ಪ್ಯಾರಿಸ್ ದಾಳಿ: ವಿಚಾರಣೆಗೆ ಸಹಕರಿಸಲು ಶಂಕಿತ ನಿರಾಕರಣೆ

2016ರ ಮಾರ್ಚ್‌ನಲ್ಲಿ ಪೊಲೀಸರು ಬಂಧಿಸಿದಾಗಿನಿಂದ ಈತ ತನಿಖಾಧಿಕಾರಿಗಳ ಜತೆ ಮಾತನಾಡಲು ನಿರಾಕರಿಸುತ್ತಿದ್ದಾನೆ.

ನ್ಯಾಯಮೂರ್ತಿ ಮೇರಿ ಫ್ರಾನ್ಸ್ ಕೆಟಜನ್ ಅವರು, ಅಬ್ಡೆಸ್ಲಾಂಗೆ ತನ್ನ ಗುರುತು ದೃಢೀಕರಿಸುವಂತೆ ಸೂಚಿಸಿದಾಗ ‘ಯಾವುದೇ ಪ್ರಶ್ನೆಗಳಿಗೆ ನಾನು ಉತ್ತರಿಸಲು ಬಯಸುವುದಿಲ್ಲ’ ಎಂದು ಹೇಳಿದ್ದಾನೆ.

ಎದ್ದುನಿಲ್ಲುವಂತೆ ನ್ಯಾಯಮೂರ್ತಿ ಸೂಚಿಸಿದ ತಕ್ಷಣ ವಿರೋಧ ವ್ಯಕ್ತಪಡಿಸಿದ ಈತ, ತಾನು ವಿಚಾರಣೆಗೆ ಸಹಕಾರ ನೀಡುವುದಿಲ್ಲ ಎಂದು ಸಂಜ್ಞೆ ಮಾಡಿದ್ದಾನೆ.

ಈತ, 2016ರ ಮಾರ್ಚ್ 15ರಂದು ಬ್ರಸೆಲ್ಸ್‌ನಲ್ಲಿ ನಡೆದ ಗುಂಡಿನ ದಾಳಿಯಲ್ಲಿ ನಿಷೇಧಿತ ಶಸ್ತ್ರಾಸ್ತ್ರಗಳನ್ನು ಬಳಸಿದ ಹಾಗೂ ಪೊಲೀಸ್ ಅಧಿಕಾರಿಗಳನ್ನು ಹತ್ಯೆ ಮಾಡಿದ ಆರೋಪ ಎದುರಿಸುತ್ತಿದ್ದಾನೆ. ಪ್ಯಾರಿಸ್ ದಾಳಿ ನಡೆದ ನಂತರ ನಾಲ್ಕು ತಿಂಗಳ ಬಳಿಕ ಈತ ಈ ಕೃತ್ಯ ಎಸಗಿದ್ದ. ಮೂರು ದಿನಗಳ ಬಳಿಕ ಪೊಲೀಸರು ಈತನನ್ನು ಬಂಧಿಸಿದ್ದರು.