ಹಟ್ಟಿ ಪಟ್ಟಣದಲ್ಲಿ ಜೋಳದ ಮಾರಾಟ ಜೋರಾಗಿ ನಡೆಯುತ್ತಿದ್ದು ವಾರದ ಸಂತೆಯಲ್ಲಿ ಜೋಳದ ಬೆಲೆ ಬಿಸಿಲಿ ನಂತೆ ದಿನದಿಂದ ದಿನಕ್ಕೆ ಏರಿಕೆಯಾ ಗುತ್ತಿದೆ, 1 ಕ್ವಿಂಟಾಲ್ ಜೋಳಕ್ಕೆ ₹5,600 ನಿಗದಿ ಪಡಿಸಿದ್ದಾರೆ. ಒಂದು ಏರು (42 ಸೇರು) ತೆಗೆದುಕೊಂಡರೆ ₹9500 ರಿಂದ ₹10 ಸಾವಿರ ಕೊಡ ಬೇಕು. ಇದರಿಂದ ಜೋಳವನ್ನು ಗ್ರಾಹ ಕರು ಖರೀದಿಸಲು ಹಿಂದೆಟು ಹಾಕು ವಂತೆ ಮಾಡುತ್ತಿದೆ ಜೋಳದ ಬೆಲೆ.

ಒಂದು ಸೇರು ಜೋಳಕ್ಕೆ ₹65 ರಿಂದ ₹70 ಆಗಿದೆ. ಜೋಳ ಬೆಳೆಯನ್ನು ಬೆಳೆದಿರುವ ರೈತರು ಖಷಿಯಲ್ಲಿ ಇದ್ದರೆ, ಕೊಂಡುಕೊಳ್ಳುವವರು ತೆಗೆದುಕೊಳ್ಳ ಬೇಕೊ ಬೆಡೋವೊ ಎಂದು ಯೋಚನೆ ಮಾಡುವಂತಾಗಿದೆ ಎನ್ನುತ್ತಾರೆ ಜನರು.

ಜೋಳ ಬೆಲೆ ಏರಿಕೆಗೆ ಕಾರಣ:

ಗುರುಗುಂಟಾ ಹೋಬಳಿ ವ್ಯಾಪ್ತಿಯಲ್ಲಿ ಈ ಭಾರಿ ರೈತರು ಅತಿ ಹೆಚ್ಚಾಗಿ ತೊಗರಿ, ಸಜ್ಜೆ, ಕಡಲೆ ಬೆಳೆಗಳನ್ನು ಬೆಳದಿದ್ದಾರೆ. ಇದರಿಂದ ಜೋಳದ ಕೊರತೆ ಇರುವುರಿಂದ ಬೆಲೆ ಏರಿಕೆಯಾಗಿದೆ ಎನ್ನುತ್ತಾರೆ ವ್ಯಾಪಾರಿ ನಿಂಗಪ್ಪ ಹಟ್ಟಿ.

ಬೆಳಗಾವಿ, ಬಾಗಲಕೋಟ, ವಿಜಯಪುರ ಸೇರಿದಂತೆ ಇತರೆ ಜಿಲ್ಲೆಗಳಿಂದ ಜೋಳವನ್ನು ಮಾರಾಟ ಮಾಡಲು ಹಟ್ಟಿ ಪಟ್ಟಣಕ್ಕೆ ವ್ಯಾಪಾರಿಗಳು ಆಗಮಿಸುತ್ತಿದ್ದು ನಿತ್ಯ, 70 ರಿಂದ 100 ಕ್ವಿಂಟಾಲ್ ಜೋಳವನ್ನು ಮಾರಾಟ ಮಾಡಿ ಹೋಗುತ್ತಿದ್ದು ಕೆಲ ವ್ಯಾಪಾರಿಗಳು ಇದನ್ನೆ ಬಂಡವಾಳ ಮಾಡಿಕೊಂಡಿರುವ ವ್ಯಾಪಾರಿಗಳು, ಕಲಬೆರಕೆ, ಜೋಳಗಳನ್ನು ತಂದು ಮಾರಾಟ ಮಾಡುತ್ತಿದ್ದಾರೆ, ಎನ್ನುತ್ತರೆ ಇಲ್ಲಿನ ಜನರು.