ನಾನು ಉಡುಪಿಯಲ್ಲಿ ಹುಟ್ಟಿದ್ದು, ಮೈಸೂರಿನಲ್ಲಿ ಬೆಳೆದದ್ದು. ಎಲ್ಕೆಜಿಯಿಂದ ಎಂಜಿನಿಯರಿಂಗ್ವರೆಗೂ ಇಲ್ಲಿಯೇ ವಿದ್ಯಾಭ್ಯಾಸ ಆಯಿತು. ಪ್ರತಿ ವರ್ಷವೂ ಸ್ನೇಹಿತರೊಂದಿಗೆ ವಸ್ತು ಪ್ರದರ್ಶನಕ್ಕೆ ಹೋಗುತ್ತಿದ್ದೆ. ಬೇರೆ ಬೇರೆ ರಾಜ್ಯಗಳಿಂದ ಕುಶಲಕರ್ಮಿಗಳು ಬಂದಿರುತ್ತಿದ್ದರು. ಬಗೆಬಗೆ ಉಡುಪುಗಳು, ಆಲಂಕಾರಿಕ ವಸ್ತುಗಳು, ಆಭರಣಗಳನ್ನು ಖರೀದಿಸುತ್ತಿದ್ದೆವು; ಸುತ್ತಾಟ ಬೇಸರವಾದರೆ ಆಟವಾಡುತ್ತಿದ್ದೆವು. ತರಹೇವಾರಿ ತಿಂಡಿ ತಿನಿಸುಗಳನ್ನು ಸವಿಯುತ್ತಿದ್ದೆವು. ಒಂದೇ ಸ್ಥಳದಲ್ಲಿ ಎಲ್ಲವೂ ಸಿಗುತ್ತಿತ್ತು.