ಕೊರೊನಾ ಸೋಂಕಿತ ವ್ಯಕ್ತಿ ಭೇಟಿ: ಹೆಳವರಹುಂಡಿ ಸೀಲ್‌ಡೌನ್‌

ಮೈಸೂರು: ಮಂಡ್ಯ ಜಿಲ್ಲೆಯ ಕೊರೊನಾ ಸೋಂಕಿತ ವ್ಯಕ್ತಿಯು ಭೇಟಿ ನೀಡಿದ ನಂಜನಗೂಡು ತಾಲ್ಲೂಕಿನ ಹೆಳವರಹುಂಡಿ ಗ್ರಾಮವನ್ನು ಶುಕ್ರವಾರ ‘ಸೀಲ್‌ಡೌನ್‌’ ಮಾಡಲಾಗಿದೆ.

ಇಲ್ಲಿ 19 ಮಂದಿ ಮತ್ತು ಪಕ್ಕದ ಅಂಜನಾಪುರದಲ್ಲಿ 6 ಮಂದಿ ವ್ಯಕ್ತಿಯ ಸಂಪರ್ಕಕ್ಕೆ ಬಂದಿದ್ದರು. ಎಲ್ಲ 25 ಮಂದಿಯನ್ನು ಕ್ವಾರಂಟೈನ್‌ ಮಾಡಲಾಗಿದೆ. ‌ಗ್ರಾಮದಲ್ಲಿರುವ 395 ಕುಟುಂಬಗಳ ಎಲ್ಲ ಸದಸ್ಯರ ಗಂಟಲು ದ್ರವ ಸಂಗ್ರಹಿಸಿ ಪರೀಕ್ಷೆಗೆ ಕಳುಹಿಸಲಾಗಿದೆ.

ಅಂಜನಾಪುರದಲ್ಲಿ ವ್ಯಕ್ತಿಯು ಭೇಟಿ ನೀಡಿದ ಮನೆಯು ಊರಿನಿಂದ ಹೊರಗೆ ಇರುವುದರಿಂದ ಆ ಮನೆಯೊಂದನ್ನು ಮಾತ್ರ ಕ್ವಾರಂಟೈನ್ ಮಾಡಲಾಗಿದೆ ಎಂದು ಆರೋಗ್ಯ ಇಲಾಖೆಯ ಮೂಲಗಳು ತಿಳಿಸಿವೆ.