ಮಸ್ಕಿ: ರಸ್ತೆ ವಿಸ್ತರಣೆ ಕಾಮಗಾರಿ ಆರಂಭ

ಶುಕ್ರವಾರ ರಸ್ತೆ ವಿಸ್ತರಣೆಗೆ ಎರಡು ಕಡೆ ಗುರುತು ಮಾಡುವ ಕಾರ್ಯ ಆರಂಭವಾಗಿದೆ. ರಸ್ತೆ ಮದ್ಯಭಾಗದಿಂದ ಎರಡು ಕಡೆ ತಲಾ 50 ಅಡಿಗೆ ಗುರುತು ಮಾಡಲಾಗಿದೆ. ಅದರೊಳಗೆ ಬರುವ ಅಂಗಡಿ ತೆರವು ಮಾಡಿಸುವಂತೆ ಗುತ್ತಿಗೆದಾರ ಶ್ರೀನಿವಾಸ್ ಅಮ್ಮಾಪುರ ಕಂಪನಿಯವರು ಪುರಸಭೆಗೆ ಪತ್ರ ಬರೆದಿದ್ದಾರೆ.

‘ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದಿಂದ ಅಂದಾಜು ₹8 ಕೋಟಿ ವೆಚ್ಚದಲ್ಲಿ ಪಟ್ಟಣದ ರಸ್ತೆ ಅಭಿವೃದ್ಧಿ ಮಾಡಲಾಗುತ್ತದೆ. ಶೀಘ್ರದಲ್ಲಿಯೇ ರಸ್ತೆಯ ಎರಡು ಬದಿಯ ಅಂಗಡಿಗಳನ್ನು ತೆರವು ಮಾಡಿಸಲಾಗುವುದು’ ಎಂದು ಪುರಸಭೆ ಮುಖ್ಯಾಧಿಕಾರಿ ನರಸರೆಡ್ಡಿ ‘ಪ್ರಜಾವಾಣಿ’ ಗೆ ತಿಳಿಸಿದರು.

ಕಳೆದ ಎರಡು ದಿನಗಳಿಂದ ಅಮ್ಮಾಪುರ ಕಂಪನಿಯ ಹತ್ತಕ್ಕೂ ಹೆಚ್ಚು ಸಿಬ್ಬಂದಿ ರಸ್ತೆ ಸರ್ವೆ ಕೈಗೊಂಡಿದ್ದಾರೆ. ಎರಡು ಕಡೆ ಹಳದಿ ಗುರುತು ಹಾಕಿ ಅಂಗಡಿಗಳವರಿಗೆ ಸೂಚನೆ ನೀಡುತ್ತಿದ್ದು ಕಂಡುಬಂತು.