ಲಿಂಗಸುಗೂರು | ಇರುಮುಡಿ ಸಮೇತ ಶಬರಿಮಲೆ ಯಾತ್ರೆ

ಅಯ್ಯಪ್ಪಸ್ವಾಮಿ ಮೂರ್ತಿಗೆ ಅಭಿಷೇಕ, ಮಹಾಮಂಗಳಾರತಿ ಮಾಡಲಾಯಿತು. ಹದಿನೆಂಟು ಮೆಟ್ಟಿಲು ಪೂಜೆ ನೆರವೇರಿಸಿ ಇರುಮುಡಿ ಪೂಜೆ ಸಲ್ಲಿಸಲಾಯಿತು.

ಮೇ ತಿಂಗಳ ಪೂಜಾ ದರ್ಶನ ಮೇ 14ರಿಂದ ಆರಂಭಗೊಂಡಿದ್ದು, ಮೇ 19ಕ್ಕೆ ಮುಕ್ತಾಯಗೊಳ್ಳಲಿದೆ. ಬಹುತೇಕ ಮಾಲಾಧಾರಿಗಳು ಕ್ರೂಸರ್ ಮತ್ತು ರೈಲಿನ ಮೂಲಕ ತೆರಳಿದರು.

ಗುರುಸ್ವಾಮಿಗಳಾದ ಈರಣ್ಣ, ಸಿದ್ದರಾಮಪ್ಪ, ಕಂಠಯ್ಯಸ್ವಾಮಿ, ಈರಪ್ಪ ಗುಂಡಸಾಗರ ನೇತೃತ್ವದಲ್ಲಿ ಬುಧವಾರ ಮಧ್ಯರಾತ್ರಿ ಪ್ರಯಾಣ ಬೆಳೆಸಿದರು.