<p><strong>ರಾಮನಗರ: </strong>ಪದವಿ ಪೂರ್ವ ಶಿಕ್ಷಣ ಇಲಾಖೆಯ ರಾಷ್ಟ್ರೀಯ ಸೇವಾ ಯೋಜನೆ, ರಾಮನಗರದ ಸರ್ಕಾರಿ ಪದವಿ ಪೂರ್ವ ಬಾಲಕರ ಕಾಲೇಜು ಹಾಗೂ ಕೂಟಗಲ್ ಗ್ರಾಮಸ್ಥರು ಜಂಟಿಯಾಗಿ ಶುಕ್ರವಾರದಿಂದ ಇದೇ 13ರವರೆಗೆ ರಾಷ್ಟ್ರೀಯ ಸೇವಾ ಯೋಜನೆ ವಿಶೇಷ ಶಿಬಿರ `ಜಲ-ವನ ನಮ್ಮ ಸಂಪತ್ತು~ ಆಯೋಜಿಸಿವೆ.<br /> <br /> ಶಿಬಿರದ ಉದ್ಘಾಟನೆ ಶುಕ್ರವಾರ ಸಂಜೆ 4 ಗಂಟೆಗೆ ನಡೆಯಲಿದ್ದು, ಕೂಟಗಲ್ ಗ್ರಾ.ಪಂ. ಅಧ್ಯಕ್ಷೆ ಭಾಗ್ಯಮ್ಮ ಉದ್ಘಾಟಿಸುವರು. ಕಾಲೇಜಿನ ಪ್ರಾಚಾರ್ಯ ಸಿರಾಜ್ ಉರ್ ರೆಹಮಾನ್ ಅಧ್ಯಕ್ಷತೆವಹಿಸುವರು ಎಂದು ಪ್ರಕಟಣೆ ತಿಳಿಸಿದೆ.<br /> <br /> ಇದೇ 8ರಂದು ಕೂಟಗಲ್ ಗ್ರಾಮದ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ. ಜಿ.ದಿವ್ಯಾ ಅವರು `ಆರೋಗ್ಯ ಮತ್ತು ಶುಚಿತ್ವ~ ವಿಷಯ ಕುರಿತು ಉಪನ್ಯಾಸ ನೀಡುವರು. ಇದೇ 9ರಂದು ತೋಟಗಾರಿಕೆ ಅಧಿಕಾರಿ ರಾಮಚಂದ್ರಯ್ಯ ಅವರು `ಪುಷ್ಪೋದ್ಯಮ ಮತ್ತು ವೈಜ್ಞಾನಿಕ ಬೇಸಾಯ~ ಕುರಿತು, ಇದೇ 10ರಂದು ಕೃಷಿ ಅಧಿಕಾರಿ ವೀರೇಗೌಡ ಅವರು `ಸಾವಯವ ಕೃಷಿ ಬೇಸಾಯ~ ಕುರಿತು ಉಪನ್ಯಾಸ ನೀಡುವರು.<br /> <br /> ಇದೇ 11ರಂದು ವಕೀಲ ನಾಗರಾಜ್ ಅವರು `ಕಾನೂನು ಅರಿವು~ ವಿಷಯ ಕುರಿತು, ಇದೇ 12ರಂದು ಕೂಟಗಲ್ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಎನ್.ಜಿ.ನಾಗರಾಜ್ ಅವರು `ಗ್ರಾಮ ನೈರ್ಮಲೀಕರಣ~ ಕುರಿತು ಉಪನ್ಯಾಸ ಮಾಡುವರು. ಇದೇ 13ರಂದು ಬೆಳಿಗ್ಗೆ 11 ಗಂಟೆಗೆ ಶಿಬಿರದ ಸಮಾರೋಪ ಸಮಾರಂಭ ನಡೆಯಲಿದ್ದು, ಗ್ರಾ. ಪಂ ಉಪಾಧ್ಯಕ್ಷ ವೈ.ಜೆ.ರಮೇಶ್ ಅವರು ಅಧ್ಯಕ್ಷತೆವಹಿಸುವರು. ಕ್ಷೇತ್ರದ ಜಿ.ಪಂ ಸದಸ್ಯೆ ಮಂಜುಳಾ ಮರಿದೇವರು, ತಾ.ಪಂ ಸದಸ್ಯೆ ಭಾನುಮತಿ ಬೋರೇಗೌಡ ಮೊದಲಾದವರು ಪಾಲ್ಗೊಳ್ಳುವರು. <br /> <br /> ಶಿಬಿರದ ಕಾರ್ಯಯೋಜನೆ: ಶಿಬಿರದಲ್ಲಿ ವಿದ್ಯಾರ್ಥಿಗಳಿಗೆ ಪ್ರಮುಖವಾಗಿ ಇಂಗುಗುಂಡಿ ನಿರ್ಮಾಣ, ಕೆರೆಯಲ್ಲಿ ಹೂಳೆತ್ತುವುದು, ಪರಿಸರ ಸಂರಕ್ಷಣೆ, ಮೂಢನಂಬಿಕೆಗಳ ಬಗ್ಗೆ ಜಾಗೃತಿ, ಸಾವಯವ ಗೊಬ್ಬರ ತಯಾರಿಕೆ, ಕಾನೂನು ಅರಿವು, ಜೋತಿಷ್ಯ ಮತ್ತು ವಿಜ್ಞಾನ ಹಾಗೂ ಜಾನಪದ ಮತ್ತು ಅದರ ಅನನ್ಯತೆ ಕುರಿತು ತಿಳಿಸಿಕೊಡಲಾಗುವುದು ಎಂದು ಪ್ರಕಟಣೆ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಾಮನಗರ: </strong>ಪದವಿ ಪೂರ್ವ ಶಿಕ್ಷಣ ಇಲಾಖೆಯ ರಾಷ್ಟ್ರೀಯ ಸೇವಾ ಯೋಜನೆ, ರಾಮನಗರದ ಸರ್ಕಾರಿ ಪದವಿ ಪೂರ್ವ ಬಾಲಕರ ಕಾಲೇಜು ಹಾಗೂ ಕೂಟಗಲ್ ಗ್ರಾಮಸ್ಥರು ಜಂಟಿಯಾಗಿ ಶುಕ್ರವಾರದಿಂದ ಇದೇ 13ರವರೆಗೆ ರಾಷ್ಟ್ರೀಯ ಸೇವಾ ಯೋಜನೆ ವಿಶೇಷ ಶಿಬಿರ `ಜಲ-ವನ ನಮ್ಮ ಸಂಪತ್ತು~ ಆಯೋಜಿಸಿವೆ.<br /> <br /> ಶಿಬಿರದ ಉದ್ಘಾಟನೆ ಶುಕ್ರವಾರ ಸಂಜೆ 4 ಗಂಟೆಗೆ ನಡೆಯಲಿದ್ದು, ಕೂಟಗಲ್ ಗ್ರಾ.ಪಂ. ಅಧ್ಯಕ್ಷೆ ಭಾಗ್ಯಮ್ಮ ಉದ್ಘಾಟಿಸುವರು. ಕಾಲೇಜಿನ ಪ್ರಾಚಾರ್ಯ ಸಿರಾಜ್ ಉರ್ ರೆಹಮಾನ್ ಅಧ್ಯಕ್ಷತೆವಹಿಸುವರು ಎಂದು ಪ್ರಕಟಣೆ ತಿಳಿಸಿದೆ.<br /> <br /> ಇದೇ 8ರಂದು ಕೂಟಗಲ್ ಗ್ರಾಮದ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ. ಜಿ.ದಿವ್ಯಾ ಅವರು `ಆರೋಗ್ಯ ಮತ್ತು ಶುಚಿತ್ವ~ ವಿಷಯ ಕುರಿತು ಉಪನ್ಯಾಸ ನೀಡುವರು. ಇದೇ 9ರಂದು ತೋಟಗಾರಿಕೆ ಅಧಿಕಾರಿ ರಾಮಚಂದ್ರಯ್ಯ ಅವರು `ಪುಷ್ಪೋದ್ಯಮ ಮತ್ತು ವೈಜ್ಞಾನಿಕ ಬೇಸಾಯ~ ಕುರಿತು, ಇದೇ 10ರಂದು ಕೃಷಿ ಅಧಿಕಾರಿ ವೀರೇಗೌಡ ಅವರು `ಸಾವಯವ ಕೃಷಿ ಬೇಸಾಯ~ ಕುರಿತು ಉಪನ್ಯಾಸ ನೀಡುವರು.<br /> <br /> ಇದೇ 11ರಂದು ವಕೀಲ ನಾಗರಾಜ್ ಅವರು `ಕಾನೂನು ಅರಿವು~ ವಿಷಯ ಕುರಿತು, ಇದೇ 12ರಂದು ಕೂಟಗಲ್ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಎನ್.ಜಿ.ನಾಗರಾಜ್ ಅವರು `ಗ್ರಾಮ ನೈರ್ಮಲೀಕರಣ~ ಕುರಿತು ಉಪನ್ಯಾಸ ಮಾಡುವರು. ಇದೇ 13ರಂದು ಬೆಳಿಗ್ಗೆ 11 ಗಂಟೆಗೆ ಶಿಬಿರದ ಸಮಾರೋಪ ಸಮಾರಂಭ ನಡೆಯಲಿದ್ದು, ಗ್ರಾ. ಪಂ ಉಪಾಧ್ಯಕ್ಷ ವೈ.ಜೆ.ರಮೇಶ್ ಅವರು ಅಧ್ಯಕ್ಷತೆವಹಿಸುವರು. ಕ್ಷೇತ್ರದ ಜಿ.ಪಂ ಸದಸ್ಯೆ ಮಂಜುಳಾ ಮರಿದೇವರು, ತಾ.ಪಂ ಸದಸ್ಯೆ ಭಾನುಮತಿ ಬೋರೇಗೌಡ ಮೊದಲಾದವರು ಪಾಲ್ಗೊಳ್ಳುವರು. <br /> <br /> ಶಿಬಿರದ ಕಾರ್ಯಯೋಜನೆ: ಶಿಬಿರದಲ್ಲಿ ವಿದ್ಯಾರ್ಥಿಗಳಿಗೆ ಪ್ರಮುಖವಾಗಿ ಇಂಗುಗುಂಡಿ ನಿರ್ಮಾಣ, ಕೆರೆಯಲ್ಲಿ ಹೂಳೆತ್ತುವುದು, ಪರಿಸರ ಸಂರಕ್ಷಣೆ, ಮೂಢನಂಬಿಕೆಗಳ ಬಗ್ಗೆ ಜಾಗೃತಿ, ಸಾವಯವ ಗೊಬ್ಬರ ತಯಾರಿಕೆ, ಕಾನೂನು ಅರಿವು, ಜೋತಿಷ್ಯ ಮತ್ತು ವಿಜ್ಞಾನ ಹಾಗೂ ಜಾನಪದ ಮತ್ತು ಅದರ ಅನನ್ಯತೆ ಕುರಿತು ತಿಳಿಸಿಕೊಡಲಾಗುವುದು ಎಂದು ಪ್ರಕಟಣೆ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
