದರು.

. ಶ್ರೀನಿವಾಸಪುರ ಶ್ರೀಭೈರವೇಶ್ವರ ವಿದ್ಯಾಸಂಸ್ಥೆ ನಿರ್ದೇಶಕ ಎ.ವೆಂಕಟರೆಡ್ಡಿ ಮಾತನಾಡಿ, ‘ನೆಲಸಂಸ್ಕೃತಿಯ ನಡೆಯಾಗಿ ಆದಿಮ ಆರಂಭದಿಂದಲೂ ಉತ್ತಮ ಕೆಲಸ ಮಾಡಿಕೊಂಡು ಬಂದಿದೆ. ಅನೇಕರ ಹೆಜ್ಜೆ ಹೆಗಲುಗಳು, ನಡೆ ನುಡಿಗಳು, ಕವಲುಗಳ ನಡುವೆ ಈ ಮಟ್ಟಕ್ಕೆ ಬೆಳೆದು ನಿಂತಿದೆ. ಹಲವರ ಜನರ ಬೆವರು ಹನಿಗಳು ಬಿದ್ದಿವೆ’ ಎಂದು ಹೇಳಿದರು.

. ಕಲಾವಿದರಿಗೆ ಹಲವು ಪ್ರಕಾರಗಳನ್ನು ಅಭಿವ್ಯಕ್ತಗೊಳಿಸುವ ಹಂಬಲ ಇರುತ್ತದೆ. ಸರ್ಟಿಫಿಕೇಟ್ ಪಡೆಯುವುದಷ್ಟೇ ಅಲ್ಲ; ನಂತರ ಏನಾಗಬೇಕೆನ್ನುವುದು ಮುಖ್ಯ. ರೋಗಗ್ರಸ್ಥ ಸಮಾಜಕ್ಕೆ ವಿವಿಧ ಕಲಾಪ್ರಕಾರಗಳ ಮೂಲಕ ಉತ್ತಮ ಸಂದೇಶ ನೀಡಿ ಮಾದರಿ ಆಗಬೇಕಿದೆ ಎಂದು ಅವರು ರಂಗಶಿಕ್ಷಣ ವಿದ್ಯಾರ್ಥಿಗಳಿಗೆ ಸಲಹೆ ನೀಡಿದರು.

. ಕಲಾವಿದರು ಸಂತೃಪ್ತ ಜೀವನ ನಡೆಸಲು ಸಾಧ್ಯವಾಗುತ್ತಿಲ್ಲ. ಸಮಾಜ ಅವರನ್ನು ಗಮನಿಸುವ, ಗೌರವದಿಂದ ಕಾಣುವ ಮಟ್ಟಕ್ಕೆ ಇನ್ನೂ ಬಂದಿಲ್ಲ. ನಟ, ರಂಗಕರ್ಮಿ ಮಂಡ್ಯ ರಮೇಶ್ ಅವರನ್ನು ಭೇಟಿಯಾದಾಗ ಸವಾಲುಗಳನ್ನು ಹೇಳಿದ್ದನ್ನು ಸ್ಮರಿಸಿಕೊಂಡರು.

. ಕಲಾವಿದರು ಧೃತಿಗೆಡದೆ ತಲೆಮಾರುಗಳಿಂದ ತಮ್ಮ ಕೆಲಸ ಮಾಡಿಕೊಂಡು ಬಂದಿದ್ದಾರೆ. ಕಾಲ ಎಷ್ಟೇ ಆಧುನಿಕವಾದರೂ ನೆಲಸಂಸ್ಕೃತಿ ಹಾಗೂ ಮುಂದಿನ ಪೀಳಿಗೆಗೆ ಕೊಡಬೇಕಾದ ಜವಾಬ್ದಾರಿ ತಮ್ಮ ಮೇಲೆ ಇದೆ. ಕಲಾವಿದರಿಗೆ ಒಂದು ಸಶಕ್ತ ಸಮಾಜ ಕಟ್ಟುವ ಸಾಮರ್ಥ್ಯವಿದೆ ಎಂದು ಹೇಳಿದರು.

. ಗೌರವ ಸ್ವೀಕರಿಸಿದ ಶಿಕ್ಷಕ ಸಿ.ಮಂಜುನಾಥ್, ಆದಿಮ ನನಗೆ ಒಂದು ವಿಶ್ವವಿದ್ಯಾಲಯ. ಆದ್ದರಿಂದ ಅನೇಕ ವಿಷಯ, ವಿಚಾರಗಳನ್ನು ಕಲಿಯಲು, ಮಕ್ಕಳಿಗೆ ಕಲಿಸಲು ಸಾಧ್ಯವಾಗಿದೆ ಎಂದರು.

. ಇದೇ ಸಂದರ್ಭದಲ್ಲಿ ಆದಿಮ ರಂಗಶಿಕ್ಷಣ ಕೇಂದ್ರದ ವಿದ್ಯಾರ್ಥಿಗಳಿಗೆ ಬೆಳಕು ವಿನ್ಯಾಸ ತರಬೇತಿ ನೀಡಿದ ರಾಜೇಶ್ ನೃತ್ಯ ಅವರನ್ನು ಗೌರವಿಸಲಾಯಿತು. ಆದಿಮ ಆಶಯ ಗೀತೆ ಡಿ.ಆರ್.ರಾಜಪ್ಪ ಹಾಡಿದರು.

. ಭಾಸ ರಚನೆಯ ಊರುಭಂಗ ನಾಟಕವನ್ನು ಎಲ್. ಗುಂಡಪ್ಪ ಕನ್ನಡಕ್ಕೆ ಅನುವಾದಿಸಿದ್ದಾರೆ. ಬೆಳಕು; ಮೈಕೊ ಶಿವಶಂಕರ್, ಸಂಗೀತ; ಲೀಲಾ ಕೃಷ್ಣ, ವಿನ್ಯಾಸ,ನಿರ್ದೇಶನ; ರಾಮಕೃಷ್ಣ ಬೆಳ್ತೂರು ನೆರವಿನೊಂದಿಗೆ ಆಹಾರ್ಯ ಕಲ್ಚರಲ್ ಟ್ರಸ್ಟ್ ಕಲಾವಿದರು ಪ್ರದರ್ಶನ ನೀಡಿದರು.

. ಆದಿಮ ಆಡಳಿತಾಧಿಕಾರಿ ರಮೇಶ್, ರಾಜಪ್ಪ, ಮಣಿ, ತುರಂಡಹಳ್ಳಿ ಶ್ರೀನಿವಾಸ್, ಕಾಳಿದಾಸ್, ನಾಯಕ್, ನಾರಾಯಣಸ್ವಾಮಿ, ಚನ್ನಕೇಶವ, ಮೌನಿಕಾ, ಪ್ರಾಂಶುಪಾಲರು, ಉಪನ್ಯಾಸಕರು, ವಿದ್ಯಾರ್ಥಿಗಳು ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋಲಾರ | ಹುಣ್ಣಿಮೆ ಹಾಡಿಗೆ ‘ಊರುಭಂಗ’ದ ಹೂರಣ: ಆದಿಮದಲ್ಲಿ ನಾಟಕ ಪ್ರದರ್ಶನ

ಚಿನಕುರುಳಿ ಕಾರ್ಟೂನು: ಮಂಗಳವಾರ, 09 ಸೆಪ್ಟೆಂಬರ್ 2025

ಚುರುಮುರಿ: ಗ್ರೇಟರ್ ಗಾರುಡಿ

ಚಿನಕುರುಳಿ ಕಾರ್ಟೂನ್‌: ಸೋಮವಾರ, 08 ಸೆಪ್ಟೆಂಬರ್ 2025

ಚುರುಮುರಿ: ಅಂಬಾಸಾ–ಡಾಗ್‌

Photo Gallery: ಏಷ್ಯಾ ಕಪ್‌ ಕ್ರಿಕೆಟ್‌ ಟ್ರೋಫಿಯೊಂದಿಗೆ ಮಿಂಚಿದ ನಾಯಕರು..

ಏಷ್ಯಾ ಕಪ್‌ ಕ್ರಿಕೆಟ್‌: ಭಾರತ ತಂಡದ ಆಡುವ 11ರ ಬಳಗದಲ್ಲಿ ಕಣಕ್ಕಿಳಿಯುವವರು ಯಾರು?

ಪಾಕ್‌ ವಿರುದ್ಧ ನಾವು ಆಕ್ರಮಣಕಾರಿ ಆಟಕ್ಕೆ ಒತ್ತು ನೀಡುತ್ತೇವೆ: ಸೂರ್ಯಕುಮಾರ್‌

ನೀರಜ್‌ ಚೋಪ್ರಾ ದಾಖಲೆ ಮುರಿದ ಶಿವಂ ಲೋಹಕರೆ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಒಳನೋಟ: ಬಿಆರ್‌ಟಿಗೆ ಒತ್ತುವರಿ ಸಂಕಟ

ಚಿನಕುರುಳಿ ಕಾರ್ಟೂನು: ಮಂಗಳವಾರ, 09 ಸೆಪ್ಟೆಂಬರ್ 2025

ಚುರುಮುರಿ: ಗ್ರೇಟರ್ ಗಾರುಡಿ

ಚಿನಕುರುಳಿ ಕಾರ್ಟೂನ್‌: ಸೋಮವಾರ, 08 ಸೆಪ್ಟೆಂಬರ್ 2025

ಚುರುಮುರಿ: ಅಂಬಾಸಾ–ಡಾಗ್‌