ಕಮಲಮ್ಮ ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆ ವಿಡಿಯೊ ಸಂವಾದದಲ್ಲಿ ಮಾತನಾಡುವ ಮೂಲಕ ಗಮನ ಸೆಳೆದವರು. ಅವರ 12 ಎಕರೆ ಹೊಲದಲ್ಲಿ ಅನೇಕ ಕೃಷಿ ಪ್ರಯೋಗಗಳು ನಡೆದಿವೆ. ಮುಖ್ಯವಾಗಿ ಜಮೀನಿನಲ್ಲಿನ ಪಾಲಿಹೌಸ್ನಲ್ಲಿ ನಾಲ್ಕೈದು ವರ್ಷದಿಂದ ದಪ್ಪ ಮೆಣಸಿನಕಾಯಿ ಬೆಳೆಯುತ್ತ ಬಂದಿದ್ದಾರೆ. ಇವರ ಹೊಲದಲ್ಲಿನ ಬಣ್ಣಬಣ್ಣದ ದಪ್ಪ ಮೆಣಸಿನಕಾಯಿ ಸ್ಥಳೀಯವಾಗಿ ಮಾರಾಟ ಆಗುವುದಕ್ಕಿಂತ ವಿದೇಶಗಳಿಗೆ ರಫ್ತಾಗುವುದೇ ಹೆಚ್ಚು. ರಫ್ತುದಾರ ಕಂಪನಿಗಳ ಜೊತೆ ಒಪ್ಪಂದ ಮಾಡಿಕೊಂಡಿದ್ದು, ಪಾಲಿಹೌಸ್ನಲ್ಲೇ ಪ್ಯಾಕ್ ಆಗಿ ಇಲ್ಲಿಂದ ರೈಲು, ವಿಮಾನ ಏರಿ ವಿವಿಧ ದೇಶಗಳಿಗೆ ರಫ್ತಾಗುತ್ತಿದೆ. ಅದರೆ, ಸದ್ಯ ವಿದೇಶಗಳಿಗೆ ರಫ್ತು ಬಂದಾಗಿರುವ ಕಾರಣ ಈ ಬಹುವರ್ಣದ ಕ್ಯಾಪ್ಸಿಕಂ ಬೇಡಿಕೆ ಕಳೆದುಕೊಂಡಿದೆ.