<p><strong>ನವದೆಹಲಿ (ಪಿಟಿಐ):</strong> ಇಟಲಿಯ ಮಾರ್ಕೊ ಬೆಝೆಕಿ ಅವರು ಭಾನುವಾರ ನಡೆದ ಚೊಚ್ಚಲ ಇಂಡಿಯನ್ ಗ್ರ್ಯಾನ್ಪ್ರಿ ಮೋಟೊಜಿಪಿ ರೇಸ್ ಗೆದ್ದುಕೊಂಡರು.</p>.<p>ಬುದ್ಧ ಇಂಟರ್ನ್ಯಾಷನಲ್ ಸರ್ಕಿಟ್ನಲ್ಲಿ ನಡೆದ ರೇಸ್ನಲ್ಲಿ ‘ಪೋಲ್ ಪೊಸಿಷನ್’ನಿಂದ ಸ್ಪರ್ಧೆ ಆರಂಭಿಸಿದ್ದ ‘ವಿಆರ್46’ ರೇಸಿಂಗ್ ತಂಡದ ಬೆಝೆಕಿ ಆರಂಭದಲ್ಲಿ ಹಿನ್ನಡೆ ಅನುಭವಿಸಿದರೂ, ಬಳಿಕ ಲಯ ಕಂಡುಕೊಂಡು ಮೊದಲಿಗರಾಗಿ ಗುರಿ ತಲುಪಿದರು.</p>.<p>ಡುಕಾಟಿ ಪ್ರಮ್ಯಾಕ್ ತಂಡದ ರೈಡರ್ ಸ್ಪೇನ್ನ ಜಾರ್ಜ್ ಮಾರ್ಟಿನ್ ಎರಡನೇ ಸ್ಥಾನ ಪಡೆದರೆ, ಯಮಾಹ ತಂಡದ ರೈಡರ್ ಫ್ರಾನ್ಸ್ನ ಫ್ಯಾಬಿಯೊ ಕ್ವಾರ್ಟರಾರೊ ಮೂರನೆಯವರಾದರು.</p>.<p>ಮಾರ್ಟಿನ್ ಮತ್ತು ವಿಶ್ವ ಚಾಂಪಿಯನ್ ಅಗಿರುವ ಇಟಲಿಯ ರೈಡರ್ ಫ್ರಾನ್ಸೆಸ್ಕೊ ಬನ್ಯಾಯಾ ಅವರು ಮೊದಲ ತಿರುವಿನಲ್ಲಿ ಬೆಝೆಕಿ ಅವರನ್ನು ಹಿಂದಿಕ್ಕುವಲ್ಲಿ ಯಶಸ್ವಿಯಾದರು.</p>.<p>ಆದರೆ ಅಲ್ಪ ಸಮಯದಲ್ಲೇ ಬೆಝೆಕಿ ಮತ್ತೆ ಮುನ್ನಡೆ ತಮ್ಮದಾಗಿಸಿಕೊಂಡರು. ಮೊದಲು ಬನ್ಯಾಯಾ ಅವರನ್ನು ಹಿಂದಿಕ್ಕಿದರೆ, ನಾಲ್ಕನೇ ತಿರುವಿನಲ್ಲಿ ಮಾರ್ಟಿನ್ ಅವರನ್ನೂ ಹಿಂದಕ್ಕೆ ತಳ್ಳಿದರು. ನಾಲ್ಕನೇ ತಿರುವಿನಲ್ಲಿ ಬೈಕ್, ಟ್ರ್ಯಾಕ್ನಿಂದ ಹೊರಕ್ಕೆ ಜಾರಿದ್ದು ಮಾರ್ಟಿನ್ಗೆ ಹಿನ್ನಡೆ ಉಂಟುಮಾಡಿತು.</p>.<p>ಒಮ್ಮೆ ಮುನ್ನಡೆ ಪಡೆದುಕೊಂಡ ಬಳಿಕ ಬೆಝೆಕಿ, ಕೊನೆಯವರೆಗೂ ಕಾಪಾಡಿಕೊಂಡರು. ಇತರ ಸ್ಪರ್ಧಿಗಳು ಗುರಿ ಮುಟ್ಟುವ ಎಂಟು ಸೆಕೆಂಡುಗಳಿಗೆ ಮುಂಚಿತವಾಗಿ ಸ್ಪರ್ಧೆ ಕೊನೆಗೊಳಿಸಿದರು. ಅವರು 36 ನಿ.59.157 ಸೆ.ಗಳಲ್ಲಿ ರೇಸ್ ಪೂರ್ಣಗೊಳಿಸಿದರು. ಈ ಋತುವಿನಲ್ಲಿ ಬೆಝೆಕಿ ಗೆದ್ದ ಮೂರನೇ ರೇಸ್ ಇದು.</p>.<p>ಎಂಟು ಬಾರಿಯ ವಿಶ್ವ ಚಾಂಪಿಯನ್ ಮಾರ್ಕ್ ಮಾರ್ಕ್ವೆಜ್ ಅವರು ಒಂಬತ್ತನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು.</p>.<p>12 ಲ್ಯಾಪ್ಗಳನ್ನೊಳಗೊಂಡ ಮೋಟೊ2 ರೇಸ್ನಲ್ಲಿ ಪೆಡ್ರೊ ಅಕೋಸ್ಟಾ ಅವರು ಚಾಂಪಿಯನ್ ಆದರು. ಟೋನಿ ಅರ್ಬೊಲಿನೊ ಮತ್ತು ಜೋ ರಾಬರ್ಟ್ಸ್ ಅವರು ಕ್ರಮವಾಗಿ ಎರಡು ಹಾಗೂ ಮೂರನೇ ಸ್ಥಾನ ಗಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ):</strong> ಇಟಲಿಯ ಮಾರ್ಕೊ ಬೆಝೆಕಿ ಅವರು ಭಾನುವಾರ ನಡೆದ ಚೊಚ್ಚಲ ಇಂಡಿಯನ್ ಗ್ರ್ಯಾನ್ಪ್ರಿ ಮೋಟೊಜಿಪಿ ರೇಸ್ ಗೆದ್ದುಕೊಂಡರು.</p>.<p>ಬುದ್ಧ ಇಂಟರ್ನ್ಯಾಷನಲ್ ಸರ್ಕಿಟ್ನಲ್ಲಿ ನಡೆದ ರೇಸ್ನಲ್ಲಿ ‘ಪೋಲ್ ಪೊಸಿಷನ್’ನಿಂದ ಸ್ಪರ್ಧೆ ಆರಂಭಿಸಿದ್ದ ‘ವಿಆರ್46’ ರೇಸಿಂಗ್ ತಂಡದ ಬೆಝೆಕಿ ಆರಂಭದಲ್ಲಿ ಹಿನ್ನಡೆ ಅನುಭವಿಸಿದರೂ, ಬಳಿಕ ಲಯ ಕಂಡುಕೊಂಡು ಮೊದಲಿಗರಾಗಿ ಗುರಿ ತಲುಪಿದರು.</p>.<p>ಡುಕಾಟಿ ಪ್ರಮ್ಯಾಕ್ ತಂಡದ ರೈಡರ್ ಸ್ಪೇನ್ನ ಜಾರ್ಜ್ ಮಾರ್ಟಿನ್ ಎರಡನೇ ಸ್ಥಾನ ಪಡೆದರೆ, ಯಮಾಹ ತಂಡದ ರೈಡರ್ ಫ್ರಾನ್ಸ್ನ ಫ್ಯಾಬಿಯೊ ಕ್ವಾರ್ಟರಾರೊ ಮೂರನೆಯವರಾದರು.</p>.<p>ಮಾರ್ಟಿನ್ ಮತ್ತು ವಿಶ್ವ ಚಾಂಪಿಯನ್ ಅಗಿರುವ ಇಟಲಿಯ ರೈಡರ್ ಫ್ರಾನ್ಸೆಸ್ಕೊ ಬನ್ಯಾಯಾ ಅವರು ಮೊದಲ ತಿರುವಿನಲ್ಲಿ ಬೆಝೆಕಿ ಅವರನ್ನು ಹಿಂದಿಕ್ಕುವಲ್ಲಿ ಯಶಸ್ವಿಯಾದರು.</p>.<p>ಆದರೆ ಅಲ್ಪ ಸಮಯದಲ್ಲೇ ಬೆಝೆಕಿ ಮತ್ತೆ ಮುನ್ನಡೆ ತಮ್ಮದಾಗಿಸಿಕೊಂಡರು. ಮೊದಲು ಬನ್ಯಾಯಾ ಅವರನ್ನು ಹಿಂದಿಕ್ಕಿದರೆ, ನಾಲ್ಕನೇ ತಿರುವಿನಲ್ಲಿ ಮಾರ್ಟಿನ್ ಅವರನ್ನೂ ಹಿಂದಕ್ಕೆ ತಳ್ಳಿದರು. ನಾಲ್ಕನೇ ತಿರುವಿನಲ್ಲಿ ಬೈಕ್, ಟ್ರ್ಯಾಕ್ನಿಂದ ಹೊರಕ್ಕೆ ಜಾರಿದ್ದು ಮಾರ್ಟಿನ್ಗೆ ಹಿನ್ನಡೆ ಉಂಟುಮಾಡಿತು.</p>.<p>ಒಮ್ಮೆ ಮುನ್ನಡೆ ಪಡೆದುಕೊಂಡ ಬಳಿಕ ಬೆಝೆಕಿ, ಕೊನೆಯವರೆಗೂ ಕಾಪಾಡಿಕೊಂಡರು. ಇತರ ಸ್ಪರ್ಧಿಗಳು ಗುರಿ ಮುಟ್ಟುವ ಎಂಟು ಸೆಕೆಂಡುಗಳಿಗೆ ಮುಂಚಿತವಾಗಿ ಸ್ಪರ್ಧೆ ಕೊನೆಗೊಳಿಸಿದರು. ಅವರು 36 ನಿ.59.157 ಸೆ.ಗಳಲ್ಲಿ ರೇಸ್ ಪೂರ್ಣಗೊಳಿಸಿದರು. ಈ ಋತುವಿನಲ್ಲಿ ಬೆಝೆಕಿ ಗೆದ್ದ ಮೂರನೇ ರೇಸ್ ಇದು.</p>.<p>ಎಂಟು ಬಾರಿಯ ವಿಶ್ವ ಚಾಂಪಿಯನ್ ಮಾರ್ಕ್ ಮಾರ್ಕ್ವೆಜ್ ಅವರು ಒಂಬತ್ತನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು.</p>.<p>12 ಲ್ಯಾಪ್ಗಳನ್ನೊಳಗೊಂಡ ಮೋಟೊ2 ರೇಸ್ನಲ್ಲಿ ಪೆಡ್ರೊ ಅಕೋಸ್ಟಾ ಅವರು ಚಾಂಪಿಯನ್ ಆದರು. ಟೋನಿ ಅರ್ಬೊಲಿನೊ ಮತ್ತು ಜೋ ರಾಬರ್ಟ್ಸ್ ಅವರು ಕ್ರಮವಾಗಿ ಎರಡು ಹಾಗೂ ಮೂರನೇ ಸ್ಥಾನ ಗಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
