ಶಿವಮೊಗ್ಗ: ಮೆಕ್ಕೆಜೋಳ ಒಣಗಿಸಲು ವರುಣನ ಅಡ್ಡಿ

ಮುಂಗಾರು ಆರಂಭದಿಂದ ಬಿತ್ತನಗೆ ಸಿದ್ಧತೆ ನಡೆದಿದೆ. ಆದರೆ ಸಮರ್ಪಕವಾದ ಬಿತ್ತನೆ ಬೀಜ ರಸಗೊಬ್ಬರ ಲಭ್ಯವಾಗುತ್ತಿಲ್ಲ. ಕೃಷಿ ಇಲಾಖೆ ಕೇಂದ್ರಗಳಲ್ಲಿ ಪಹಣಿಗೆ ಇಂತಿಷ್ಟು ಪೂರೈಕೆ ಮಾಡಬೇಕು ಎಂದು ಸೀಮಿತಗೊಳಿಸಿದ್ದಾರೆ. ಖಾಸಗಿ ಅಂಗಡಿಗಳಲ್ಲಿ ಬೇಕಾ ಬಿಟ್ಟಿಯಾಗಿ ಬೆಲೆ ನಿಗದಿ ಪಡಿಸಿದ್ದಾರೆ. ಇದರಿಂದ ದುಪ್ಪಟ್ಟು ಹಣ ನೀಡಿ ಬಿತ್ತನೆ ಬೀಜ ರಸ ಗೊಬ್ಬರ ಖರೀದಿಸಬೇಕಿದೆ. ಖಾಸಗಿಯಲ್ಲಿ ಡಿಎಪಿ ರಸಗೊಬ್ಬರ 50 ಕೆ.ಜಿ.ಗೆ ₹1600ರ ವರೆಗೆ ದರ ನಿಗದಿ ಪಡಿಸಿದ್ದು ಇದು ಹೊರೆಯಾಗಿದೆ ಎಂದು ಚಿಕ್ಕದಾನವಂದಿ ಗ್ರಾಮದ ರೈತ ಸಿದ್ದಪ್ಪ ದೂರಿದರು.

ಸಾಗರ ತಾಲ್ಲೂಕಿನ ಕರೂರು ಹೋಬಳಿ ವ್ಯಾಪ್ತಿಯಲ್ಲಿ ರಸಗೊಬ್ಬರಕ್ಕೆ ಹೆಚ್ಚಿನ ಬೇಡಿಕೆ ಇದೆ. ಆದರೆ ಕೆಲವು ಗೊಬ್ಬರಗಳು ದೊರೆಯುತ್ತಿಲ್ಲ. ರೈತರು ಕೃಷಿ ಇಲಾಖೆ ಕೇಂದ್ರಗಳಿಗೆ ಅಲೆದು ಸುಸ್ತಾಗಿದ್ದಾರೆ. ಇಲ್ಲಿ ಪೊಟ್ಯಾಷ್‌ ಯೂರಿಯಾ ಡಿಎಪಿ ಗೊಬ್ಬರದ ಕೊರತೆ ಹೆಚ್ಚಿದೆ. ಸಣ್ಣ ಹಿಡುವಳಿ ರೈತರಿಗೂ 3ರಿಂದ 5 ಚೀಲ ಗೊಬ್ಬರದ ಅವಶ್ಯಕತೆ ಇದೆ. ಆದರೆ ಗೊಬ್ಬರ ಮಾತ್ರ ಸಿಗುತ್ತಿಲ್ಲ. ಇದರಿಂದ ಕೃಷಿ ಚಟುವಟಿಕೆಗೆ ಹಿನ್ನೆಡೆಯಾಗಲಿದೆ ಎನ್ನುವುದು ರೈತರ ದೂರು.