ಕೊಳದ ಮೆಟ್ಟಿಲುಗಳ ಮೇಲೆ ಸಂಗ್ರಹವಾಗಿದ್ದ ಕೆಸರನ್ನು ಬಾಚಿ ತೆಗೆದರು. ಕುಡುಗೋಲು, ಕೊಡಲಿ, ಹಾರೆ, ಗುದ್ದಲಿ ಹಿಡಿದು ಕೊಳಕ್ಕೆ ಕಾಯಕಲ್ಪ ನೀಡಿದರು. ಕೊಳಕ್ಕೆ ಸಿಡಿಎಸ್ ನಾಲೆ ಏರಿಯಿಂದ ಇದ್ದ ಸಂಪರ್ಕ ರಸ್ತೆಯನ್ನು ದುರಸ್ತಿ ಮಾಡಿದರು. ಪ್ರವೇಶ ದ್ವಾರದಲ್ಲಿ ಇದ್ದ ಕಳೆ ಗಿಡಗಳನ್ನು ತೆಗೆದರು. ಕೊಳದ ಸುತ್ತ ಕಲ್ಲುಗಳಿಂದ ಆಸನಗಳನ್ನು ಜೋಡಿಸಿ ವಿಶೇಷ ರೂಪ ನೀಡಿದರು. ಸ್ವಚ್ಛತೆಯ ಮೂಲಕ ಕೊಳ ಮತ್ತು ಅದರಲ್ಲಿದ್ದ ನೀರು ಫಳಫಳ ಹೊಳೆಯುವಂತೆ ಮಾಡಿದರು.