ಮಂಡ್ಯ | ಟಿವಿ, ಬೆಡ್‌ಕವರ್‌ ಖರೀದಿಯಲ್ಲಿ ಅವ್ಯವಹಾರ: ಲಕ್ಷಾಂತರ ರೂಪಾಯಿ ಗುಳುಂ

ತಾಲ್ಲೂಕಿನ ವಿದ್ಯಾರ್ಥಿನಿಲಯಗಳಿಗೆ ತಲಾ ₹93440 ದರದಂತೆ ಒಟ್ಟು ₹7.47 ಲಕ್ಷ ಭರಿಸಿ 8 ಟಿ.ವಿ.ಗಳನ್ನು ಖರೀದಿ ಮಾಡಲಾಗಿದೆ. ಆದರೆ 43 ಇಂಚಿನ ಎಲ್‌ಇಡಿ ಟಿ.ವಿ.ಯ ಮಾರುಕಟ್ಟೆ ದರ ₹47999 ಇದೆ. ಅಂದರೆ ಮಾರುಕಟ್ಟೆ ದರಕ್ಕಿಂತ ₹3.63 ಲಕ್ಷ ಮೊತ್ತವನ್ನು ಟಿ.ವಿ ಸಂಸ್ಥೆಗಳ ಜೊತೆ ಭಾಗಿಯಾಗಿ ಹಣ ದುರುಪಯೋಗಪಡಿಸಿಕೊಂಡಿದ್ದಾರೆ ಎಂದು ತನಿಖಾ ವರದಿಯಲ್ಲಿ ನಮೂದಿಸಲಾಗಿದೆ. 

ಮಂಡ್ಯ ತಾಲ್ಲೂಕು ವ್ಯಾಪ್ತಿಯ 3 ವಿದ್ಯಾರ್ಥಿ ನಿಲಯಗಳಲ್ಲಿ ಈಗಾಗಲೇ ವಾಟರ್‌ ಪ್ಯೂರಿಫೈಯರ್‌ ಇದ್ದರೂ ಅನಗತ್ಯವಾಗಿ 3 ಉಪಕರಣಗಳನ್ನು ಡಿ.ಸಿ. ಬಿಲ್ಲುಗಳ ಮೂಲಕ ಖಜಾನೆಯಿಂದ ನಿಯಮ ಬಾಹಿರವಾಗಿ ₹4.43 ಲಕ್ಷ ಹಣ ಸೆಳದಿದ್ದಾರೆ. ಇದರಿಂದ ಸರ್ಕಾರಕ್ಕೆ ಹೆಚ್ಚುವರಿ ಹೊರೆ ಉಂಟು ಮಾಡಿದ್ದಾರೆ ಎಂಬ ಅಂಶವನ್ನು ತನಿಖಾಧಿಕಾರಿ ಎತ್ತಿ ಹಿಡಿದಿದ್ದಾರೆ.