‘ಈ ಸಂಶೋಧನೆಯು ಜಗತ್ತಿನ ಆವಿಷ್ಕಾರಗಳಲ್ಲಿ ಒಂದು. 700–800 ವರ್ಷಗಳ ಹಿಂದೆ ಪುರಂದರದಾಸರು ಕರ್ನಾಟಕ ಸಂಗೀತಕ್ಕೆ ಪಠ್ಯ ಬರೆದರೆಂಬ ದಾಖಲೆ ಇದೆ. 500 ವರ್ಷಗಳ ಹಿಂದೆ ಪಾಶ್ಚಾತ್ಯ ಸಂಗೀತಕ್ಕೆ ಪಠ್ಯ ಬರೆದ ದಾಖಲೆ ಇದೆ. ಅದಾದ ಬಳಿಕ ಸಂಗೀತ ಶಾಸ್ತ್ರಗಳಲ್ಲಿ ಯಾವುದೇ ಆವಿಷ್ಕಾರ, ಸಿದ್ಧತೆಗಳು ಆಗಿರಲಿಲ್ಲ. ಇದನ್ನು ಗಹನವಾಗಿ ಯೋಚನೆ ಮಾಡಿ, ಐದನೇ ಸಂಗೀತ ಶಾಸ್ತ್ರ ಎನ್ನುವ ಆಧುನಿಕ ಶಾಸ್ತ್ರ ಮಾಡಿದ್ದೇವೆ. ಅದನ್ನು ಜನಪದವೂ ಸೇರಿದಂತೆ ಯಾವುದೇ ಜಗತ್ತಿನ ಸಂಗೀತ ಕಲಿಯುವುದಕ್ಕೆ ಅನುಕೂಲ ಆಗುವಂತೆ, ಬರೆದು ಓದುವುದಕ್ಕೆ ದೇಸಿ ನೊಟೇಷನ್ ಎನ್ನುವ ವಿಶ್ವವ್ಯಾಪಕವಾದ ಸಂಗೀತ ಲಿಪಿಯನ್ನು ಆವಿಷ್ಕಾರ ಮಾಡಿದ್ದೇವೆ. ಅದು ವಿಶ್ವ ಸಂಗೀತ ಪ್ರಪಂಚಕ್ಕೆ ಕರ್ನಾಟಕದ ದೊಡ್ಡ ಕೊಡುಗೆ’ ಎಂದು ಅವರು ವಿವರಿಸಿದರು.