23 ಪಾಸಿಟಿವ್ ಪ್ರಕರಣಗಳಲ್ಲಿ 8 ಮಾನ್ವಿ ತಾಲ್ಲೂಕು, 6 ಸಿಂಧನೂರು ತಾಲ್ಲೂಕು, 2 ರಾಯಚೂರು ತಾಲ್ಲೂಕು ಹಾಗೂ 7 ಪ್ರಕರಣಗಳು ದೇವದುರ್ಗ ತಾಲ್ಲೂಕಿನವು. ಪಾಸಿಟಿವ್ ಪ್ರಕರಣಗಳಲ್ಲಿ ಮಹಾರಾಷ್ಟ್ರದಿಂದ ಹಿಂತಿರುಗಿದ ದೇವದುರ್ಗ ತಾಲ್ಲೂಕಿನ ಮಿಯ್ಯಾಪುರದ 5 ವರ್ಷದ ಬಾಲಕ, 11 ವರ್ಷದ ಬಾಲಕಿ ಸೇರಿ ನಾಲ್ವರು ಒಂದೇ ಗ್ರಾಮದವರು. ಮಹಾರಾಷ್ಟ್ರದಿಂದ ಹಿಂತಿರುಗಿದ ಹಾಲದಹಟ್ಟಿ ಗ್ರಾಮದ 16 ವರ್ಷ ಬಾಲಕ ಸೇರಿ ಮೂವರಿಗೆ ಕೋವಿಡ್ ಪತ್ತೆಯಾಗಿದೆ. ರಾಯಚೂರು ನಗರದಲ್ಲಿ ಬೆಂಗಳೂರಿನಿಂದ ಹಿಂತಿರುಗಿದ್ದ 30 ವರ್ಷದ ವ್ಯಕ್ತಿಗೆ ಹಾಗೂ ಕೆಮ್ಮು, ಜ್ವರದಿಂದ ಬಳಲಿದ ಡ್ಯಾಡಿ ಕಾಲೋನಿಯ 60 ವರ್ಷದ ವ್ಯಕ್ತಿಯದ್ದು ಪಾಜಿಟಿವ್ ವರದಿ ಇದೆ.