<p><strong>ತಿ.ನರಸೀಪುರ:</strong> ಬುಧವಾರ ನಡೆಯಲಿರುವ ವಿಧಾನಸಭಾ ಕ್ಷೇತ್ರದ ಚುನಾವಣೆಗೆ ಸಕಲ ಸಿದ್ಧತೆಗಳು ಪೂರ್ಣಗೊಂಡಿದ್ದು, ಮಂಗಳವಾರ ಚುನಾವಣಾ ಸಿಬ್ಬಂದಿ ಮತಗಟ್ಟೆಗಳಿಗೆ ತೆರಳಿದರು.</p>.<p>ಕ್ಷೇತ್ರ ವ್ಯಾಪ್ತಿಯಲ್ಲಿ 227 ಮತಗಟ್ಟೆಗಳಿವೆ. ಒಟ್ಟು 1048 ಸಿಬ್ಬಂದಿ ನಿಯೋಜಿಸಲಾಗಿದೆ. ಶೇ 5ರಷ್ಟು ಸಿಬ್ಬಂದಿ ಮೀಸಲಿರಿಸಲಾಗಿದೆ.</p>.<p>ಪಟ್ಟಣದ ವಿದ್ಯೋದಯ ಕಾಲೇಜು ಆವರಣದಲ್ಲಿ ಚುನಾವಣಾ ಕಾರ್ಯ ನಿಯೋಜಿತಗೊಂಡ ಸಿಬ್ಬಂದಿಯನ್ನು ಅಗತ್ಯ ಸೂಚನೆಗಳೊಂದಿಗೆ ಮತಗಟ್ಟೆಗಳಿಗೆ ಇವಿಎಂ ಯಂತ್ರ ಸೇರಿದಂತೆ ಚುನಾವಣಾ ಪರಿಕರಗಳೊಂದಿಗೆ ಕಳುಹಿಸಲಾಯಿತು. ಸಿಬ್ಬಂದಿ ತಲುಪಿರುವ ಬಗ್ಗೆ ಹಾಗೂ ವ್ಯವಸ್ಥೆ ಬಗ್ಗೆ ಸೆಕ್ಟರ್ ಅಧಿಕಾರಿಗಳು ಮಾಹಿತಿ ನೀಡುವರು.</p>.<p>‘ಬುಧವಾರ ಬೆಳಿಗ್ಗೆ 5.15ರಿಂದ 5.45ರೊಳಗೆ ಅಣಕು ಮತದಾನ ನಡೆಯಲಿದೆ. ಈ ವೇಳೆಗೆ ಪಕ್ಷಗಳ, ಅಭ್ಯರ್ಥಿಗಳ ಏಜೆಂಟರು ಭಾಗವಹಿಸುವ ನಿರೀಕ್ಷೆ ಇದೆ. ಇಲ್ಲವಾದಲ್ಲಿ ನಿಗದಿತ ಸಮಯಕ್ಕೆ ಅಣಕು ಮತದಾನ ನಡೆದು ಬೆಳಿಗ್ಗೆ 7 ಗಂಟೆಗೆ ಅಧಿಕೃತವಾಗಿ ಮತದಾನ ಆರಂಭವಾಗಲಿದೆ. ಮತದಾನ ಬೆಳಿಗ್ಗೆ 7 ರಿಂದ ಸಂಜೆ 6ರವರೆಗೆ ಇರುತ್ತದೆ. ಒಂದು ವೇಳೆ 6 ಗಂಟೆಯ ನಂತರ ಕ್ಯೂ ಇದ್ದರೆ ಬಿಎಲ್ಒ ಅವರು ಕ್ಯೂ ಆಪ್ ಬಳಸಿ ಎಷ್ಟು ಜನ ಕ್ಯೂನಲ್ಲಿ ಇದ್ದಾರೆ ಎಂಬ ಮಾಹಿತಿ ನೀಡುತ್ತಾರೆ’ ಎಂದು ಚುನಾವಣಾಧಿಕಾರಿ ಸೋಮಶೇಖರ್ ತಿಳಿಸಿದರು.</p>.<p>‘ಒಟ್ಟು ಮತಗಟ್ಟೆಗಳಲ್ಲಿ ವಲ್ನರಬಲ್ 7 ಹಾಗೂ 34 ಕ್ರಿಟಿಕಲ್ ಮತಗಟ್ಟೆಗಳಿವೆ. ವಿಶೇಷವಾಗಿ ಕ್ಷೇತ್ರದಲ್ಲಿ ಬನ್ನೂರು, ತಲಕಾಡು, ಮೂಗೂರು, ಹನುಮನಾಳು, ಹೊಸ ಹೆಮ್ಮಿಗೆ ಗ್ರಾಮಗಳಲ್ಲಿ ತಲಾ ಒಂದರಂತೆ 5 ಸಖಿ ಮತಗಟ್ಟೆಗಳಿವೆ. ತಿ.ನರಸೀಪುರದಲ್ಲಿ ಅಂಗವಿಕಲರಿಗೆ, ಕಲಿಯೂರಿನಲ್ಲಿ ಯುವಕರಿಗೆ ಒಂದು ಹಾಗೂ ಧ್ಯೇಯ ಯುಕ್ತ (ಥೀಮ್ ಬೇಸ್ಡ್) ಒಂದು ಮತಗಟ್ಟೆಗಳಿವೆ’ ಎಂದು ಮಾಹಿತಿ ನೀಡಿದರು.</p>.<p>‘ಎಲ್ಲಾ ಮತಗಟ್ಟೆಗಳು ಸೇರಿದಂತೆ 139 ಸಿಸಿ ಕ್ಯಾಮೆರಾಗಳನ್ನು ವೆಬ್ ಕಾಸ್ಟಿಂಗ್ಗಾಗಿ ಅಳವಡಿಸಲಾಗಿದೆ. ಕೇಂದ್ರ ಸರ್ಕಾರದಿಂದ ನಿಯೋಜಿತಗೊಂಡ ಸೂಕ್ಷ್ಮ ಪರಿಶೀಲನಾ ಅಧಿಕಾರಿಗಳು ಕೂಡ ಇರುತ್ತಾರೆ’ ಎಂದು ತಿಳಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತಿ.ನರಸೀಪುರ:</strong> ಬುಧವಾರ ನಡೆಯಲಿರುವ ವಿಧಾನಸಭಾ ಕ್ಷೇತ್ರದ ಚುನಾವಣೆಗೆ ಸಕಲ ಸಿದ್ಧತೆಗಳು ಪೂರ್ಣಗೊಂಡಿದ್ದು, ಮಂಗಳವಾರ ಚುನಾವಣಾ ಸಿಬ್ಬಂದಿ ಮತಗಟ್ಟೆಗಳಿಗೆ ತೆರಳಿದರು.</p>.<p>ಕ್ಷೇತ್ರ ವ್ಯಾಪ್ತಿಯಲ್ಲಿ 227 ಮತಗಟ್ಟೆಗಳಿವೆ. ಒಟ್ಟು 1048 ಸಿಬ್ಬಂದಿ ನಿಯೋಜಿಸಲಾಗಿದೆ. ಶೇ 5ರಷ್ಟು ಸಿಬ್ಬಂದಿ ಮೀಸಲಿರಿಸಲಾಗಿದೆ.</p>.<p>ಪಟ್ಟಣದ ವಿದ್ಯೋದಯ ಕಾಲೇಜು ಆವರಣದಲ್ಲಿ ಚುನಾವಣಾ ಕಾರ್ಯ ನಿಯೋಜಿತಗೊಂಡ ಸಿಬ್ಬಂದಿಯನ್ನು ಅಗತ್ಯ ಸೂಚನೆಗಳೊಂದಿಗೆ ಮತಗಟ್ಟೆಗಳಿಗೆ ಇವಿಎಂ ಯಂತ್ರ ಸೇರಿದಂತೆ ಚುನಾವಣಾ ಪರಿಕರಗಳೊಂದಿಗೆ ಕಳುಹಿಸಲಾಯಿತು. ಸಿಬ್ಬಂದಿ ತಲುಪಿರುವ ಬಗ್ಗೆ ಹಾಗೂ ವ್ಯವಸ್ಥೆ ಬಗ್ಗೆ ಸೆಕ್ಟರ್ ಅಧಿಕಾರಿಗಳು ಮಾಹಿತಿ ನೀಡುವರು.</p>.<p>‘ಬುಧವಾರ ಬೆಳಿಗ್ಗೆ 5.15ರಿಂದ 5.45ರೊಳಗೆ ಅಣಕು ಮತದಾನ ನಡೆಯಲಿದೆ. ಈ ವೇಳೆಗೆ ಪಕ್ಷಗಳ, ಅಭ್ಯರ್ಥಿಗಳ ಏಜೆಂಟರು ಭಾಗವಹಿಸುವ ನಿರೀಕ್ಷೆ ಇದೆ. ಇಲ್ಲವಾದಲ್ಲಿ ನಿಗದಿತ ಸಮಯಕ್ಕೆ ಅಣಕು ಮತದಾನ ನಡೆದು ಬೆಳಿಗ್ಗೆ 7 ಗಂಟೆಗೆ ಅಧಿಕೃತವಾಗಿ ಮತದಾನ ಆರಂಭವಾಗಲಿದೆ. ಮತದಾನ ಬೆಳಿಗ್ಗೆ 7 ರಿಂದ ಸಂಜೆ 6ರವರೆಗೆ ಇರುತ್ತದೆ. ಒಂದು ವೇಳೆ 6 ಗಂಟೆಯ ನಂತರ ಕ್ಯೂ ಇದ್ದರೆ ಬಿಎಲ್ಒ ಅವರು ಕ್ಯೂ ಆಪ್ ಬಳಸಿ ಎಷ್ಟು ಜನ ಕ್ಯೂನಲ್ಲಿ ಇದ್ದಾರೆ ಎಂಬ ಮಾಹಿತಿ ನೀಡುತ್ತಾರೆ’ ಎಂದು ಚುನಾವಣಾಧಿಕಾರಿ ಸೋಮಶೇಖರ್ ತಿಳಿಸಿದರು.</p>.<p>‘ಒಟ್ಟು ಮತಗಟ್ಟೆಗಳಲ್ಲಿ ವಲ್ನರಬಲ್ 7 ಹಾಗೂ 34 ಕ್ರಿಟಿಕಲ್ ಮತಗಟ್ಟೆಗಳಿವೆ. ವಿಶೇಷವಾಗಿ ಕ್ಷೇತ್ರದಲ್ಲಿ ಬನ್ನೂರು, ತಲಕಾಡು, ಮೂಗೂರು, ಹನುಮನಾಳು, ಹೊಸ ಹೆಮ್ಮಿಗೆ ಗ್ರಾಮಗಳಲ್ಲಿ ತಲಾ ಒಂದರಂತೆ 5 ಸಖಿ ಮತಗಟ್ಟೆಗಳಿವೆ. ತಿ.ನರಸೀಪುರದಲ್ಲಿ ಅಂಗವಿಕಲರಿಗೆ, ಕಲಿಯೂರಿನಲ್ಲಿ ಯುವಕರಿಗೆ ಒಂದು ಹಾಗೂ ಧ್ಯೇಯ ಯುಕ್ತ (ಥೀಮ್ ಬೇಸ್ಡ್) ಒಂದು ಮತಗಟ್ಟೆಗಳಿವೆ’ ಎಂದು ಮಾಹಿತಿ ನೀಡಿದರು.</p>.<p>‘ಎಲ್ಲಾ ಮತಗಟ್ಟೆಗಳು ಸೇರಿದಂತೆ 139 ಸಿಸಿ ಕ್ಯಾಮೆರಾಗಳನ್ನು ವೆಬ್ ಕಾಸ್ಟಿಂಗ್ಗಾಗಿ ಅಳವಡಿಸಲಾಗಿದೆ. ಕೇಂದ್ರ ಸರ್ಕಾರದಿಂದ ನಿಯೋಜಿತಗೊಂಡ ಸೂಕ್ಷ್ಮ ಪರಿಶೀಲನಾ ಅಧಿಕಾರಿಗಳು ಕೂಡ ಇರುತ್ತಾರೆ’ ಎಂದು ತಿಳಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
