<p><strong>ಕೋಲಾರ: </strong>ಕೋವಿಡ್ ಆತಂಕದ ಹಿನ್ನೆಲೆಯಲ್ಲಿ ಮನೆಯಲ್ಲೇ ಪುಸ್ತಕ ಓದುವ ಹವ್ಯಾಸ ಮುಂದುವರಿಸಲು ಜಿಲ್ಲಾ ಕೇಂದ್ರ ಗ್ರಂಥಾಲಯವು ‘ಮನೆಗೊಬ್ಬ ಸದಸ್ಯ–ಸದಸ್ಯನಿಗೊಂದು ಪುಸ್ತಕ’ ಎಂಬ ಘೋಷ ವಾಕ್ಯದೊಂದಿಗೆ ಡಿಜಿಟಲ್ ಗ್ರಂಥಾಲಯ ಸದಸ್ಯತ್ವ ನೀಡಿಕೆಯ ವಿನೂತನ ಯೋಜನೆಗೆ ಚಾಲನೆ ನೀಡಿದೆ.</p>.<p>2020ರ ನವೆಂಬರ್ನಲ್ಲಿ ರಾಷ್ಟ್ರೀಯ ಗ್ರಂಥಾಲಯ ಸಪ್ತಾಹದೊಂದಿಗೆ ಆರಂಭವಾಗಿರುವ ಡಿಜಿಟಲ್ ಗ್ರಂಥಾಲಯ ಪರಿಕಲ್ಪನೆಗೆ ಗ್ರಂಥಾಲಯದ ಸಿಬ್ಬಂದಿ ಸ್ಪಂದಿಸಿ, ಓದುಗರನ್ನು ಸದಸ್ಯರನ್ನಾಗಿಸಲು ಶ್ರಮಿಸುತ್ತಿದ್ದಾರೆ. ಪ್ರತಿಯೊಬ್ಬರೂ ಡಿಜಿಟಲ್ ಗ್ರಂಥಾಲಯದ ಸದಸ್ಯರಾಗಿ ಓದುವ ಹವ್ಯಾಸ ಮುಂದುವರಿಸಿ ಎಂದು ಸಿಬ್ಬಂದಿ ಸಾರ್ವಜನಿಕರ ಮನವೊಲಿಸುತ್ತಿದ್ದಾರೆ.</p>.<p>ಕೋವಿಡ್ ಆತಂಕದ ಕಾರಣಕ್ಕೆ ಗ್ರಂಥಾಲಯಕ್ಕೆ ಬರಲು ಹೆದರುವ ಓದುವ ಹವ್ಯಾಸವುಳ್ಳ ಹಿರಿಯರಿಗೆ ಈ ಯೋಜನೆ ಸಹಕಾರಿಯಾಗಿದೆ. ಮತ್ತೊಂದೆಡೆ ಪ್ರತಿಯೊಬ್ಬರೂ ಮನೆಯಲ್ಲೇ ಕುಳಿತು ಪುಸ್ತಕ ಓದುವ ಹವ್ಯಾಸ ಮುಂದುವರಿಸಲು ಯೋಜನೆ ಉಪಯುಕ್ತವಾಗಿದೆ.</p>.<p>ಎಲ್ಲಾ ಕ್ಷೇತ್ರಗಳಂತೆ ಗ್ರಂಥಾಲಯ ಕ್ಷೇತ್ರಕ್ಕೂ ಡಿಜಿಟಲ್ ಕ್ರಾಂತಿ ಕಾಲಿಟ್ಟಿದ್ದು, ಸಾರ್ವಜನಿಕರಲ್ಲಿ ಓದು ಹವ್ಯಾಸ ಮರೆಯಾಗದಂತೆ ಮಾಡುವ ನಿಟ್ಟಿನಲ್ಲಿ ಸಫಲತೆ ಕಾಣಲು ಗ್ರಂಥಾಲಯ ಸಿಬ್ಬಂದಿ ಪ್ರಯತ್ನ ಮುಂದುವರಿಸಿದ್ದಾರೆ.</p>.<p>ಮನೆಗಳಲ್ಲೇ ಮೊಬೈಲ್, ಕಂಪ್ಯೂಟರ್, ಲ್ಯಾಪ್ಟಾಪ್, ಟ್ಯಾಬ್ಗಳಲ್ಲಿ ಎಲ್ಲಾ ತರಹದ ಇ-ಪುಸ್ತಕಗಳು, ವಿಡಿಯೊ, ಇ-ನಿಯತಕಾಲಿಕೆಗಳು, ದಿನನಿತ್ಯದ ಕನ್ನಡ, ಆಂಗ್ಲ ಭಾಷೆಯ ಇ-ಪತ್ರಿಕೆಗಳು, ಮಕ್ಕಳಿಗೆ ನೀತಿ ಕಥೆಗಳನ್ನು ಒಳಗೊಂಡ ಇ–ವಿಡಿಯೊಗಳನ್ನು ಒದಗಿಸಲಾಗುತ್ತಿದೆ.</p>.<p>ಉಚಿತ ಸದಸ್ಯತ್ವ: ಡಿಜಿಟಲ್ ಗ್ರಂಥಾಲಯದ ಸದಸ್ಯತ್ವ ಉಚಿತವಾಗಿದ್ದು, ಓದುಗರು ಯಾವುದೇ ಶುಲ್ಕ ಪಾವತಿಸಬೇಕಿಲ್ಲ. ಆನ್ಲೈನ್ ಮೂಲಕ ಮೊಬೈಲ್ ಅಥವಾ ಕಂಪ್ಯೂಟರ್ ಸಹಾಯದಿಂದ ಸದಸ್ಯರಾಗಬಹುದು.</p>.<p>ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಿದ್ಧತೆಯಲ್ಲಿರುವ ವಿದ್ಯಾರ್ಥಿಗಳು ಸಹ ಮನೆಯಿಂದಲೇ ಓದಲು ಕೆಪಿಎಸ್ಸಿ, ಯುಪಿಎಸ್ಸಿ, ಯುಜಿಸಿ, ನೆಟ್, ಸ್ಲೆಟ್ ಮತ್ತು ಇತರ ಸ್ಪರ್ಧಾತ್ಮಕ ಪರೀಕ್ಷೆಗಳ ಇ-ಪುಸ್ತಕಗಳು ಡಿಜಿಟಲ್ ಗ್ರಂಥಾಲಯದ ಪೋರ್ಟಲ್ನಲ್ಲಿ ಲಭ್ಯವಿದೆ. ಪುಸ್ತಕಗಳನ್ನು ಎರವಲು ಪಡೆಯಲಿಚ್ಛಿಸುವ ಓದುಗರು ಹತ್ತಿರದ ಜಿಲ್ಲಾ, ಶಾಖಾ, ನಗರಸಭೆ, ಗ್ರಾಮ ಪಂಚಾಯಿತಿ ಗ್ರಂಥಾಲಯಗಳಿಗೆ ತೆರಳಿ ಡಿಜಿಟಲ್ ಸದಸ್ಯತ್ವ ಪಡೆದುಕೊಳ್ಳಬಹುದು.</p>.<p>ಡಿಜಿಟಲ್ ಗ್ರಂಥಾಲಯ ಸದಸ್ವತ್ವ ಪಡೆಯ ಬಯಸುವ ಓದುಗರು ಹೆಚ್ಚಿನ ಮಾಹಿತಿಗೆ 08152 222821 ದೂರವಾಣಿ ಸಂಖ್ಯೆ, 9845228125 ಅಥವಾ 8105888313 ಮೊಬೈಲ್ ಸಂಪರ್ಕಿಸಬಹುದು ಎಂದು ಜಿಲ್ಲಾ ಗ್ರಂಥಾಲಯ ಅಧಿಕಾರಿಗಳು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲಾರ: </strong>ಕೋವಿಡ್ ಆತಂಕದ ಹಿನ್ನೆಲೆಯಲ್ಲಿ ಮನೆಯಲ್ಲೇ ಪುಸ್ತಕ ಓದುವ ಹವ್ಯಾಸ ಮುಂದುವರಿಸಲು ಜಿಲ್ಲಾ ಕೇಂದ್ರ ಗ್ರಂಥಾಲಯವು ‘ಮನೆಗೊಬ್ಬ ಸದಸ್ಯ–ಸದಸ್ಯನಿಗೊಂದು ಪುಸ್ತಕ’ ಎಂಬ ಘೋಷ ವಾಕ್ಯದೊಂದಿಗೆ ಡಿಜಿಟಲ್ ಗ್ರಂಥಾಲಯ ಸದಸ್ಯತ್ವ ನೀಡಿಕೆಯ ವಿನೂತನ ಯೋಜನೆಗೆ ಚಾಲನೆ ನೀಡಿದೆ.</p>.<p>2020ರ ನವೆಂಬರ್ನಲ್ಲಿ ರಾಷ್ಟ್ರೀಯ ಗ್ರಂಥಾಲಯ ಸಪ್ತಾಹದೊಂದಿಗೆ ಆರಂಭವಾಗಿರುವ ಡಿಜಿಟಲ್ ಗ್ರಂಥಾಲಯ ಪರಿಕಲ್ಪನೆಗೆ ಗ್ರಂಥಾಲಯದ ಸಿಬ್ಬಂದಿ ಸ್ಪಂದಿಸಿ, ಓದುಗರನ್ನು ಸದಸ್ಯರನ್ನಾಗಿಸಲು ಶ್ರಮಿಸುತ್ತಿದ್ದಾರೆ. ಪ್ರತಿಯೊಬ್ಬರೂ ಡಿಜಿಟಲ್ ಗ್ರಂಥಾಲಯದ ಸದಸ್ಯರಾಗಿ ಓದುವ ಹವ್ಯಾಸ ಮುಂದುವರಿಸಿ ಎಂದು ಸಿಬ್ಬಂದಿ ಸಾರ್ವಜನಿಕರ ಮನವೊಲಿಸುತ್ತಿದ್ದಾರೆ.</p>.<p>ಕೋವಿಡ್ ಆತಂಕದ ಕಾರಣಕ್ಕೆ ಗ್ರಂಥಾಲಯಕ್ಕೆ ಬರಲು ಹೆದರುವ ಓದುವ ಹವ್ಯಾಸವುಳ್ಳ ಹಿರಿಯರಿಗೆ ಈ ಯೋಜನೆ ಸಹಕಾರಿಯಾಗಿದೆ. ಮತ್ತೊಂದೆಡೆ ಪ್ರತಿಯೊಬ್ಬರೂ ಮನೆಯಲ್ಲೇ ಕುಳಿತು ಪುಸ್ತಕ ಓದುವ ಹವ್ಯಾಸ ಮುಂದುವರಿಸಲು ಯೋಜನೆ ಉಪಯುಕ್ತವಾಗಿದೆ.</p>.<p>ಎಲ್ಲಾ ಕ್ಷೇತ್ರಗಳಂತೆ ಗ್ರಂಥಾಲಯ ಕ್ಷೇತ್ರಕ್ಕೂ ಡಿಜಿಟಲ್ ಕ್ರಾಂತಿ ಕಾಲಿಟ್ಟಿದ್ದು, ಸಾರ್ವಜನಿಕರಲ್ಲಿ ಓದು ಹವ್ಯಾಸ ಮರೆಯಾಗದಂತೆ ಮಾಡುವ ನಿಟ್ಟಿನಲ್ಲಿ ಸಫಲತೆ ಕಾಣಲು ಗ್ರಂಥಾಲಯ ಸಿಬ್ಬಂದಿ ಪ್ರಯತ್ನ ಮುಂದುವರಿಸಿದ್ದಾರೆ.</p>.<p>ಮನೆಗಳಲ್ಲೇ ಮೊಬೈಲ್, ಕಂಪ್ಯೂಟರ್, ಲ್ಯಾಪ್ಟಾಪ್, ಟ್ಯಾಬ್ಗಳಲ್ಲಿ ಎಲ್ಲಾ ತರಹದ ಇ-ಪುಸ್ತಕಗಳು, ವಿಡಿಯೊ, ಇ-ನಿಯತಕಾಲಿಕೆಗಳು, ದಿನನಿತ್ಯದ ಕನ್ನಡ, ಆಂಗ್ಲ ಭಾಷೆಯ ಇ-ಪತ್ರಿಕೆಗಳು, ಮಕ್ಕಳಿಗೆ ನೀತಿ ಕಥೆಗಳನ್ನು ಒಳಗೊಂಡ ಇ–ವಿಡಿಯೊಗಳನ್ನು ಒದಗಿಸಲಾಗುತ್ತಿದೆ.</p>.<p>ಉಚಿತ ಸದಸ್ಯತ್ವ: ಡಿಜಿಟಲ್ ಗ್ರಂಥಾಲಯದ ಸದಸ್ಯತ್ವ ಉಚಿತವಾಗಿದ್ದು, ಓದುಗರು ಯಾವುದೇ ಶುಲ್ಕ ಪಾವತಿಸಬೇಕಿಲ್ಲ. ಆನ್ಲೈನ್ ಮೂಲಕ ಮೊಬೈಲ್ ಅಥವಾ ಕಂಪ್ಯೂಟರ್ ಸಹಾಯದಿಂದ ಸದಸ್ಯರಾಗಬಹುದು.</p>.<p>ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಿದ್ಧತೆಯಲ್ಲಿರುವ ವಿದ್ಯಾರ್ಥಿಗಳು ಸಹ ಮನೆಯಿಂದಲೇ ಓದಲು ಕೆಪಿಎಸ್ಸಿ, ಯುಪಿಎಸ್ಸಿ, ಯುಜಿಸಿ, ನೆಟ್, ಸ್ಲೆಟ್ ಮತ್ತು ಇತರ ಸ್ಪರ್ಧಾತ್ಮಕ ಪರೀಕ್ಷೆಗಳ ಇ-ಪುಸ್ತಕಗಳು ಡಿಜಿಟಲ್ ಗ್ರಂಥಾಲಯದ ಪೋರ್ಟಲ್ನಲ್ಲಿ ಲಭ್ಯವಿದೆ. ಪುಸ್ತಕಗಳನ್ನು ಎರವಲು ಪಡೆಯಲಿಚ್ಛಿಸುವ ಓದುಗರು ಹತ್ತಿರದ ಜಿಲ್ಲಾ, ಶಾಖಾ, ನಗರಸಭೆ, ಗ್ರಾಮ ಪಂಚಾಯಿತಿ ಗ್ರಂಥಾಲಯಗಳಿಗೆ ತೆರಳಿ ಡಿಜಿಟಲ್ ಸದಸ್ಯತ್ವ ಪಡೆದುಕೊಳ್ಳಬಹುದು.</p>.<p>ಡಿಜಿಟಲ್ ಗ್ರಂಥಾಲಯ ಸದಸ್ವತ್ವ ಪಡೆಯ ಬಯಸುವ ಓದುಗರು ಹೆಚ್ಚಿನ ಮಾಹಿತಿಗೆ 08152 222821 ದೂರವಾಣಿ ಸಂಖ್ಯೆ, 9845228125 ಅಥವಾ 8105888313 ಮೊಬೈಲ್ ಸಂಪರ್ಕಿಸಬಹುದು ಎಂದು ಜಿಲ್ಲಾ ಗ್ರಂಥಾಲಯ ಅಧಿಕಾರಿಗಳು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
