ಮನಸೂರೆಗೊಂಡ ಪಿಟೀಲು ವಾದನ

ಪಂಚರತ್ನ ಕೃತಿಗಳ ಗೋಷ್ಠಿ ಗಾಯನ, ರಥೋತ್ಸವ ಮತ್ತು ಯುಗಳ ಪಿಟೀಲು ವಾದನದೊಂದಿಗೆ ಉದ್ಯುಕ್ತವಾಗಿ ತೆರೆ ಕಂಡಿತು.

ಬೆಳಿಗ್ಗೆ ಗಾನ ಕಲಾಭೂಷಣ ವಿದ್ವಾನ್ ಆರ್.ಕೆ.ಪದ್ಮನಾಭ್ ಮತ್ತು ಶಿಷ್ಯವೃಂದ ತ್ಯಾಗರಾಜರ ಪಂಚರತ್ನ ಕೃತಿಗಳ ಗೋಷ್ಠಿ ಗಾಯನ ಸಭಿಕರಲ್ಲಿ ನವ ಚೈತನ್ಯ ಉಂಟು ಮಾಡಿತು.‌

ನಂತರ ಚನ್ನಕೇಶಸ್ವಾಮಿಗೆ ರಥೋತ್ಸವದ ವೇಳೆ ಆರ್.ಕೆ.ಪದ್ಮನಾಭ್, ವಿವಿಧೆಡೆಯಿಂದ ಆಗಮಿಸಿದ್ದ ಕಲಾವಿದರು, ಸಂಗೀತ ಪ್ರಿಯರು ಮತ್ತು ಸ್ಥಳೀಯರು ದೇವರನಾಮ ಸಂಕೀರ್ತನೆ ಹೇಳುತ್ತಾ ರಥದ ಮುಂದೆ ಕುಣಿದು ಕುಪ್ಪಳಿಸುತ್ತಾ ಸಾಗಿದ್ದು ವಿಶೇಷವಾಗಿತ್ತು. ಅಂತರರಾಷ್ಟ್ರೀಯ ಖ್ಯಾತಿಯ ವಿದ್ವಾನ್ ಮೈಸೂರು ಎಂ.ನಾಗರಾಜು ಮತ್ತು ಮೈಸೂರು ಎಂ.ಮಂಜುನಾಥ್ ಯುಗಳ ಪಿಟೀಲುವಾದನ ಸಭಿಕರನ್ನು ಸಂಗೀತಲೋಕಕ್ಕೆ ಕರೆದೊಯ್ಯಿತು.

ಅನುಭವಿ ಕಲಾವಿದರ ಪಿಟೀಲಿನ ಸ್ವರತರಂಗ ಮತ್ತು ವಿದ್ವಾನ್ ತಿರುವಾರೂರು ಭಕ್ತವತ್ಸಲಂ ಮೃದಂಗ, ಗಿರಿಧರ್ ಉಡುಪ ಅವರ ಘಟವಾದನ, ಹದವಾಗಿ ಬೆರೆತು ಸಂಗೀತದ ಹೊನಲು ಹರಿಸಿತು.