<p><strong>ಮೈಸೂರು</strong>: ಮುಂಜಾನೆಯ ಮಂಜಿನ ನಡುವೆ ಇಲ್ಲಿನ ಸಿಎಆರ್ ಮೈದಾನದಲ್ಲಿ ದಾಪುಗಾಲಿಡುತ್ತಾ ಬಂದ ತರಬೇತಿ ನಿರತ ಮಹಿಳಾ ಕಾನ್ಸ್ಟೆಬಲ್ಗಳು ಸಾರ್ವಜನಿಕರನ್ನು ಸೂಜಿಗಲ್ಲಿನಂತೆ ಸೆಳೆದರು. ಚುಮುಚುಮು ಚಳಿಯಲ್ಲಿ ಕರಾರುವಕ್ಕಾಗಿ ಹೆಜ್ಜೆ ಇಕ್ಕುತ್ತಾ ಸಾಗಿದ ಇವರ ನಿರ್ಗಮನ ಪಥ ಸಂಚಲನಕ್ಕೆ ಎಲ್ಲರೂ ಬೆರಗಾದರು.</p>.<p>ಇಲ್ಲಿ ಮಂಗಳವಾರ ನಡೆದ 5ನೇ ತಂಡದ ಮಹಿಳಾ ಕಾನ್ಸ್ಟೆಬಲ್, ರೈಲ್ವೇಸ್, ಕೆಎಸ್ಐಎಸ್ಎಫ್ ಹಾಗೂ 2ನೇ ತಂಡದ ಮಹಿಳಾ ಕಾನ್ಸ್ಟೆಬಲ್ ಪ್ರಶಿಕ್ಷಣಾರ್ಥಿಗಳ ನಿರ್ಗಮನ ಪಥ ಸಂಚಲನದಲ್ಲಿ ಈ ದೃಶ್ಯಗಳು ಕಂಡು ಬಂದವು.</p>.<p>ಗೌರವ ವಂದನೆ ಸ್ವೀಕರಿಸಿದ ಮಾತನಾಡಿದ ಕರ್ನಾಟಕ ಪೊಲೀಸ್ ಅಕಾಡೆಮಿಯ ಐಜಿಪಿ ವಿಫುಲ್ಕುಮಾರ್, ‘ಪೊಲೀಸರು ಸೇವಾ ಮನೋಭಾವ ಹೊಂದಿರಬೇಕು. ಸೇವಾ ಮನೋಭಾವ ಇರದಿದ್ದರೆ ಅವರು ಪೊಲೀಸರೇ ಅಲ್ಲ’ ಎಂದು ತಿಳಿಸಿದರು.</p>.<p>ಪೊಲೀಸರ ಕಾರ್ಯವೈಖರಿ ಹಿಂದಿಗಿಂತಲೂ ಈಗ ಬದಲಾಗಿದೆ. ಲಾಠಿ, ದಂಡವನ್ನೂ ಮೀರಿದೆ. ಈ ಹೊತ್ತಿನ ಪೊಲೀಸರೆಂದರೆ ಮಹಾಸೇವಕರು. ಕೋವಿಡ್ ಸಂಕಷ್ಟ ಸಮಯದಲ್ಲಿ ಇವರು ಅವಿರತ ಸೇವೆ ಸಲ್ಲಿಸಿದ್ದಾರೆ ಎಂದು ತಿಳಿಸಿದರು.</p>.<p>ಸಮಸ್ಯೆ ಬಂದ ಮೇಲೆ ಕಾರ್ಯಾಚರಣೆ ನಡೆಸುವ ಬದಲಿಗೆ ಬರಲಿರುವ ಸಮಸ್ಯೆಯ ಸ್ವರೂಪವನ್ನು ಮೊದಲೇ ಅಂದಾಜು ಮಾಡಿ, ಅದನ್ನು ತಪ್ಪಿಸಬೇಕು. ಜನರೊಂದಿಗೆ ಅತ್ಯಂತ ಸ್ನೇಹಪರವಾಗಿ ನಡೆದುಕೊಳ್ಳಬೇಕು. ಮಾನವ ಹಕ್ಕುಗಳ ರಕ್ಷಣೆ, ಪಾರದರ್ಶಕತೆ ಕುರಿತು ಹೆಚ್ಚಿನ ಗಮನಹರಿಸಬೇಕು ಎಂದು ಕಿವಿಮಾತು ಹೇಳಿದರು.</p>.<p>ರಾಜ್ಯದಲ್ಲಿ ಶೇ 20ರಿಂದ 25ರಷ್ಟು ಮಹಿಳಾ ಪೊಲೀಸರಿದ್ದಾರೆ. ಈಗ ತರಬೇತಿ ಮುಗಿಸಿ ತೆರಳುತ್ತಿರುವವರು ಇದಕ್ಕೆ ಸೇರ್ಪಡೆಯಾಗಿದ್ದಾರೆ. ತರಬೇತಿ ಎಂಬುದು ಎಂದೂ ಮುಗಿಯುವುದಿಲ್ಲ. ಅದು ನಿರಂತರವಾಗಿರುತ್ತದೆ ಎಂದರು.</p>.<p>ಪೊಲೀಸ್ ತರಬೇತಿ ಶಾಲೆಯ ಪ್ರಾಂಶುಪಾಲರಾದ ಧರಣೀದೇವಿ ಮಾಲಗತ್ತಿ ಮಾತನಾಡಿ, ‘ಪೊಲೀಸ್ ತರಬೇತಿ ಶಾಲೆಯು 2015ರಲ್ಲಿ ಕಾರ್ಯಾರಂಭ ಮಾಡಿದ್ದು, ಇಲ್ಲಿಯವರೆಗೆ 4 ತಂಡಗಳಲ್ಲಿ 952 ಮಂದಿ ತರಬೇತಿ ಪೂರ್ಣಗೊಳಿಸಿದ್ದಾರೆ. 1996ರಲ್ಲಿ ಕಾರ್ಯಾರಂಭ ಮಾಡಿದ ತಾತ್ಕಾಲಿಕ ಪೊಲೀಸ್ ತರಬೇತಿ ಶಾಲೆಯು 15 ತಂಡಗಳಲ್ಲಿ 2,017 ಮಂದಿ ತರಬೇತಿ ಪಡೆದಿದ್ದಾರೆ’ ಎಂದು ಮಾಹಿತಿ ನೀಡಿದರು.</p>.<p>ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸಿ.ಬಿ.ರಿಷ್ಯಂತ್, ನಗರ ಪೊಲೀಸ್ ಕಮಿಷನರ್ ಡಾ.ಚಂದ್ರಗುಪ್ತ, ಡಿಸಿಪಿ ಡಾ.ಎ.ಎನ್.ಪ್ರಕಾಶ್ಗೌಡ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು</strong>: ಮುಂಜಾನೆಯ ಮಂಜಿನ ನಡುವೆ ಇಲ್ಲಿನ ಸಿಎಆರ್ ಮೈದಾನದಲ್ಲಿ ದಾಪುಗಾಲಿಡುತ್ತಾ ಬಂದ ತರಬೇತಿ ನಿರತ ಮಹಿಳಾ ಕಾನ್ಸ್ಟೆಬಲ್ಗಳು ಸಾರ್ವಜನಿಕರನ್ನು ಸೂಜಿಗಲ್ಲಿನಂತೆ ಸೆಳೆದರು. ಚುಮುಚುಮು ಚಳಿಯಲ್ಲಿ ಕರಾರುವಕ್ಕಾಗಿ ಹೆಜ್ಜೆ ಇಕ್ಕುತ್ತಾ ಸಾಗಿದ ಇವರ ನಿರ್ಗಮನ ಪಥ ಸಂಚಲನಕ್ಕೆ ಎಲ್ಲರೂ ಬೆರಗಾದರು.</p>.<p>ಇಲ್ಲಿ ಮಂಗಳವಾರ ನಡೆದ 5ನೇ ತಂಡದ ಮಹಿಳಾ ಕಾನ್ಸ್ಟೆಬಲ್, ರೈಲ್ವೇಸ್, ಕೆಎಸ್ಐಎಸ್ಎಫ್ ಹಾಗೂ 2ನೇ ತಂಡದ ಮಹಿಳಾ ಕಾನ್ಸ್ಟೆಬಲ್ ಪ್ರಶಿಕ್ಷಣಾರ್ಥಿಗಳ ನಿರ್ಗಮನ ಪಥ ಸಂಚಲನದಲ್ಲಿ ಈ ದೃಶ್ಯಗಳು ಕಂಡು ಬಂದವು.</p>.<p>ಗೌರವ ವಂದನೆ ಸ್ವೀಕರಿಸಿದ ಮಾತನಾಡಿದ ಕರ್ನಾಟಕ ಪೊಲೀಸ್ ಅಕಾಡೆಮಿಯ ಐಜಿಪಿ ವಿಫುಲ್ಕುಮಾರ್, ‘ಪೊಲೀಸರು ಸೇವಾ ಮನೋಭಾವ ಹೊಂದಿರಬೇಕು. ಸೇವಾ ಮನೋಭಾವ ಇರದಿದ್ದರೆ ಅವರು ಪೊಲೀಸರೇ ಅಲ್ಲ’ ಎಂದು ತಿಳಿಸಿದರು.</p>.<p>ಪೊಲೀಸರ ಕಾರ್ಯವೈಖರಿ ಹಿಂದಿಗಿಂತಲೂ ಈಗ ಬದಲಾಗಿದೆ. ಲಾಠಿ, ದಂಡವನ್ನೂ ಮೀರಿದೆ. ಈ ಹೊತ್ತಿನ ಪೊಲೀಸರೆಂದರೆ ಮಹಾಸೇವಕರು. ಕೋವಿಡ್ ಸಂಕಷ್ಟ ಸಮಯದಲ್ಲಿ ಇವರು ಅವಿರತ ಸೇವೆ ಸಲ್ಲಿಸಿದ್ದಾರೆ ಎಂದು ತಿಳಿಸಿದರು.</p>.<p>ಸಮಸ್ಯೆ ಬಂದ ಮೇಲೆ ಕಾರ್ಯಾಚರಣೆ ನಡೆಸುವ ಬದಲಿಗೆ ಬರಲಿರುವ ಸಮಸ್ಯೆಯ ಸ್ವರೂಪವನ್ನು ಮೊದಲೇ ಅಂದಾಜು ಮಾಡಿ, ಅದನ್ನು ತಪ್ಪಿಸಬೇಕು. ಜನರೊಂದಿಗೆ ಅತ್ಯಂತ ಸ್ನೇಹಪರವಾಗಿ ನಡೆದುಕೊಳ್ಳಬೇಕು. ಮಾನವ ಹಕ್ಕುಗಳ ರಕ್ಷಣೆ, ಪಾರದರ್ಶಕತೆ ಕುರಿತು ಹೆಚ್ಚಿನ ಗಮನಹರಿಸಬೇಕು ಎಂದು ಕಿವಿಮಾತು ಹೇಳಿದರು.</p>.<p>ರಾಜ್ಯದಲ್ಲಿ ಶೇ 20ರಿಂದ 25ರಷ್ಟು ಮಹಿಳಾ ಪೊಲೀಸರಿದ್ದಾರೆ. ಈಗ ತರಬೇತಿ ಮುಗಿಸಿ ತೆರಳುತ್ತಿರುವವರು ಇದಕ್ಕೆ ಸೇರ್ಪಡೆಯಾಗಿದ್ದಾರೆ. ತರಬೇತಿ ಎಂಬುದು ಎಂದೂ ಮುಗಿಯುವುದಿಲ್ಲ. ಅದು ನಿರಂತರವಾಗಿರುತ್ತದೆ ಎಂದರು.</p>.<p>ಪೊಲೀಸ್ ತರಬೇತಿ ಶಾಲೆಯ ಪ್ರಾಂಶುಪಾಲರಾದ ಧರಣೀದೇವಿ ಮಾಲಗತ್ತಿ ಮಾತನಾಡಿ, ‘ಪೊಲೀಸ್ ತರಬೇತಿ ಶಾಲೆಯು 2015ರಲ್ಲಿ ಕಾರ್ಯಾರಂಭ ಮಾಡಿದ್ದು, ಇಲ್ಲಿಯವರೆಗೆ 4 ತಂಡಗಳಲ್ಲಿ 952 ಮಂದಿ ತರಬೇತಿ ಪೂರ್ಣಗೊಳಿಸಿದ್ದಾರೆ. 1996ರಲ್ಲಿ ಕಾರ್ಯಾರಂಭ ಮಾಡಿದ ತಾತ್ಕಾಲಿಕ ಪೊಲೀಸ್ ತರಬೇತಿ ಶಾಲೆಯು 15 ತಂಡಗಳಲ್ಲಿ 2,017 ಮಂದಿ ತರಬೇತಿ ಪಡೆದಿದ್ದಾರೆ’ ಎಂದು ಮಾಹಿತಿ ನೀಡಿದರು.</p>.<p>ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸಿ.ಬಿ.ರಿಷ್ಯಂತ್, ನಗರ ಪೊಲೀಸ್ ಕಮಿಷನರ್ ಡಾ.ಚಂದ್ರಗುಪ್ತ, ಡಿಸಿಪಿ ಡಾ.ಎ.ಎನ್.ಪ್ರಕಾಶ್ಗೌಡ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
