ಮಂಡ್ಯ: ಹಸಿ ಶುಂಠಿ ಬೆಲೆ ದಿನೇ ದಿನೇ ಹೆಚ್ಚಳವಾಗುತ್ತಿದ್ದು ಪ್ರತಿ ಕೆ.ಜಿ ₹ 200ರಂತೆ ಮಾರಾಟವಾಗುತ್ತಿದೆ. ಬೀನ್ಸ್ ಬೆಲೆ ಕೊಂಚ ಇಳಿಕೆಯಾಗಿದ್ದರೂ ₹ 100 ಗಡಿಯಲ್ಲೇ ಇದ್ದು ಗ್ರಾಹಕರಿಗೆ ಹೊರೆಯಾಗಿದೆ. ಟೊಮೆಟೊ ಬೆಲೆ ಕಡಿಮೆಯಾಗಿದೆ.
ಶುಂಠಿ ಬೆಲೆ ಕಳೆದ ವಾರ ₹ 160ರಂತೆ ಮಾರಾಟವಾಗುತ್ತಿತ್ತು. ಈಗ ಪೂರೈಕೆ ಕಡಿಮೆಯಾಗಿದ್ದು ಬೆಲೆ ಮತ್ತಷ್ಟು ಏರಿಕೆ ಕಂಡಿದೆ. ಬೆಲೆ ಏರಿಕೆ ಕಾರಣದಿಂದಾಗಿ ಸಣ್ಣ ಪುಟ್ಟ ಅಂಗಡಿಗಳಲ್ಲಿ ಶುಂಠಿ ಮಾರಾಟವನ್ನೇ ನಿಲ್ಲಿಸಲಾಗಿದೆ. ಬಿರು ಬಿಸಿಲಿನ ಕಾರಣದಿಂದಾಗಿ ಶುಂಠಿ ಬೆಲೆಯಲ್ಲಿ ತೀವ್ರವಾಗಿ ಏರಿಕೆ ಕಂಡಿದೆ. ಬೀನ್ಸ್ ಕಳೆದ ವಾರ ₹ 120ಕ್ಕೆ ಮಾರಾಟವಾಗುತ್ತಿತ್ತು. ಈ ವಾರ ಕೊಂಚ ಕಡಿಮೆಯಾಗಿದ್ದು ₹ 100ರಂತೆ ಮಾರಾಟವಾಗುತ್ತಿದೆ.
ಬೀನ್ಸ್ ಜೊತೆಗೆ ಸೊಪ್ಪುಗಳ ಬೆಲೆಯೂ ಏರಿಕೆಯಾಗಿದೆ. ಪ್ರತಿ ಕಟ್ಟು ನಾಟಿ ಕೊತ್ತಂಬರಿ ₹ 30ಕ್ಕೆ ಮಾರಾಟವಾಗುತ್ತಿದೆ. ಮೆಂತೆ ಸೊಪ್ಪಿನ ಬೆಲೆ ತೀವ್ರ ಹೆಚ್ಚಾಗಿದ್ದು ಪ್ರತಿ ಕಟ್ಟಿಗೆ ₹ 60ರಂತೆ ಮಾರಾಟವಾಗುತ್ತಿದೆ. ನುಗ್ಗೆಕಾಯಿ ಬೆಲೆಯೂ ಏರಿಕೆಯಾಗಿದ್ದು ಪ್ರತಿ ಕೆ.ಜಿ ₹ 80ಕ್ಕೆ ಮಾರಾಟವಾಗುತ್ತಿದೆ.
ಉಳಿದಂತೆ ಟೊಮೆಟೊ ₹10, ಸಹಿಗುಂಬಳ, ಸೋರೆಕಾಯಿ, ಮೂಲಂಗಿ, ಎಲೆಕೋಸು ₹20, ಈರೇಕಾಯಿ, ಬೆಂಡೆಕಾಯಿ, ಸಿಹಿಗೆಣಸು, ಆಲೂಗೆಡ್ಡೆ, ಈರುಳ್ಳಿ ₹30, ಬೀಟ್ರೂಟ್ ₹40, ಹೂಕೋಸು ₹50, ಭಜಿಮೆಣಸಿನಕಾಯಿ, ಹಸಿರುಮೆಣಸಿನಕಾಯಿ, ಬದನೆಕಾಯಿ, ಸುವರ್ಣಗೆಡ್ಡೆ, ತೊಂಡೆಕಾಯಿ, ಗೋರಿಕಾಯಿ, ದಪ್ಪಮೆಣಸಿನಕಾಯಿ, ಕ್ಯಾರೆಟ್ ₹60ರಂತೆ ಮಾರಾಟವಾಗುತ್ತಿವೆ.
ಫಾರಂ ಬೀನ್ಸ್ ₹80, ನಾಟಿ ಬೀನ್ಸ್ ₹100, ಹಸಿಬಟಾಣಿ ₹120, ರಾಜ್ಈರುಳ್ಳಿ ₹160, ನಾಟಿಬೆಳ್ಳುಳ್ಳಿ, ಶುಂಠಿ ₹200ರಂತೆ ಪ್ರತಿ ಕೆ.ಜಿಗೆ ಮಾರಾಟವಾಗುತ್ತಿವೆ. ಒಂದು ನಿಂಬೆಹಣ್ಣಿಗೆ ₹6ರಂತೆ ಮಾರಾಟ ಮಾಡಲಾಗುತ್ತಿದೆ.
ಹಣ್ಣುಗಳಲ್ಲಿ ಸೇಬು ₹200, ಕಿವಿಹಣ್ಣು(ಬಾಕ್ಸ್), ಕಲ್ಲಂಗಡಿ ₹25, ಪಚ್ಚಬಾಳೆ, ಪಪ್ಪಾಯ ₹30, ಅನಾನಸ್, ಕರಬೂಜ ₹40, ಏಲಕ್ಕಿಬಾಳೆ ₹50, ಸೀಬೆ ₹60, ಮೂಸಂಬಿ, ಸಪೋಟ ₹80, ಕಂದ್ರಾಕ್ಷಿ ₹120, ಕಿತ್ತಳೆ, ದಪ್ಪದ್ರಾಕ್ಷಿ ₹140, ಕಪ್ಪುದ್ರಾಕ್ಷಿ, ದಾಳಿಂಬೆ ₹160ರಂತೆ ಮಾರಾಟವಾಗುತ್ತಿವೆ.
ಸೊಪ್ಪುಗಳಲ್ಲಿ ಸಬ್ಬಸಿಗೆ, ಮೆಂತೆ, ನಾಟಿ ಕೊತ್ತಂಬರಿ ಸೊಪ್ಪಿನ ಬೆಲೆ ದುಬಾರಿಯಾಗಿದೆ. ಉಳಿದಂತೆ ಕೀರೆ ₹5, ದಂಟು, ಪುದಿನಾ, ಕರಿಬೇವು ₹10, ಕಿಲ್ಕೀರೆ ₹15, ನಾಟಿ ಕೊತ್ತಂಬರಿ ₹ 20, ಚಿಕ್ಕಿಸೊಪ್ಪು ₹30ರಂತೆ ಮಾರಾಟವಾಗುತ್ತಿವೆ.
ಹೂವುಗಳಲ್ಲಿ ಕನಕಾಂಬರ, ಮಲ್ಲಿಗೆ, ಕಾಕಡ ದುಬಾರಿ ಆಗಿದೆ. ಕೆಜಿ ಕೆಂಪು ಚೆಂಡು ಹೂ ₹ 100, ಹಳದಿ ಚೆಂಡುವೂ ₹ 120, ಸುಗಂಧ ರಾಜ ₹100, ಸಣ್ಣಗುಲಾಬಿ, ಕಲ್ಕತ್ತಾ ಮಲ್ಲಿಗೆ ₹150, ಗಣಗಲೆ ₹180, ಬಿಳಿ ಸೇವಂತಿ, ಬಟನ್ಸ್ ₹250, ಸೇವಂತಿಗೆ, ಮರಳೆ ₹500, ಕಾಕಡ ₹600, ಮಲ್ಲಿಗೆ ₹650, ಕನಕಾಂಬರ ₹800ರಂತೆ ಮಾರಾಟವಾಗುತ್ತಿವೆ.
ಮಾರು ತುಳಸಿ ₹30, ಕೆಂಪು ಚೆಂಡುಹೂ ₹30, ಹಳದಿ ಚೆಂಡು ಹೂ ₹40, ಕಾಕಡ, ಮರಳೆ ₹50, ಕನಕಾಂಬರ ₹60, ಬಟನ್ಸ್ ₹70, ಸೇವಂತಿಗೆ ₹80, ಬಿಳಿ ಸೇವಂತಿಗೆ ₹100, ಮಲ್ಲಿಗೆ ₹100ರಂತೆ ಮಾರಾಟವಾಗುತ್ತಿವೆ.
ನಾಟಿ ಬೀನ್ಸ್; 100
ನುಗ್ಗೇಕಾಯಿ; 80
ಹಸಿರು ಮೆಣಸಿನಕಾಯಿ; 60
ಕ್ಯಾರೆಟ್; 60
ಬೀಟರೂಟ್: 60
ಗೆಡ್ಡೆಕೋಸು; 80
ಟೊಮೆಟೊ; 10
ರಾಜ್ ಈರುಳ್ಳಿ; 160
ನಾಟಿ ಬೆಳ್ಳುಳ್ಳಿ; 160
ಸೇಬು; 200
ಕಪ್ಪು ದ್ರಾಕ್ಷಿ; 160
ಸಪೋಟ;80
ಕಿತ್ತಳೆ; 140
ಪಚ್ಚಬಾಳೆ; 30
ಏಲಕ್ಕಿಬಾಳೆ; ₹50
ದಾಳಿಂಬೆ; 160
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.