ಮೈಸೂರು: ಫುಟ್‌ಬಾಲ್‌ ಆಟಗಾರರೂ ಆಗಿದ್ದ ಶ್ರೀನಿವಾಸ ಪ್ರಸಾದ್ ಕ್ರೀಡೆಗೆ ಉತ್ತೇಜನ ನೀಡುತ್ತಿದ್ದರು. ಕ್ರೀಡಾಪಟುಗಳಿಗೆ ನೆರವಾಗುತ್ತಿದ್ದರು.
ಒಂದು ಕಾಲದಲ್ಲಿ ದೇಶವನ್ನು ಪ್ರತಿನಿಧಿಸಿ, ಕೋಲ್ಕತ್ತಾದ ಕ್ಲಬ್‌ಗಳಿಗೂ ಆಡಿದ್ದ ಫುಟ್‌ಬಾಲ್‌ ಆಟಗಾರ ರಾಜಣ್ಣ ಅವರು ಆರ್ಥಿಕ ಬಿಕ್ಕಟ್ಟಿಗೆ ಸಿಲುಕಿದ್ದರು. 2002ರ ‘ಫಿಫಾ’ ವಿಶ್ವಕಪ್ ಪಂದ್ಯಗಳನ್ನು ಮನೆಯ ಪಕ್ಕದ ಟೈಲರ್ ಅಂಗಡಿಯೊಂದರಲ್ಲಿ ವೀಕ್ಷಿಸುತ್ತಿದ್ದರು. ಅವರ ಬಗ್ಗೆ ‘ಪ್ರಜಾವಾಣಿ’ಯಲ್ಲಿ ವಿಶೇಷ ವರದಿ ಬಂದಿತ್ತು.
ಅದನ್ನು ಗಮನಿಸಿದ ಶ್ರೀನಿವಾಸ ಪ್ರಸಾದ್ ಅವರು ಮರುದಿನವೇ ದೊಡ್ಡ ಕಲರ್ ಟಿವಿ ಕೊಡಿಸಿದ್ದರು.
