ಕುಷ್ಟಗಿ: ಟೀಕಾರಾಯರ ಆರಾಧನೆ, ರಥೋತ್ಸವ

7
ಮೂರು ದಿನಗಳ ಮಹೋತ್ಸವಕ್ಕೆ ತೆರೆ

ಕುಷ್ಟಗಿ: ಟೀಕಾರಾಯರ ಆರಾಧನೆ, ರಥೋತ್ಸವ

Published:
Updated:
Deccan Herald

ಕುಷ್ಟಗಿ: ಟೀಕಾರಾಯರು ಎಂದೆ ಖ್ಯಾತನಾಮರಾದ ಜಯತೀರ್ಥ ಯತಿಗಳ ಆರಾಧನಾ ಮಹೋತ್ಸವ ಪಟ್ಟಣದ ರಾಘವೇಂದ್ರಸ್ವಾಮಿ ಮಠದಲ್ಲಿ ಮೂರು ದಿನ ಶ್ರದ್ಧೆ ಭಕ್ತಿಯಿಂದ ನೆರವೇರಿತು.

ಉತ್ತರಾರಾಧನೆ ನಿಮಿತ್ತ ಶುಕ್ರವಾರ ರಥೋತ್ಸವ ನಡೆಯಿತು. ಮಧ್ವಾಚಾರ್ಯರ ಗ್ರಂಥಗಳಿಗೆ ಟೀಕಾರಾಯರು ಬರೆದ ವ್ಯಾಖ್ಯಾನಗಳನ್ನು ಒಳಗೊಂಡ ಸರ್ವಮೂಲ ಗ್ರಂಥಗಳನ್ನು ಪ್ರದರ್ಶಿಸಲಾಯಿತು. ಅರ್ಚಕರಾದ ಪ್ರಹ್ಲಾದಾಚಾರ್ಯ ಜೋಷಿ, ವಾದಿರಾಜ ಆಚಾರ, ಅಡಿವ್ಯಾಚಾರ ಚಳಗೇರಿ ನೇತೃತ್ವದಲ್ಲಿ ಆರಾಧನಾ ಮಹೋತ್ಸವದ ಧಾರ್ಮಿಕ ಕಾರ್ಯಕ್ರಮಗಳು ನಡೆದವು. ಗುರುರಾಜ, ರಮಾ ಮತ್ತು ಅಡವಿ ಮುಖ್ಯಪ್ರಾಣೇಶ ಭಜನಾ ಮಂಡಳಿ ಸದಸ್ಯರು ಟೀಕಾರಾಯರ ಕೀರ್ತನೆಗಳನ್ನು ಪ್ರಸ್ತುತಪಡಿಸುವ ಮೂಲಕ ರಥೋತ್ಸವಕ್ಕೆ ಮೆರಗು ತಂದರು.

ಪೂರ್ವಾರಾಧನೆ, ಮಧ್ಯಾರಾಧನೆ ಮತ್ತು ಉತ್ತರಾರಾಧನೆ ಸಂದರ್ಭದಲ್ಲಿ ಜಯತೀರ್ಥರ ಮತ್ತು ರಾಘವೇಂದ್ರ ಸ್ವಾಮಿಗಳ ವೃಂದಾವನಗಳನ್ನು ವಿಶೇಷವಾಗಿ ಅಲಂಕರಿಸಲಾಗಿತ್ತು. ಪ್ರತಿದಿನ ಸುಪ್ರಭಾತ, ಅಷ್ಟೋತ್ತರ, ಪಂಚಾಮೃತ ಅಭಿಷೇಕ, ಅಲಂಕಾರ, ಭಜನೆ, ಪಲ್ಲಕ್ಕಿ ಉತ್ಸವ, ಮಹಾ ಮಂಗಳಾರತಿ ಮೊದಲಾದ ಕಾರ್ಯಕ್ರಮಗಳು ನಡೆದವು. ಗುರುವಾರ ಪ್ರಹ್ಲಾದಾಚಾರ ಪೂಜಾರ ಮತ್ತು ಶುಕ್ರವಾರ ಸತ್ಯನಾರಾಯಣಾಚಾರ್ಯ ಬಳ್ಳಾರಿ ಅವರಿಂದ ಟೀಕಾರಾಯರ ಚರಿತ್ರೆ ಕುರಿತು ವಿಶೇಷ ಉಪನ್ಯಾಸ ನಡೆಯಿತು.

ಆರಾಧನೆ ಕಾರ್ಯಕ್ರಮಗಳಲ್ಲಿ ಬ್ರಾಹ್ಮಣ ಸಮುದಾಯದ ಪ್ರಮುಖರಾದ ತಿಮ್ಮಪ್ಪಯ್ಯ ದೇಸಾಯಿ, ತಮ್ಮಣ್ಣಾಚಾರ ದಿಗ್ಗಾವಿ, ಅಡವಿರಾವ ತಿಕೋಟಿಕ್, ಪ್ರಹ್ಲಾದಾಚಾರ ಸೌದಿ, ಪ್ರಹ್ಲಾದಾಚಾರ ಹಂಜಕ್ಕಿ, ಶ್ರೀನಿವಾಸ ಜೋಷಿ, ಹನುಮೇಶ ಡಬೇರ, ಭೀಮಸೇನ ಹಂಜಕ್ಕಿ, ಗೋಪಾಲಾಚಾರ ಆಚಾರ, ಹನುಮೇಶ ಆಚಾರ ವಜ್ರಬಂಡಿ, ಜಯತೀರ್ಥ ಸೌದಿ, ವಿಜಯರಾವ ಟಕ್ಕಳಕಿ, ಕೃಷ್ಣ ಆಶ್ರೀತ್, ಕೃಷ್ಟಾಚಾರ ಪುರೋಹಿತ, ಕೃಷ್ಣಕುಮಾರ ಕಂದಕೂರು, ಅಡಿವ್ಯಾಚಾರ ಬನ್ನಿಗೋಳ, ಹನುಮಂತಾಚಾರ.ಬಿ.ಮಠದ, ಅರವಿಂದಕುಮಾರ ದೇಸಾಯಿ, ಶ್ರೀಹರಿ ಆಶ್ರೀತ, ಹನುಮಂತರಾವ ಗುಮಗೇರಿ, ರಾಮರಾವ ದೇಸಾಯಿ, ರಾಜು ಗಂಗನಾಳ, ರವಿ ಆಚಾರ, ಸಮೀರ ಹಳ್ಳೂರು, ಬಿಂದುಮಾಧವ ಜೋಷಿ, ಶ್ರೀಕಾಂತ ಕುಲಕರ್ಣಿ, ರಾಘವೇಂದ್ರ ಜೋಷಿ ಪಾಲ್ಗೊಂಡಿದ್ದರು.

 

 

 

 

 

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !