ಕೋಲಾರ | ಜನಿಸಿದ ಏಳೇ ದಿನಕ್ಕೆ ₹ 5 ಲಕ್ಷಕ್ಕೆ ಹಸುಳೆ ಮಾರಾಟ: ಐವರು ಆರೋಪಿಗಳ ಬಂಧನ

ಗಂಡು ಮಗುವನ್ನು ಪೊಲೀಸರು ರಕ್ಷಣೆ ಮಾಡಿ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಸುಪರ್ದಿಗೆ ಒಪ್ಪಿಸಿದ್ದಾರೆ. ಮಗುವನ್ನು ಘಟಕದ ಸಿಬ್ಬಂದಿ ಆರೈಕೆ ಮಾಡುತ್ತಿದ್ದಾರೆ. ಅಕಸ್ಮಾತ್‌ ಪೋಷಕರು ಮಗು ವಾಪಸ್‌ ಬೇಕು ಎಂದು ಕೇಳಿದರೆ ಮಕ್ಕಳ ಕಲ್ಯಾಣ ಸಮಿತಿಯಲ್ಲಿ ಪ್ರಸ್ತಾಪ ಇರಿಸಿ, ವಿವಿಧ ಪ್ರಕ್ರಿಯೆ ನಡೆಸಿ, ಮತ್ತೆ ಮಗು ಮಾರಾಟ ಮಾಡದಂತೆ ಮುಚ್ಚಳಿಕೆ ಬರೆಯಿಸಿಕೊಂಡು ಕೊಡುತ್ತೇವೆ. ಎರಡು ತಿಂಗಳೊಳಗೆ ಕೇಳಿದರೆ ಮಾತ್ರ ಈ ಪ್ರಕ್ರಿಯೆ ನಡೆಯಬೇಕಾಗುತ್ತದೆ. ಇಲ್ಲದಿದ್ದರೆ ದತ್ತು ಪ್ರಕ್ರಿಯೆಗೆ ಒಳಪಡಿಸಲಾಗುತ್ತದೆ ಎಂದು ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಅಧಿಕಾರಿ ನಾಗರತ್ನಾ ‘ಪ್ರಜಾವಾಣಿ’ಗೆ ತಿಳಿಸಿದರು.