<p><strong>ಮೈಸೂರು: </strong>ಮನೆಮನೆಗೆ ಕೊಳವೆ ಮೂಲಕ ಅಡುಗೆ ಅನಿಲ ವಿತರಿಸುವ ಕೇಂದ್ರ ಸರ್ಕಾರದ ಯೋಜನೆ ಕುರಿತು ಸಂಸದ ಪ್ರತಾಪಸಿಂಹ ಸಾರ್ವಜನಿಕರಿಗೆ ಸುಳ್ಳು ಮಾಹಿತಿ ನೀಡಿದ್ದಾರೆ ಎಂದು ಕೆಪಿಸಿಸಿ ವಕ್ತಾರ ಎಂ.ಲಕ್ಷ್ಮಣ ಆರೋಪಿಸಿದರು.</p>.<p>ಈ ಯೋಜನೆಯಲ್ಲಿ ಶೇ 10ರಷ್ಟು ಕಮಿಷನ್ನ್ನು ಪಡೆಯಲಾಗಿದೆ ಎಂದು ಜನರು ಹೇಳುತ್ತಿದ್ದಾರೆ. ಈ ಕುರಿತು ಪ್ರತಾಪಸಿಂಹ ಸ್ಪಷ್ಟನೆ ನೀಡಬೇಕು ಎಂದು ಅವರು ಇಲ್ಲಿ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಒತ್ತಾಯಿಸಿದರು.</p>.<p>ಈ ಯೋಜನೆಗೆ ಅನುಮತಿ ನೀಡಬೇಕೋ, ಬೇಡವೋ ಎಂಬುದನ್ನು ಪಾಲಿಕೆ ಸದಸ್ಯರು ತೀರ್ಮಾನಿಸುತ್ತಾರೆ. ಇವರ ಮೇಲೆ ಯೋಜನೆಗೆ ಅನುಮತಿ ನೀಡಬೇಕು ಎಂದು ಪ್ರತಾಪಸಿಂಹ ಒತ್ತಡ ಹೇರುವುದಾದರೂ ಏಕೆ ಎಂದು ಪ್ರಶ್ನಿಸಿದರು.</p>.<p>ಈಗಾಗಲೇ ಬಿಜೆಪಿ ಶಾಸಕ ಎಲ್.ನಾಗೇಂದ್ರ ಈ ಯೋಜನೆಯಡಿ ಕಮಿಷನ್ ಆಸೆ ಇಲ್ಲ ಎಂದು ಚಾಮುಂಡೇಶ್ವರಿ ಮೇಲೆ ಪ್ರಮಾಣ ಮಾಡಿದ್ದಾರೆ. ಪ್ರತಾಪಸಿಂಹ ಪದೇ ಪದೇ ತಮ್ಮದೇ ಪಕ್ಷದ ಶಾಸಕರು ಹಾಗೂ ಪಾಲಿಕೆ ಸದಸ್ಯರ ಮೇಲೆ ಆರೋಪ ಮಾಡುತ್ತಿದ್ದಾರೆ. ಇವೆಲ್ಲವೂ ಕಮಿಷನ್ ದಂಧೆ ಕುರಿತ ಅನುಮಾನವನ್ನು ಬಲಗೊಳಿಸುತ್ತದೆ ಎಂದರು.</p>.<p class="Subhead"><strong>ದರ ದುಬಾರಿ</strong></p>.<p>ಪ್ರತಾಪಸಿಂಹ ಹೇಳುವಂತೆ ಈ ಯೋಜನೆಯಡಿ ಸಾರ್ವಜನಿಕರಿಗೆ ಅಗ್ಗದ ದರದಲ್ಲಿ ಅಡುಗೆ ಅನಿಲ ಸಂಪರ್ಕ ದೊರೆಯುವುದಿಲ್ಲ. ಒಟ್ಟು ₹ 7,154 ನಗದನ್ನು ಮುಂಗಡವಾಗಿಯೇ ಪಾವತಿಸಬೇಕು. ಒಂದು ವೇಳೆ ಬಿಲ್ ಪಾವತಿಸಲಿಲ್ಲ ಎಂದರೆ ಸಂಪರ್ಕ ಕಡಿದು ಹಾಕಲು ₹ 450, ಮತ್ತೆ ಸಂಪರ್ಕ ನೀಡಲು ₹1,000, ತಡವಾಗಿ ಬಿಲ್ ಪಾವತಿಸಿದರೆ ನಿತ್ಯ ₹ 50 ದಂಡ, ಸಣ್ಣ ರಬ್ಬರ್ ಪೈಪಿನ ಬದಲಾವಣೆಗೆ ₹ 110 ಹೀಗೆ ಬಿಡಿಭಾಗಗಳ ದರವೂ ದುಬಾರಿ ಎನಿಸಿದೆ. ಕನಿಷ್ಠ ಎಂದರೂ ₹ 25 ಸಾವಿರ ಹಣ ಸಂಪರ್ಕ ಪಡೆಯಲು ಬೇಕಾಗುತ್ತದೆ. ಈ ಎಲ್ಲ ವಿಚಾರಗಳಿಂದ ಪ್ರತಾಪಸಿಂಹ ಕೇವಲ ಪಾಲಿಕೆ ಸದಸ್ಯರು, ಅವರದೇ ಪಕ್ಷದ ಶಾಸಕರನ್ನು ಮಾತ್ರವಲ್ಲ ಸಾರ್ವಜನಿಕರನ್ನೂ ಕತ್ತಲಲ್ಲಿರಿಸಿದ್ದಾರೆ ಎಂದು ದೂರಿದರು.</p>.<p>ಸಬ್ಸಿಡಿ ನೀಡುವುದನ್ನು ನಿಲ್ಲಿಸುವುದು ಹಾಗೂ ಖಾಸಗೀಕರಣವೇ ಈ ಯೋಜನೆಯ ಉದ್ದೇಶ. ಗ್ಯಾಸ್ ಡೀಲರ್ಷಿಪ್ನ್ನು ರದ್ದುಗೊಳಿಸಿ, ಸಿಲಿಂಡರ್ಗಳನ್ನು ಹೊಂದುವುದಕ್ಕೂ ಅವಕಾಶ ನೀಡುವುದಿಲ್ಲ. ದರ ಏರಿಕೆ ಮೇಲೆ ಸರ್ಕಾರದ ನಿಯಂತ್ರಣ ಇರುವುದಿಲ್ಲ. ಬಡವರು ಮತ್ತು ಮಧ್ಯಮವರ್ಗದವರಿಗೆ ಈ ಯೋಜನೆ ಹೊರೆ ಎನಿಸಲಿದೆ ಎಂದರು.</p>.<p>ಅಡುಗೆ ಅನಿಲ ತಯಾರಾಗುವ ಘಟಕದಿಂದ ನೇರವಾಗಿ ಕೊಳವೆ ಮೂಲಕ ಬರುವುದರಿಂದ ಇಂಧನ ಉಳಿತಾಯವಾಗುತ್ತದೆ ಎಂಬುದೂ ಸುಳ್ಳು. ಇದು ಲಾರಿಗಳ ಮೂಲಕ ಇಲ್ಲಿನ ಹೆಬ್ಬಾಳದ ಘಟಕಕ್ಕೆ ಬಂದು ಅಲ್ಲಿಂದ ಕೊಳವೆ ಮೂಲಕ ಸರಬರಾಜಾಗುತ್ತದೆ. ಇದು ಪರಿಸರ ಸ್ನೇಹಿ ಯೋಜನೆಯೂ ಅಲ್ಲ ಎಂದು ಹೇಳಿದರು.</p>.<p>ಒಂದು ವೇಳೆ ಅಕ್ಕಪಕ್ಕದವರು ಈ ಪೈಪಿಗೆ ಹಾನಿ ಮಾಡಿದರೆ ಸಂಭವಿಸುವ ಅಪಾಯಗಳೇನು. ಇದಕ್ಕೆ ಕೈಗೊಂಡಿರುವ ಸುರಕ್ಷಿತ ಕ್ರಮಗಳೇನು, ವಿಶಾಖಪಟ್ಟಣದಲ್ಲಿ ಈಗಾಗಲೇ ದುರಂತವೊಂದು ಸಂಭವಿಸಿದೆ. ಈ ಎಲ್ಲ ವಿಚಾರಗಳ ಕುರಿತು ಕೇವಲ ಬಾಯಿಮಾತಿನ ಭರವಸೆ ಬೇಕಿಲ್ಲ. ಪಾಲಿಕೆ ಸದಸ್ಯರಿಗೆ ಸಂಪೂರ್ಣವಾದ ಮಾಹಿತಿ ನೀಡಿ, ಅವರ ಸಂದೇಹಗಳನ್ನು ನಿವಾರಿಸಬೇಕು ಎಂದು ಅವರು ಒತ್ತಾಯಿಸಿದರು.</p>.<p class="Subhead"><strong>ನಿಜ ಹೇಳಿದ ಪ್ರತಾಪಸಿಂಹ</strong></p>.<p>‘ತಮ್ಮದೇ ಪಕ್ಷದ ಶಾಸಕ ಎಲ್.ನಾಗೇಂದ್ರ ತಮ್ಮ ಕ್ಷೇತ್ರಕ್ಕೆ ಕೊಟ್ಟಿರುವುದು ಕೇವಲ ₹ 50 ಕೋಟಿ ಮಾತ್ರ. ಮಿಕ್ಕಿದ್ದೆಲ್ಲ ಹಿಂದಿನ ಕಾಂಗ್ರೆಸ್ ಶಾಸಕ ವಾಸು ಅವರ ಕೊಡುಗೆ ಎಂದು ಪ್ರತಾಪಸಿಂಹ ಹೇಳಿದ್ದಾರೆ. ಅಪರೂಪಕ್ಕೆ ಅವರು ಈ ರೀತಿ ಸತ್ಯವನ್ನು ಹೇಳಿರುವುದು ನಮಗೂ ಸಂತಸ ತರಿಸಿದೆ’ ಎಂದು ವ್ಯಂಗ್ಯವಾಡಿದರು.</p>.<p>‘ತಮ್ಮನ್ನು ನಾಲ್ವಡಿ ಕೃಷ್ಣರಾಜ ಒಡೆಯರ್ ಅವರಿಗೆ ಹೋಲಿಸಿಕೊಂಡು, ಅವರ ನಂತರ ಮೈಸೂರಿಗೆ ದೊಡ್ಡ ಕೊಡುಗೆ ಕೊಟ್ಟವ ನಾನೇ ಎಂದು ಹೇಳಿಕೊಂಡಿರುವುದು ನಿಜಕ್ಕೂ ಮೈಸೂರಿಗೆ ಮಾಡಿದ ಅವಮಾನ. ನಾಲ್ವಡಿ ಅವರ ಕಾಲಿನ ದೂಳಿಗೂ ಪ್ರತಾಪಸಿಂಹ ಸಮವಲ್ಲ’ ಎಂದು ಕಿಡಿಕಾರಿದರು.</p>.<p>ರಾಯಚೂರು ಜಿಲ್ಲಾ ನ್ಯಾಯಾಲಯದಲ್ಲಿ ಗಣರಾಜ್ಯೋತ್ಸವದ ದಿನ ಡಾ.ಬಿ.ಆರ್.ಅಂಬೇಡ್ಕರ್ ಭಾವಚಿತ್ರ ತೆಗೆದ ವಿಚಾರ ಕುರಿತು ಮುಖ್ಯಮಂತ್ರಿ ಹಾಗೂ ಕಾನೂನು ಸಚಿವರ ಮೌನ ಆ ಕೃತ್ಯವನ್ನು ಸಮರ್ಥಿಸುವಂತಿದೆ ಎಂದು ಹೇಳಿದರು.</p>.<p>ಕೆಪಿಸಿಸಿ ವಕ್ತಾರೆ ಮಂಜುಳಾ ಮಾನಸ ಮಾತನಾಡಿ, ‘ಕೋವಿಡ್ ಸಂಕಷ್ಟ ಕಾಲದಲ್ಲಿ ನಾಪತ್ತೆಯಾಗಿದ್ದ ಪ್ರತಾಪಸಿಂಹ ಗ್ಯಾಸ್ ಪೈಪ್ಲೈನ್ ವಿಚಾರದಲ್ಲಿ ಪ್ರತ್ಯಕ್ಷರಾಗಿ, ಪಾಲಿಕೆ ಸದಸ್ಯರು ಹಾಗೂ ಶಾಸಕರ ವಿರುದ್ದ ಅವಹೇಳನಕಾರಿಯಾಗಿ ಮಾತುಗಳನ್ನಾಡುತ್ತಿರುವುದು ಸರಿಯಲ್ಲ. ಕಮಿಷನ್ಗಾಗಿ ಇಂತಹ ಬೀದಿನಾಟಕ ಬೇಕಿತ್ತಾ’ ಎಂದು ಪ್ರಶ್ನಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು: </strong>ಮನೆಮನೆಗೆ ಕೊಳವೆ ಮೂಲಕ ಅಡುಗೆ ಅನಿಲ ವಿತರಿಸುವ ಕೇಂದ್ರ ಸರ್ಕಾರದ ಯೋಜನೆ ಕುರಿತು ಸಂಸದ ಪ್ರತಾಪಸಿಂಹ ಸಾರ್ವಜನಿಕರಿಗೆ ಸುಳ್ಳು ಮಾಹಿತಿ ನೀಡಿದ್ದಾರೆ ಎಂದು ಕೆಪಿಸಿಸಿ ವಕ್ತಾರ ಎಂ.ಲಕ್ಷ್ಮಣ ಆರೋಪಿಸಿದರು.</p>.<p>ಈ ಯೋಜನೆಯಲ್ಲಿ ಶೇ 10ರಷ್ಟು ಕಮಿಷನ್ನ್ನು ಪಡೆಯಲಾಗಿದೆ ಎಂದು ಜನರು ಹೇಳುತ್ತಿದ್ದಾರೆ. ಈ ಕುರಿತು ಪ್ರತಾಪಸಿಂಹ ಸ್ಪಷ್ಟನೆ ನೀಡಬೇಕು ಎಂದು ಅವರು ಇಲ್ಲಿ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಒತ್ತಾಯಿಸಿದರು.</p>.<p>ಈ ಯೋಜನೆಗೆ ಅನುಮತಿ ನೀಡಬೇಕೋ, ಬೇಡವೋ ಎಂಬುದನ್ನು ಪಾಲಿಕೆ ಸದಸ್ಯರು ತೀರ್ಮಾನಿಸುತ್ತಾರೆ. ಇವರ ಮೇಲೆ ಯೋಜನೆಗೆ ಅನುಮತಿ ನೀಡಬೇಕು ಎಂದು ಪ್ರತಾಪಸಿಂಹ ಒತ್ತಡ ಹೇರುವುದಾದರೂ ಏಕೆ ಎಂದು ಪ್ರಶ್ನಿಸಿದರು.</p>.<p>ಈಗಾಗಲೇ ಬಿಜೆಪಿ ಶಾಸಕ ಎಲ್.ನಾಗೇಂದ್ರ ಈ ಯೋಜನೆಯಡಿ ಕಮಿಷನ್ ಆಸೆ ಇಲ್ಲ ಎಂದು ಚಾಮುಂಡೇಶ್ವರಿ ಮೇಲೆ ಪ್ರಮಾಣ ಮಾಡಿದ್ದಾರೆ. ಪ್ರತಾಪಸಿಂಹ ಪದೇ ಪದೇ ತಮ್ಮದೇ ಪಕ್ಷದ ಶಾಸಕರು ಹಾಗೂ ಪಾಲಿಕೆ ಸದಸ್ಯರ ಮೇಲೆ ಆರೋಪ ಮಾಡುತ್ತಿದ್ದಾರೆ. ಇವೆಲ್ಲವೂ ಕಮಿಷನ್ ದಂಧೆ ಕುರಿತ ಅನುಮಾನವನ್ನು ಬಲಗೊಳಿಸುತ್ತದೆ ಎಂದರು.</p>.<p class="Subhead"><strong>ದರ ದುಬಾರಿ</strong></p>.<p>ಪ್ರತಾಪಸಿಂಹ ಹೇಳುವಂತೆ ಈ ಯೋಜನೆಯಡಿ ಸಾರ್ವಜನಿಕರಿಗೆ ಅಗ್ಗದ ದರದಲ್ಲಿ ಅಡುಗೆ ಅನಿಲ ಸಂಪರ್ಕ ದೊರೆಯುವುದಿಲ್ಲ. ಒಟ್ಟು ₹ 7,154 ನಗದನ್ನು ಮುಂಗಡವಾಗಿಯೇ ಪಾವತಿಸಬೇಕು. ಒಂದು ವೇಳೆ ಬಿಲ್ ಪಾವತಿಸಲಿಲ್ಲ ಎಂದರೆ ಸಂಪರ್ಕ ಕಡಿದು ಹಾಕಲು ₹ 450, ಮತ್ತೆ ಸಂಪರ್ಕ ನೀಡಲು ₹1,000, ತಡವಾಗಿ ಬಿಲ್ ಪಾವತಿಸಿದರೆ ನಿತ್ಯ ₹ 50 ದಂಡ, ಸಣ್ಣ ರಬ್ಬರ್ ಪೈಪಿನ ಬದಲಾವಣೆಗೆ ₹ 110 ಹೀಗೆ ಬಿಡಿಭಾಗಗಳ ದರವೂ ದುಬಾರಿ ಎನಿಸಿದೆ. ಕನಿಷ್ಠ ಎಂದರೂ ₹ 25 ಸಾವಿರ ಹಣ ಸಂಪರ್ಕ ಪಡೆಯಲು ಬೇಕಾಗುತ್ತದೆ. ಈ ಎಲ್ಲ ವಿಚಾರಗಳಿಂದ ಪ್ರತಾಪಸಿಂಹ ಕೇವಲ ಪಾಲಿಕೆ ಸದಸ್ಯರು, ಅವರದೇ ಪಕ್ಷದ ಶಾಸಕರನ್ನು ಮಾತ್ರವಲ್ಲ ಸಾರ್ವಜನಿಕರನ್ನೂ ಕತ್ತಲಲ್ಲಿರಿಸಿದ್ದಾರೆ ಎಂದು ದೂರಿದರು.</p>.<p>ಸಬ್ಸಿಡಿ ನೀಡುವುದನ್ನು ನಿಲ್ಲಿಸುವುದು ಹಾಗೂ ಖಾಸಗೀಕರಣವೇ ಈ ಯೋಜನೆಯ ಉದ್ದೇಶ. ಗ್ಯಾಸ್ ಡೀಲರ್ಷಿಪ್ನ್ನು ರದ್ದುಗೊಳಿಸಿ, ಸಿಲಿಂಡರ್ಗಳನ್ನು ಹೊಂದುವುದಕ್ಕೂ ಅವಕಾಶ ನೀಡುವುದಿಲ್ಲ. ದರ ಏರಿಕೆ ಮೇಲೆ ಸರ್ಕಾರದ ನಿಯಂತ್ರಣ ಇರುವುದಿಲ್ಲ. ಬಡವರು ಮತ್ತು ಮಧ್ಯಮವರ್ಗದವರಿಗೆ ಈ ಯೋಜನೆ ಹೊರೆ ಎನಿಸಲಿದೆ ಎಂದರು.</p>.<p>ಅಡುಗೆ ಅನಿಲ ತಯಾರಾಗುವ ಘಟಕದಿಂದ ನೇರವಾಗಿ ಕೊಳವೆ ಮೂಲಕ ಬರುವುದರಿಂದ ಇಂಧನ ಉಳಿತಾಯವಾಗುತ್ತದೆ ಎಂಬುದೂ ಸುಳ್ಳು. ಇದು ಲಾರಿಗಳ ಮೂಲಕ ಇಲ್ಲಿನ ಹೆಬ್ಬಾಳದ ಘಟಕಕ್ಕೆ ಬಂದು ಅಲ್ಲಿಂದ ಕೊಳವೆ ಮೂಲಕ ಸರಬರಾಜಾಗುತ್ತದೆ. ಇದು ಪರಿಸರ ಸ್ನೇಹಿ ಯೋಜನೆಯೂ ಅಲ್ಲ ಎಂದು ಹೇಳಿದರು.</p>.<p>ಒಂದು ವೇಳೆ ಅಕ್ಕಪಕ್ಕದವರು ಈ ಪೈಪಿಗೆ ಹಾನಿ ಮಾಡಿದರೆ ಸಂಭವಿಸುವ ಅಪಾಯಗಳೇನು. ಇದಕ್ಕೆ ಕೈಗೊಂಡಿರುವ ಸುರಕ್ಷಿತ ಕ್ರಮಗಳೇನು, ವಿಶಾಖಪಟ್ಟಣದಲ್ಲಿ ಈಗಾಗಲೇ ದುರಂತವೊಂದು ಸಂಭವಿಸಿದೆ. ಈ ಎಲ್ಲ ವಿಚಾರಗಳ ಕುರಿತು ಕೇವಲ ಬಾಯಿಮಾತಿನ ಭರವಸೆ ಬೇಕಿಲ್ಲ. ಪಾಲಿಕೆ ಸದಸ್ಯರಿಗೆ ಸಂಪೂರ್ಣವಾದ ಮಾಹಿತಿ ನೀಡಿ, ಅವರ ಸಂದೇಹಗಳನ್ನು ನಿವಾರಿಸಬೇಕು ಎಂದು ಅವರು ಒತ್ತಾಯಿಸಿದರು.</p>.<p class="Subhead"><strong>ನಿಜ ಹೇಳಿದ ಪ್ರತಾಪಸಿಂಹ</strong></p>.<p>‘ತಮ್ಮದೇ ಪಕ್ಷದ ಶಾಸಕ ಎಲ್.ನಾಗೇಂದ್ರ ತಮ್ಮ ಕ್ಷೇತ್ರಕ್ಕೆ ಕೊಟ್ಟಿರುವುದು ಕೇವಲ ₹ 50 ಕೋಟಿ ಮಾತ್ರ. ಮಿಕ್ಕಿದ್ದೆಲ್ಲ ಹಿಂದಿನ ಕಾಂಗ್ರೆಸ್ ಶಾಸಕ ವಾಸು ಅವರ ಕೊಡುಗೆ ಎಂದು ಪ್ರತಾಪಸಿಂಹ ಹೇಳಿದ್ದಾರೆ. ಅಪರೂಪಕ್ಕೆ ಅವರು ಈ ರೀತಿ ಸತ್ಯವನ್ನು ಹೇಳಿರುವುದು ನಮಗೂ ಸಂತಸ ತರಿಸಿದೆ’ ಎಂದು ವ್ಯಂಗ್ಯವಾಡಿದರು.</p>.<p>‘ತಮ್ಮನ್ನು ನಾಲ್ವಡಿ ಕೃಷ್ಣರಾಜ ಒಡೆಯರ್ ಅವರಿಗೆ ಹೋಲಿಸಿಕೊಂಡು, ಅವರ ನಂತರ ಮೈಸೂರಿಗೆ ದೊಡ್ಡ ಕೊಡುಗೆ ಕೊಟ್ಟವ ನಾನೇ ಎಂದು ಹೇಳಿಕೊಂಡಿರುವುದು ನಿಜಕ್ಕೂ ಮೈಸೂರಿಗೆ ಮಾಡಿದ ಅವಮಾನ. ನಾಲ್ವಡಿ ಅವರ ಕಾಲಿನ ದೂಳಿಗೂ ಪ್ರತಾಪಸಿಂಹ ಸಮವಲ್ಲ’ ಎಂದು ಕಿಡಿಕಾರಿದರು.</p>.<p>ರಾಯಚೂರು ಜಿಲ್ಲಾ ನ್ಯಾಯಾಲಯದಲ್ಲಿ ಗಣರಾಜ್ಯೋತ್ಸವದ ದಿನ ಡಾ.ಬಿ.ಆರ್.ಅಂಬೇಡ್ಕರ್ ಭಾವಚಿತ್ರ ತೆಗೆದ ವಿಚಾರ ಕುರಿತು ಮುಖ್ಯಮಂತ್ರಿ ಹಾಗೂ ಕಾನೂನು ಸಚಿವರ ಮೌನ ಆ ಕೃತ್ಯವನ್ನು ಸಮರ್ಥಿಸುವಂತಿದೆ ಎಂದು ಹೇಳಿದರು.</p>.<p>ಕೆಪಿಸಿಸಿ ವಕ್ತಾರೆ ಮಂಜುಳಾ ಮಾನಸ ಮಾತನಾಡಿ, ‘ಕೋವಿಡ್ ಸಂಕಷ್ಟ ಕಾಲದಲ್ಲಿ ನಾಪತ್ತೆಯಾಗಿದ್ದ ಪ್ರತಾಪಸಿಂಹ ಗ್ಯಾಸ್ ಪೈಪ್ಲೈನ್ ವಿಚಾರದಲ್ಲಿ ಪ್ರತ್ಯಕ್ಷರಾಗಿ, ಪಾಲಿಕೆ ಸದಸ್ಯರು ಹಾಗೂ ಶಾಸಕರ ವಿರುದ್ದ ಅವಹೇಳನಕಾರಿಯಾಗಿ ಮಾತುಗಳನ್ನಾಡುತ್ತಿರುವುದು ಸರಿಯಲ್ಲ. ಕಮಿಷನ್ಗಾಗಿ ಇಂತಹ ಬೀದಿನಾಟಕ ಬೇಕಿತ್ತಾ’ ಎಂದು ಪ್ರಶ್ನಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
