ಕಾರಟಗಿ: ಕಾರು ಡಿಕ್ಕಿ ವೃದ್ಧ ಸಾವು

ಪಟ್ಟಣದ ನಿವಾಸಿ ಮರಿಯಪ್ಪ ಹಿರೇಮನಿ (60) ಮೃತಪಟ್ಟವರು. ಇವರು ಆ. 12ರಂದು ಜಮೀನಿಗೆ ತೆರಳುವಾಗ ಲಕ್ಷ್ಮೀ ವೇ ಬ್ರಿಡ್ಜ್‌ ಬಳಿ ವೇಗವಾಗಿ ಬಂದ ಕಾರು ಡಿಕ್ಕಿ ಹೊಡೆದು ಚಾಲಕ ಕಾರು ಸಹಿತ ಪರಾರಿಯಾಗಿದ್ದಾನೆ.

ಘಟನೆಯಲ್ಲಿ ತೀವ್ರ ಗಾಯಗೊಂಡಿದ್ದ ಅವರಿಗೆ ಕಾರಟಗಿ ಹಾಗೂ ಗಂಗಾವತಿಯಲ್ಲಿ ಚಿಕಿತ್ಸೆ ಕೊಡಿಸಿ ಧಾರವಾಡದ ಎಸ್‌ಡಿಎಂ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೇ ಮಂಗಳವಾರ (ಆ.17) ಮೃತಪಟ್ಟರು ಎಂದು ಅವರ ಪುತ್ರ ತಿಮ್ಮಣ್ಣ ಪೊಲೀಸರಿಗೆ ದೂರು ನೀಡಿದ್ದಾರೆ.
ಈ ಸಂಬಂಧ ಕಾರಟಗಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.