ಶ್ರೀರಂಗಪಟ್ಟಣ | ಚಾಮುಂಡೇಶ್ವರಿ ದೇಗುಲದಲ್ಲಿ ಗಮನ ಸೆಳೆದ ನೋಟುಗಳ ಅಲಂಕಾರ

ದೇವಿಯ ಪೀಠ, ಗರ್ಭಗುಡಿಯ ಎಡ ಬದಿ ಮತ್ತು ಬಲ ಬದಿಯಲ್ಲಿ ₹10, ₹20, ₹50, ₹100, ₹200 ಹಾಗೂ ₹500 ಮುಖ ಬೆಲೆಯ ನೋಟುಗಳು ರಾರಾಜಿಸಿದವು. ಸಂದೇಶ್ ಕಲಾವಿದ ಅವರ ನೇತೃತ್ವದ 10 ಜನರ ತಂಡ ಗುರುವಾರ ರಾತ್ರಿ 10 ಗಂಟೆಯಿಂದ ಶುಕ್ರವಾರ ಮುಂಜಾನೆ 6 ಗಂಟೆವರೆಗೂ ನೋಟುಗಳನ್ನು ಜೋಡಿಸಿತು.

ದೇವಾಲಯದಲ್ಲಿ ನಸುಕಿನಿಂದಲೇ ಪೂಜೆಗಳು ಆರಂಭವಾದವು. ಪ್ರಧಾನ ಅರ್ಚಕ ಕೆ.ಎಸ್‌. ಲಕ್ಷ್ಮೀಶ ಶರ್ಮಾ ನೇತೃತ್ವದಲ್ಲಿ ಪಂಚಾಮೃತ ಅಭಿಷೇಕ, ಅರ್ಚನೆ, ಸಪ್ತಸತಿ ಪಾರಾಯಣ, ಲಕ್ಷ್ಮೀ ಸಹಸ್ರ ನಾಮ, ಮಹಾ ಮಂಗಳಾರತಿ ನಡೆಯಿತು. ಆಸುಪಾಸಿನ ಗ್ರಾಮಗಳ ಭಕ್ತರು ದರ್ಶನ ಪಡೆದರು.