ಸೋಮವಾರ, ಆಗಸ್ಟ್ 2, 2021
28 °C

ಶಿವಮೊಗ್ಗ: ಮಹತ್ವಪೂರ್ಣ ವಿಚಾರಗಳ ಭಾರತೀಯ ಪರಂಪರೆ: ಪಟ್ಟಾಭಿರಾಮ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಶಿವಮೊಗ್ಗ: ಭಾರತೀಯ ಪರಂಪರೆಯಲ್ಲಿ ಮಹತ್ವಪೂರ್ಣ ವಿಚಾರಧಾರೆಗಳು ಅಡಗಿವೆ ಎಂದು ಆರ್‌ಎಸ್‌ಎಸ್ ಮುಖಂಡ ಪಟ್ಟಾಭಿರಾಮ್ ಹೇಳಿದರು.

ಶಿವಮೊಗ್ಗ ಪ್ರೆಸ್‌ಟ್ರಸ್ಟ್‌ ಸಭಾಂಗಣದಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ಸಮಾರಂಭದಲ್ಲಿ ಡಾ.ಪಿ.ಕೆ.ಸಂತೋಷ್ ಕುಮಾರ್ ಅವರ ‘ಸಮಾಜ ವಿಜ್ಞಾನ ಮತ್ತು ಕ್ರಿಯಾಜ್ಞಾನ’ ಪುಸ್ತಕ ಬಿಡುಗಡೆ ಮಾಡಿ ಅವರು ಮಾತನಾಡಿದರು.

ಭಾರತದ ಪರಂಪರೆ ಅತ್ಯುನ್ನತವಾಗಿದೆ. ಪ್ರಪಂಚದ ಇತರೆ ಪರಂಪರೆಗಳಿಗಿಂತ ವಿಭಿನ್ನವಾಗಿದೆ. ಕೆಲವರು ಭಾರತೀಯ ಪರಂಪರೆ ಕುರಿತು ಟೀಕಿಸುತ್ತಾರೆ. ಇದು ಸಲ್ಲದು. ಡಾ.ಸಂತೋಷ್ ಕುಮಾರ್ ಅವರು ರಚಿಸಿರುವ ಪುಸ್ತಕ ಓದಲು ಸರಳವಾಗಿವೆ. ವಿಚಾರಗಳು ಮಹತ್ವ ಪೂರ್ಣವಾಗಿವೆ. 185ಕ್ಕೂ ಹೆಚ್ಚು ಆಂಗ್ಲ ಸಾಹಿತ್ಯ, 120ಕ್ಕೂ ಹೆಚ್ಚು ಗ್ರಂಥಗಳನ್ನು ಆಧಾರವಾಗಿಟ್ಟುಕೊಂಡು ರಚಿಸಿದ್ದಾರೆ. ಇದು ತೋಚಿದ್ದನ್ನು ಗೀಚಿರುವ ಪುಸ್ತಕವಲ್ಲ ಎಂದರು.

ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಸ್.ಈಶ್ವರಪ್ಪ ಮಾತನಾಡಿ, ಭಾರತೀಯ ವಿಚಾರಧಾರೆಗಳು ಅಥವಾ ಕ್ರಿಯಾವಿಧಿಗಳು ಜೀವನದಲ್ಲಿ ಹಾಸುಹೊಕ್ಕಾಗಿವೆ. ಲೇಖಕರು ಸಮರ್ಥವಾಗಿ ನಿರೂಪಿಸಿದ್ದಾರೆ. ಸಮಾಜ ತಿದ್ದುವಲ್ಲಿ ಲೇಖಕರು ಆಸಕ್ತಿ ಶ್ಲಾಘನೀಯ ಎಂದರು.

ಕುವೆಂಪು ವಿಶ್ವವಿದ್ಯಾಲಯದ ನಿವೃತ್ತ ಪ್ರಾಧ್ಯಾಪಕ ಪ್ರೊ.ಜೆ.ಎಸ್.ಸದಾನಂದ, ಪ್ರಾಧ್ಯಾಪಕ ಪ್ರೊ.ಷಣ್ಮುಖಪ್ಪ, ಹಿರಣ್ಣಯ್ಯ ಉಪಸ್ಥಿತರಿದ್ದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು