ಕನಕಪುರ: ನಗರದಲ್ಲಿ ಬುಧವಾರ ಶಕ್ತಿ ದೇವತೆ ಬಾಣಂತ ಮಾರಮ್ಮ ದೇವಿಯ ಅಗ್ನಿ ಕೊಂಡೋತ್ಸವ ಸಾವಿರಾರು ಭಕ್ತರು ಸಮ್ಮುಖದಲ್ಲಿ ಯಶಸ್ವಿಯಾಗಿ ನಡೆಯಿತು.
ಬಾಣಂತಮಾರಮ್ಮ ದೇವಿಯ ಎಳವಾರ ಕಾರ್ಯಕ್ರಮವು ಮಂಗಳವಾರ ರಾತ್ರಿ ನಡೆದಿದ್ದು ಬುಧವಾರ ಬೆಳಿಗ್ಗೆ ಅಗ್ನಿಕೊಂಡೋತ್ಸವದ ಅಂಗವಾಗಿ ಅರ್ಕಾವತಿ ನದಿಯಿಂದ ಗಂಗಾಪೂಜೆ ನೆರವೇರಿಸಿ ಮೆರವಣಿಗೆ ಮೂಲಕ ದೇವರನ್ನು ಕರೆತರಲಾಯಿತು.
ಮಹಿಳೆಯರು ಶೃಂಗರಿಸಿದ ತಂಬಿಟ್ಟಿನ ಆರತಿಯೊಂದಿಗೆ ಬಾಣಂತಮಾರಮ್ಮ ಮೆರವಣಿಗೆಯಲ್ಲಿ ಸಾಗಿದರು. ದೇವಾಲಯದ ಅರ್ಚಕ ಬೆಳಿಗ್ಗೆ 7 ಗಂಟೆಗೆ ದೇವಿಯ ಕಳಸವನ್ನು ಹೊತ್ತು ಅಗ್ನಿಕೊಂಡವನ್ನು ಯಶಸ್ವಿಯಾಗಿ ಆಯ್ದರು.
ಬಾಣಂತ ಮಾರಮ್ಮ ಬಡಾವಣೆ, ವಿವೇಕಾನಂದ ನಗರ, ನೀಲಕಂಠೇಶ್ವರ ಬಡಾವಣೆ, ನಿರ್ವಹಣೆಶ್ವರ ನಗರ, ಭುವನೇಶ್ವರಿ ನಗರ, ಮಹದೇಶ್ವರ ಬಡಾವಣೆ, ಬೃಂದಾವನ ನಗರ ಸೇರಿದಂತೆ ಸುತ್ತಮುತ್ತಲ ಬಡಾವಣೆಯ ಜನತೆ ಅಗ್ನಿಕೊಂಡೋತ್ಸವದಲ್ಲಿ ಪಾಲ್ಗೊಂಡಿದ್ದರು.
