ಬುಧವಾರ, ಜನವರಿ 20, 2021
21 °C

ವಿರೂಪಾಕ್ಷಿಯ ತಾಮ್ರ ಶಾಸನ ಪತ್ತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಮುಳಬಾಗಿಲು: ತಾಲ್ಲೂಕಿನ ವಿರೂಪಾಕ್ಷಿ ಗ್ರಾಮದ ವಿರೂಪಾಕ್ಷೇಶ್ವರ ದೇವಾಲಯಕ್ಕೆ ಸಂಬಂಧಿಸಿದ ತಾಮ್ರದ ಶಾಸನವೊಂದು ದೇವಾಲಯದ ಅರ್ಚಕ ವರ್ಗದ ಸುಪರ್ದಿಗೆ ಬಂದಿರುವುದು ವರದಿಯಾಗಿದೆ.

ಮುಳಬಾಗಿಲು ಸಾಯರ್ ಕೃಷ್ಣಪ್ಪ ಎಂಬುವರ ಬಳಿಯಿದ್ದ ಈ ತಾಮ್ರದ ಶಾಸನ ಕುರಿತು ಇತಿಹಾಸಕಾರ ರೈಸ್ ಅವರು ತಮ್ಮ ಸಂಪುಟದಲ್ಲಿ ದಾಖಲಿಸಿದ್ದಾರೆ. ಇದೀಗ ತಾಮ್ರದ ಶಾಸನವನ್ನು ವಿರೂಪಾಕ್ಷಿ ದೇವಾಲಯದ ಅರ್ಚಕರು ಸಂರಕ್ಷಿಸಿದ್ದು ಶಾಸನದಲ್ಲಿ ವಿರೂಪಾಕ್ಷಿ ದೇವಾಲಯ ನಿರ್ಮಾಣ, ಅಲ್ಲಿನ ಶಿಖರಕ್ಕೆ ಹಾಕಿದ ಚಿನ್ನದ ಹೊದಿಕೆ ಹಾಗೂ ಕಟ್ಟಲಾದ ಪುಷ್ಕರಿಣಿ, ಮಂಟಪ ಪ್ರಾಕಾರಗಳ ಬಗ್ಗೆ ವಿವರ ನೀಡುತ್ತದೆ ಎಂದು ಇತಿಹಾಸ ಸಂಶೋಧಕ ಕೆ.ಆರ್. ನರಸಿಂಹನ್ ವಿವರಿಸಿದರು.

ವಿರೂಪಾಕ್ಷೇಶ್ವರ ಸ್ವಾಮಿಯ ಕೈಂಕರ್ಯಗಳಿಗೆ ನೀಡಲಾದ ಗ್ರಾಮಗಳ ದಾನದ ಬಗ್ಗೆಯೂ ಮಾಹಿತಿ ಇದೆ. ಜಿಲ್ಲಾಡಳಿತ ವಿರೂಪಾಕ್ಷಿ ದೇವಾಲಯದ ಪುರಾತನ ಪುಷ್ಕರಿಣಿಯನ್ನು ಜೀರ್ಣೋದ್ಧಾರ ಮಾಡಿಸಿದ್ದು, ಪ್ರವಾಸೋದ್ಯಮ ಇಲಾಖೆಯಿಂದ ಪ್ರವಾಸಿ ಕ್ಷೇತ್ರವಾಗಿ ಅಭಿವೃದ್ಧಿಪಡಿಸುವ ಆಶಯ ಹೊಂದಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.