<p><strong>ಮಂಡ್ಯ:</strong>ಕಾಳಿ ಅವತಾರದ ಪಾತ್ರದಲ್ಲಿ ಪರಕಾಯ ಪ್ರವೇಶ ಮಾಡಿದ್ದ ಕಲಾವಿದೆಯೊಬ್ಬರು ಸಹಪಾತ್ರದಾರಿಗೆ ತ್ರಿಶೂಲದಿಂದ ನಿಜವಾಗಿ ತಿವಿಯಲು ಮುಂದಾಗುವ ದೃಶ್ಯ ಕಳೆದೆರಡು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.</p>.<p>ನಗರದ ನಾಲ್ವಡಿ ಕೃಷ್ಣರಾಜ ಒಡೆಯರ್ ಕಲಾಮಂದಿರಲ್ಲಿ ಫೆ.4ರಂದು ನಡೆದ ‘ಕೌಂಡಲೀಕನ ವಧೆ’ ಪೌರಾಣಿಕ ನಾಟಕದಲ್ಲಿ ಈ ಘಟನೆ ನಡೆದಿದೆ. ಕಲಾವಿದೆ ಶ್ವೇತಾ ಅವರು ತಮ್ಮ ಪತಿ, ಕಲಾವಿದ ದಿವಂಗತ ಸಿ.ರವಿಕುಮಾರ್ ಅವರ ಸ್ಮರಣೆಯಲ್ಲಿ 12 ದಿನಗಳ ನಾಟಕೋತ್ಸವ ಆಚರಿಸಿದ್ದರು.</p>.<p>ರಾಮನಗರದ ಕಲಾವಿದರು ಕೌಂಡಲೀಕನ ವಧೆ ನಾಟಕ ಪ್ರದರ್ಶನ ನೀಡಿದ್ದರು. ಮಹಿಳಾ ಪಾತ್ರಗಳಿಗೆ ಹೊರಗಿನಿಂದ ಕಲಾವಿದರನ್ನು ಆಹ್ವಾನಿಸಿದ್ದರು. ಪ್ರೌಪದಿ ಪಾತ್ರದಲ್ಲಿ ಬೆಂಗಳೂರಿನ ದೊಡ್ಡಶ್ರುತಿ ಅಭಿನಯಿಸಿದ್ದರು. ಪ್ರೌಪದಿ ಕಾಳಿ ಅವತಾರ ತಾಳಿ ಕೌಂಡಲೀಕನನ್ನು ಸಂಹಾರ ಮಾಡುತ್ತಾಳೆ. ಈ ದೃಶ್ಯದಲ್ಲಿ ಅಭಿನಯಿಸುವಾಗ ಕಲಾವಿದೆ ದೊಡ್ಡಶ್ರುತಿ ಅವರು ಕ್ರೋದದಿಂದ ಕುದಿಯುತ್ತಿದ್ದರು.</p>.<p>ಸಂಹಾರ ದೃಶ್ಯದಲ್ಲಿ ಕೌಂಡಲೀಕ ಪಾತ್ರಧಾರಿ ನೆಲಕ್ಕೆ ಬಿದ್ದರೂ ಬಿಡದ ಕಾಳಿ ಪಾತ್ರದಾರಿ ತ್ರಿಶೂಲದಿಂದ ನಿಜವಾಗಿಯೂ ತಿವಿಯಲು ಬರುತ್ತಾರೆ. ಇದನ್ನು ಗಮನಿಸಿದ ಸಹಕಲಾವಿದರು, ಜನರು ಅವರನ್ನು ಹಿಡಿದು ಸೈಡ್ವಿಂಗ್ನತ್ತ ಕರೆದೊಯ್ಯುತ್ತಾರೆ. ಅವರನ್ನು ಸಂತೈಸುತ್ತಿದ್ದರೂ ಕಲಾವಿದೆಯ ಕ್ರೋದ ತಣ್ಣಗಾಗಿರಲಿಲ್ಲ.</p>.<p>ಈ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಗಿದೆ. ದೊಡ್ಡಶ್ರುತಿ ಅವರ ಮೇಲೆ ಸಾಕ್ಷಾತ್ ಕಾಳಿಯೇ ಪ್ರವೇಶಿಸಿದ್ದಾಳೆ ಎಂದು ಕೆಲವರು ಸಂದೇಶ ಹಾಕಿದ್ದಾರೆ.</p>.<p>‘ಯಾರೇ ಈ ಪಾತ್ರ ಮಾಡಿದರೂ ಹೀಗಾಗುವುದು ಸಹಜ, ಇದರಲ್ಲಿ ಆಶ್ಚರ್ಯ ಪಡುವುದು ಏನೂ ಇಲ್ಲ. ದೊಡ್ಡಶ್ರುತಿ ಉತ್ತಮ ಕಲಾವಿದೆ, ಮಗನ ಆನಾರೋಗ್ಯದಿಂದಾಗಿ ಕಷ್ಟದಲ್ಲಿದ್ದಾರೆ. ಅವರ ಬಗ್ಗೆ ಯಾರೂ ಕೆಟ್ಟದಾಗಿ ಮಾತನಾಡಬಾರದು’ ಎಂದು ನಾಟಕ ಸಂಘಟಕಿ ಶ್ವೇತಾ ಮನವಿ ಮಾಡಿದರು.</p>.<p>‘ಒಂದು ಕ್ಷಣ ಏನಾಗುತ್ತಿದೆ ಎಂಬುದೇ ತಿಳಿಯಲಿಲ್ಲ. ಜಾಲತಾಣಗಳಲ್ಲಿ ಕೆಲವರು ಕೆಟ್ಟದಾಗಿ ಸಂದೇಶ ಹಾಕುತ್ತಿದ್ದಾರೆ. ಮಗನ ಭವಿಷ್ಯದ ದೃಷ್ಟಿಯಿಂದ ಇನ್ನುಮುಂದೆ ಆ ಪಾತ್ರ ಮಾಡದಿರಲು ನಿರ್ಧರಿಸಿದ್ದೇನೆ’ ಎಂದು ಕಲಾವಿದೆ ದೊಡ್ಡಶ್ರುತಿ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಂಡ್ಯ:</strong>ಕಾಳಿ ಅವತಾರದ ಪಾತ್ರದಲ್ಲಿ ಪರಕಾಯ ಪ್ರವೇಶ ಮಾಡಿದ್ದ ಕಲಾವಿದೆಯೊಬ್ಬರು ಸಹಪಾತ್ರದಾರಿಗೆ ತ್ರಿಶೂಲದಿಂದ ನಿಜವಾಗಿ ತಿವಿಯಲು ಮುಂದಾಗುವ ದೃಶ್ಯ ಕಳೆದೆರಡು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.</p>.<p>ನಗರದ ನಾಲ್ವಡಿ ಕೃಷ್ಣರಾಜ ಒಡೆಯರ್ ಕಲಾಮಂದಿರಲ್ಲಿ ಫೆ.4ರಂದು ನಡೆದ ‘ಕೌಂಡಲೀಕನ ವಧೆ’ ಪೌರಾಣಿಕ ನಾಟಕದಲ್ಲಿ ಈ ಘಟನೆ ನಡೆದಿದೆ. ಕಲಾವಿದೆ ಶ್ವೇತಾ ಅವರು ತಮ್ಮ ಪತಿ, ಕಲಾವಿದ ದಿವಂಗತ ಸಿ.ರವಿಕುಮಾರ್ ಅವರ ಸ್ಮರಣೆಯಲ್ಲಿ 12 ದಿನಗಳ ನಾಟಕೋತ್ಸವ ಆಚರಿಸಿದ್ದರು.</p>.<p>ರಾಮನಗರದ ಕಲಾವಿದರು ಕೌಂಡಲೀಕನ ವಧೆ ನಾಟಕ ಪ್ರದರ್ಶನ ನೀಡಿದ್ದರು. ಮಹಿಳಾ ಪಾತ್ರಗಳಿಗೆ ಹೊರಗಿನಿಂದ ಕಲಾವಿದರನ್ನು ಆಹ್ವಾನಿಸಿದ್ದರು. ಪ್ರೌಪದಿ ಪಾತ್ರದಲ್ಲಿ ಬೆಂಗಳೂರಿನ ದೊಡ್ಡಶ್ರುತಿ ಅಭಿನಯಿಸಿದ್ದರು. ಪ್ರೌಪದಿ ಕಾಳಿ ಅವತಾರ ತಾಳಿ ಕೌಂಡಲೀಕನನ್ನು ಸಂಹಾರ ಮಾಡುತ್ತಾಳೆ. ಈ ದೃಶ್ಯದಲ್ಲಿ ಅಭಿನಯಿಸುವಾಗ ಕಲಾವಿದೆ ದೊಡ್ಡಶ್ರುತಿ ಅವರು ಕ್ರೋದದಿಂದ ಕುದಿಯುತ್ತಿದ್ದರು.</p>.<p>ಸಂಹಾರ ದೃಶ್ಯದಲ್ಲಿ ಕೌಂಡಲೀಕ ಪಾತ್ರಧಾರಿ ನೆಲಕ್ಕೆ ಬಿದ್ದರೂ ಬಿಡದ ಕಾಳಿ ಪಾತ್ರದಾರಿ ತ್ರಿಶೂಲದಿಂದ ನಿಜವಾಗಿಯೂ ತಿವಿಯಲು ಬರುತ್ತಾರೆ. ಇದನ್ನು ಗಮನಿಸಿದ ಸಹಕಲಾವಿದರು, ಜನರು ಅವರನ್ನು ಹಿಡಿದು ಸೈಡ್ವಿಂಗ್ನತ್ತ ಕರೆದೊಯ್ಯುತ್ತಾರೆ. ಅವರನ್ನು ಸಂತೈಸುತ್ತಿದ್ದರೂ ಕಲಾವಿದೆಯ ಕ್ರೋದ ತಣ್ಣಗಾಗಿರಲಿಲ್ಲ.</p>.<p>ಈ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಗಿದೆ. ದೊಡ್ಡಶ್ರುತಿ ಅವರ ಮೇಲೆ ಸಾಕ್ಷಾತ್ ಕಾಳಿಯೇ ಪ್ರವೇಶಿಸಿದ್ದಾಳೆ ಎಂದು ಕೆಲವರು ಸಂದೇಶ ಹಾಕಿದ್ದಾರೆ.</p>.<p>‘ಯಾರೇ ಈ ಪಾತ್ರ ಮಾಡಿದರೂ ಹೀಗಾಗುವುದು ಸಹಜ, ಇದರಲ್ಲಿ ಆಶ್ಚರ್ಯ ಪಡುವುದು ಏನೂ ಇಲ್ಲ. ದೊಡ್ಡಶ್ರುತಿ ಉತ್ತಮ ಕಲಾವಿದೆ, ಮಗನ ಆನಾರೋಗ್ಯದಿಂದಾಗಿ ಕಷ್ಟದಲ್ಲಿದ್ದಾರೆ. ಅವರ ಬಗ್ಗೆ ಯಾರೂ ಕೆಟ್ಟದಾಗಿ ಮಾತನಾಡಬಾರದು’ ಎಂದು ನಾಟಕ ಸಂಘಟಕಿ ಶ್ವೇತಾ ಮನವಿ ಮಾಡಿದರು.</p>.<p>‘ಒಂದು ಕ್ಷಣ ಏನಾಗುತ್ತಿದೆ ಎಂಬುದೇ ತಿಳಿಯಲಿಲ್ಲ. ಜಾಲತಾಣಗಳಲ್ಲಿ ಕೆಲವರು ಕೆಟ್ಟದಾಗಿ ಸಂದೇಶ ಹಾಕುತ್ತಿದ್ದಾರೆ. ಮಗನ ಭವಿಷ್ಯದ ದೃಷ್ಟಿಯಿಂದ ಇನ್ನುಮುಂದೆ ಆ ಪಾತ್ರ ಮಾಡದಿರಲು ನಿರ್ಧರಿಸಿದ್ದೇನೆ’ ಎಂದು ಕಲಾವಿದೆ ದೊಡ್ಡಶ್ರುತಿ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
