ಸಿರವಾರ: ಪಟ್ಟಣದ ಪುರಾತನ ವೆಂಕಟೇಶ್ವರ ದೇವಸ್ಥಾನಕ್ಕೆ ಮುಖ್ಯದ್ವಾರವನ್ನು ಸ್ಥಾಪಿಸುವ ಮೂಲಕ ದೇವಸ್ಥಾನದ ಜೀರ್ಣೋದ್ಧಾರ ಕಾರ್ಯಕ್ಕೆ ಭಾನುವಾರ ಚಾಲನೆ ನೀಡಲಾಯಿತು.
ಅರ್ಚಕ ಯಲಗುರದಾಚಾರ್ಯ ಜೋಷಿ ಅವರು ಪೂಜೆ ಸಲ್ಲಿಸಿ ಮಾತನಾಡಿ, ಭಕ್ತರ ಸಹಕಾರದಿಂದ ದೇವಸ್ಥಾನದ ಜೀರ್ಣೋದ್ಧಾರ ಕಾರ್ಯಕ್ಕೆ ಮುಂದಾಗಿದ್ದು, ಶೀಘ್ರದಲ್ಲಿ ದೇವಸ್ಥಾನವು ಸುಸಜ್ಜಿತವಾಗಿ ನಿರ್ಮಾಣವಾಗಲಿದೆ ಎಂದರು.
ವಾದಿರಾಜ, ಶ್ರೀನಿವಾಸಾಚಾರ್ ಜೋಷಿ, ನರಸಿಂಹಾಚಾರ್ ಜೋಷಿ, ಕುಪ್ಪಾಚಾರ್ ಜೋಷಿ, ವಸುಧೇಂದ್ರ, ಗೋಪಾಲಾಚಾರ್, ರಮೇಶ ದರ್ಶನಕರ್, ಕೃಷ್ಣಾಜಿರಾವ್ ಸೂರ್ಯವಂಶಿ, ಜಯರಾಮ ಶೆಟ್ಟಿ, ರಮೇಶ ಶೆಟ್ಟಿ, ಶೇಖರಯ್ಯ ಸ್ವಾಮಿ, ಅಯ್ಯಪ್ಪಗೌಡ ನಂದರೆಡ್ಡಿ, ವೆಂಕಟಸ್ವಾಮಿ ಪೂಜಾರಿ, ಅಮರೇಶ ಉಪ್ಪಾರ ಸೇರಿದಂತೆ ಭಕ್ತರು ಇದ್ದರು.
