ಮಂಡ್ಯ: ಗುರುವಾರ 209 ಮಂದಿಗೆ ಕೋವಿಡ್‌–19 ದೃಢಪಟ್ಟಿದ್ದು ಜಿಲ್ಲೆಯ ಒಟ್ಟು ಸೋಂಕಿತರ ಸಂಖ್ಯೆ 12,812ಕ್ಕೆ ಹೆಚ್ಚಳವಾಗಿದೆ. ಇಬ್ಬರು ಮೃತಪಟ್ಟಿದ್ದು ಕೋವಿಡ್‌ನಿಂದ ಸಾವಿಗೀಡಾದವರ ಸಂಖ್ಯೆ 117ಕ್ಕೆ ಏರಿಕೆಯಾಗಿದೆ.
ಮದ್ದೂರು ತಾಲ್ಲೂಕಿನ 63 ವರ್ಷದ ಮಹಿಳೆ, ಮಂಡ್ಯ ತಾಲ್ಲೂಕಿನ 78 ವರ್ಷದ ವೃದ್ಧ ಸಾವಿಗೀಡಾಗಿದ್ದಾರೆ. ಮಂಡ್ಯ ತಾಲ್ಲೂಕಿನ 62, ಪಾಂಡವಪುರ 35, ಶ್ರೀರಂಗಪಟ್ಟಣ 29, ಕೆ.ಆರ್‌.ಪೇಟೆ 26, ಮಳವಳ್ಳಿ 22, ಮದ್ದೂರು 19, ನಾಗಮಂಗಲ ತಾಲ್ಲೂಕಿನ 15 ಮಂದಿಗೆ ಗುರುವಾರ ಸೋಂಕು ಪತ್ತೆಯಾಗಿದೆ.
ಒಟ್ಟು ರೋಗಿಗಳಲ್ಲಿ ಗುರುವಾರ ವಿವಿಧ ಕೋವಿಡ್‌ ಕೇರ್‌ ಕೇಂದ್ರಗಳಿಂದ 263 ಮಂದಿಯನ್ನು ಬಿಡುಗಡೆ ಮಾಡಲಾಗಿದೆ. ಒಟ್ಟು 10, 950 ಮಂದಿ ಗುಣಮುಖರಾಗಿದ್ದು 1,744 ಪ್ರಕರಣಗಳು ಸಕ್ರಿಯವಾಗಿವೆ.
ಜಿಲ್ಲೆಯಲ್ಲಿ ಇಲ್ಲಿಯವರೆಗೂ 1,42,278 ಮಂದಿಗೆ ಕೋವಿಡ್‌ ಪರೀಕ್ಷೆ ನಡೆಸಲಾಗಿದೆ. ಒಟ್ಟು ರೋಗಿಗಳಲ್ಲಿ 872 ಮಂದಿ ಮನೆಯಲ್ಲೇ ಪ್ರತ್ಯೇವಾಗಿ ಚಿಕಿತ್ಸೆ ಪಡೆಯುತ್ತಿದ್ಧಾರೆ. 251 ಮಂದಿ ವಿವಿಧ ಕೋವಿಡ್‌ ಕೇರ್‌ ಕೇಂದ್ರಗಳಲ್ಲಿದ್ದರೆ 138 ಮಂದಿ ಖಾಸಗಿ ಆಸ್ಪತ್ರೆಗಳಿಗೆ ದಾಖಲಾಗಿದ್ಧಾರೆ.
