ಹೊಸ ವರ್ಷಕ್ಕೆ ಸಂಭ್ರಮದ ಸ್ವಾಗತ

ರಾಯಚೂರು: ನೂತನ ವರ್ಷವನ್ನು ಸ್ವಾಗತಿಸುವುದು ಹಾಗೂ ಮುಗಿದು ಹೋಗುವ ವರ್ಷಕ್ಕೆ ವಿದಾಯ ಹೇಳುವ ಸಂಭ್ರಮ, ಸಡಗರ ಎಲ್ಲೆಡೆಯಲ್ಲೂ ಮಂಗಳವಾರ ತಡ ರಾತ್ರಿವರೆಗೂ ಮನೆಮಾಡಿತ್ತು.

. ಡಿಸೆಂಬರ್ 31 ರ ಸೂರ್ಯಾಸ್ತ ಆಗುತ್ತಿದ್ದಂತೆ, ಬಡಾವಣೆಯ ಬೀದಿಗಳು ಹಾಗೂ ನಗರ, ಪಟ್ಟಣಗಳ ಪ್ರಮುಖ ರಸ್ತೆಗಳಲ್ಲಿ ವಾಹನಗಳು ಸಂಚರಿಸುವ ವೇಗ ಹೆಚ್ಚಾಯಿತು. ಹೊಸ ವರ್ಷಾಚರಣೆ ಕಾರ್ಯಕ್ರಮಗಳಿಗೆ ಹಾಜರಾಗಲು ಯುವಕರು ವೇಗದೊಂದಿಗೆ ಹೋಗುತ್ತಿದ್ದರು. ರಾತ್ರಿ ಆಗುತ್ತಿದ್ದಂತೆ ಸಂಭ್ರಮವು ಮತ್ತಷ್ಟು ಹೆಚ್ಚಾಯಿತು.

. ಕೆಲವು ಯುವಕರು ಬೈಕ್ ಹಾಗೂ ಕಾರುಗಳ ಶಬ್ದ ಹೆಚ್ಚಿಸಿಕೊಂಡು ರಸ್ತೆಗಳಲ್ಲಿ ಸಂಭ್ರಮ ಪಟ್ಟರು. ಕೆಲವರು ರಸ್ತೆಗಳಲ್ಲಿಯೇ ‘ಹ್ಯಾಪಿ ನ್ಯೂ ಇಯರ್’ ಎಂದು ಬರೆಯುವ ಸಾಹಸದಲ್ಲಿ ತೊಡಗಿದ್ದರು. ಸ್ಟೇಷನ್ ರಸ್ತೆಯ ಹಾಸನ್ ಬೇಕರಿ, ಐಬಿ ಕಾಲೋನಿ ಪಕ್ಕದ ಕೇಕ್ ಕಾರ್ನರ್, ಆಶಾಪುರ ರಸ್ತೆಯ ಬೆಂಗಳೂರು ಬೇಕರಿ ಸೇರಿದಂತೆ ನಗರದ ಬೇಕರಿಗಳಲ್ಲಿ ಸಂಜೆಯಿಂದಲೇ ವೈವಿಧ್ಯಮಯ ಕೇಕ್ ಖರೀದಿಗೆ ಜನರು ಮುಗಿಬಿದ್ದಿದ್ದರು. ಸಿಹಿ ತಿನಿಸುಗಳಿಗೆ ವಿಶೇಷ ಬೇಡಿಕೆ ಇತ್ತು. ತಂಪು ಪಾನೀಯಗಳು ಕೂಡಾ ಯಥೇಚ್ಛವಾಗಿ ಮಾರಾಟವಾದವು.

. ತಿನ್ ಕಂದಿಲ್, ಚಂದ್ರಮೌಳೇಶ್ವರ ಸರ್ಕಲ್, ನವೋದಯ ಕ್ಯಾಂಪಸ್ ಎದುರು, ಗಂಜ್ ಸರ್ಕಲ್, ಚಂದ್ರಬಂಡಾ ರಸ್ತೆ ಸೇರಿದಂತೆ ಪ್ರಮುಖ ವೃತ್ತಗಳಲ್ಲಿ ಯುವಕರು ತಂಡ ತಂಡವಾಗಿ ನಿಂತು ಪರಸ್ಪರ ಹೊಸ ವರ್ಷದ ಶುಭಾಶಯ ಕೋರಿದರು. ಕೆಲವು ಬಡಾವಣೆಗಳಲ್ಲಿ ಕಡೆಗಳಲ್ಲಿ ಹಾಡು, ಸಂಗೀತ ಹಾಕಿಕೊಂಡು ಯುವಕರು, ಮಕ್ಕಳು ನೃತ್ಯ ಮಾಡಿದರು.

. ಬಾರ್ ಮತ್ತು ರೆಸ್ಟೊರೆಂಟ್ ಭರ್ತಿ

. ನಗರದ ಎಲ್ಲ ಬಾರ್ ಹಾಗೂ ರೆಸ್ಟೊರೆಂಟ್ಗಳು ಮದ್ಯಪ್ರಿಯರಿಂದ ಭರ್ತಿಯಾಗಿದ್ದವು. ರೈಲ್ವೆ ನಿಲ್ದಾಣ ಪಕ್ಕದ ಎಂಎಸ್ಐಎಲ್ ಮಳಿಗೆಯಲ್ಲಿ ಮದ್ಯ ಖರೀದಿಗಾಗಿ ಸಂಜೆಯಿಂದಲೇ ಜನರು ಮುಗಿಬಿದ್ದಿದ್ದರು. ಚಿಕನ್ ಹಾಗೂ ಮಟನ್ ಖರೀದಿ ಭರಾಟೆಯೂ ಜೋರಾಗಿತ್ತು.

. ಬಡಾವಣೆಗಳಲ್ಲಿ ಜನರು ಎಂದಿನಂತೆ ಬೇಗನೆ ನಿದ್ರಿಸದೆ, ತಡರಾತ್ರಿವರೆಗೂ ಕಾದಿದ್ದರು. ವಸತಿ ಸಮುಚ್ಛಯಗಳಿರುವ ಕಡೆಗಳಲ್ಲಿ ಮಧ್ಯರಾತ್ರಿ ಪಟಾಕಿ ಸಿಡಿಸಿ, ಸಿಹಿ ಹಂಚುವ ತಯಾರಿ ಮಾಡಿಕೊಂಡಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೊಸ ವರ್ಷಕ್ಕೆ ಸಂಭ್ರಮದ ಸ್ವಾಗತ

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!