ತಾವರೆಕೆರೆ ಪೊಲೀಸ್ ಠಾಣೆ ವ್ಯಾಪ್ತಿಯ ತಗಚಕುಪ್ಪೆ-ಪೂಜಾರಹಟ್ಟಿ ಕಾಲೊನಿಯ ರಸ್ತೆ ನಡುವೆ ಗಾಂಜಾ ಸೊಪ್ಪು ಮಾರುತ್ತಿದ್ದವರ ಮೇಲೆ ಪೊಲೀಸರು ದಾಳಿ ನಡೆಸಿದ್ದು, 60 ಕೆ.ಜಿ.ಯಷ್ಟು ಸೊಪ್ಪನ್ನು ವಶಕ್ಕೆ ಪಡೆದಿದ್ದಾರೆ. ಈ ಸಂಬಂಧ ಬೆಂಗಳೂರಿನ ನಿವಾಸಿಗಳಾದ ಕುಪ್ಪುಸ್ವಾಮಿ (45), ಪಾಂಗಿಪ್ರಸಾದ್ (28), ಶಿವರಾಜ (29), ಶಂಕರ (47), ಮಂಜುನಾಥ (24), ನವೀನ್ಕುಮಾರ್ (24). ಶರತ್ಕುಮಾರ್ (21) ಹಾಗೂ ಕಾರ್ತಿಕ್ ಎಂಬುವರನ್ನು ಬಂಧಿಸಲಾಗಿದೆ. ಬಂಧಿತರಿಂದ ಒಂದು ಇನೋವಾ ಕಾರ್, ಒಂದು ಬೈಕ್, ಮೂರು ಮೊಬೈಲ್ ಹಾಗೂ 3 ಸಾವಿರ ನಗದು ವಶಕ್ಕೆ ಪಡೆಯಲಾಗಿದೆ.
